فوق هام السحب ( الشعر الشعبي) على متن القوافي

ياعيد كنّك جيت في غير وقتك
ماشفت بك فرحة ولا كنّك العيد

مريت مثلك مثل الايام خلتك
غربة شتات وضيقة حلمها قيد

وجهك مدينة صاخبة وسط صمتك
وأول مداك لآخرك مُر وبعيد

أذكرك؟ كيف أذكرك يا عيد عشتك
طفلٍ توسّد ليل صبحك بأناشيد

قبّل كفوف امه ولبس و"تأنتك"
وأقبل يلمك من وجيه الأجاود

تحفّه "أرحب" "ياهلابك" "فديتك"
وسرب الفراش و"عاد عيدك" "وانا عيد"

مااتت هنا ماتت ورحت وفقدتك
ومرت ثمان وهي على حطة الايّد

نفس الجروح ولوعة اليُتم تفتك
بأقصاي بأحلامي .. بأمانيّ وتزيد

يا عيد كنّك جيت في غير وقتك
تزيد في جرحي ويسمونك العيد

.....