المنتدى العام مخصص للمشاركات العامة والمتنوعة)(تطوير الذات)(سوق الأسهم) |
|
أدوات الموضوع | إبحث في الموضوع | انواع عرض الموضوع |
03-12-2008, 11:56 AM | #1 |
|
الجــــــمـــــــــس......شييييي!
راكـب اللـي يقـرب البعـد لا منـه زمـا = جمس شكمانين توه مـن أمريكا ورد ------------------------------------------------------------------------------ كن حـس بلوفـه مناقشـة حـزب علمـا = يدرسـون محـاضـراتٍ بجلـسـاتٍ جــدد فـزتـه لا فـــز كـنــه بيـصـعـد للـسـمـا = مـثـل حــر مطلـقـاتٍ سـبـوقـه لـلـهـدد كن فزيـزه مرمـيٍ رمـى لكـن مـا رمـا = كزه المطفوق واخطاه وارتـاع وشـرد لا عطا حـزم الجلـد يرتكـز عجـه كمـا = قنـف غـرٍ مرزمـه فـي مقاديمـه بــرد بنهمـه فجـرٍ مـن العاصمـة ثـم اجهمـا = ناصيٍ ديرة هوى البال مركـوز النهـد الفطور شريق ما بين شقرا وضرمـا = والغدا في حزم جاشٍ بلا سابـق وعـد لايمي في حب جاش وأهل جاش يعما = جعـل مالـه فـوق دنيـاه مــال ولا ولــد - حمد هادي المسردي |
03-12-2008, 12:00 PM | #2 |
|
حييّت يا جمس(ن) جـدادن مشاريــه** عبارتين (ن) بمية ألف(ن) شرينــــــــــاه أربـع ميا وخمسين من عند أهاليــــــه **آخر موديل بعالم الشرق عــــــــــــــــزاه جمس(ن) اليا شفته اعزا لك تقهويــــه** يا ِطيْب طِيْب القهوجي كان قهــــــــــواه سوّاه لطوال الشوارب مسوّيــــــــــه **ما يركبه يا كــود حامي حمايـــــــــــــــــاه يا ليت راعي الجمس يومه يسمّيــــه **على اسم عـنـتر والا بو زيـــد سمّــــــــــاه من عزته ما ركبو أهل الدلع فيــــــه **ولا ســـــــــوّوقــــــــووه أولاد دادا وداداه مثل المسدس يـبرمه من يـعـبـيــــــه** أبو محاله لا وطـــا الترس مــــــــاطــــــاه يـفـتر سـير المروحه من تــواليـــــه** وســير(ن) بــراس الديـنـمو قام يشــعــــاه صـمّـام بـوجـيّـه بنار(ن) يـغـذيـــــــه** وتولـدت شــرارتـه وأكـمـل اغـــــــــــذاه الجمس كـنّـه مـتـهـم جاء مـحـامـيــه** دفـرنس والقاضـي غــراز(ن) بـصحـــراه وكـبر المـطـبّـه ما يـغـيّر هــقاويـــــه** ومساعـــداته عن يـمـيـنــه ويـســـــــراه والاذرعـه عن ميلة(ن) به تــــواسيه** كنها عـضـود ملاكـم(ن) شـرب غرشـــاه وان شال حمل(ن) ما يـكـثـّر شكاويـه** ما شي يـهـمّـه والـسـسـت كلها افـــــداه ومن سرعه الرادار ما عــاد يـمـديــــــه** يـشـوفه ولا جـنـّي سلـيـمـان جـــــــاراه هم ما دروا ان الجمس صعبه مراميـــه ** ويصعب على الــرادار كـشـفة خـفـايـــاه صحيح من لا يعــرف الصقــر يشـويـــه** والجـمـس صـقـر وكــرّم الله مـلـحّــــــاه أرقـام طبلونــه خديـعـــه وتـمـــويـــــه **من شــآن ما يـِمـنـَـع ويخـسـر وكــلااااااه والا تــرى العــدّاد يا جـاهـــــــل(ن) فيه** ألـفـين كيلـــــو بالدقـيـقـــه حـسـبـنـــــاه واعـداد ما يـذري من الشرق ذاريـــه** صـلوا على من زعـزع الشرك وانهـــاه اللهـــــم صل على محمــــــد |
03-12-2008, 01:25 PM | #3 |
|
يعطيك العافيه الكايد... ذكرتني بقصيدة ابن الذيب انا لاوزع على الناس ابتساماتي _______يا ميتين المشاعر وش يحييها حقك علي ما تدسملي شنباتـــــي _______وفعايل الناس ما تشبه مباديها والفرصه مواتيه والطاري مواتي______ والشعر حاجه تعنيني واعنيها لكن ماهو يعبر عن معاناتـــــــــي ______الا تعبر عن الدنيا ضواحيها من تجربة ربع قرن عاشها ذاتي______ماكل فرق يهز القلب طاريــها ولا تحرش هجوسي في بنياتي_______تطابقت روس عجميها وياميها والا امبراطورك الخافق ومشهاتي_____تطربخ في بركة الخطاف رجليها يا اول محطة غرام من محطاتي______ليالي جمعتني فيك يسقيــــــــــها اجيك وانا كبيراتن طموحاتي________واروح وانا محبلها ومعطيـــها وعليك قلبي ورا الاضلاع ما باتي_____ولا يقرب ديارك يوم انويــــها يا كود الجمس ما تنافى المسافاتي_____ملعك باول الدنيا وتالـــــــــيها منحره لاقبل مع خشم الطويلاتي_____منحر ذلول تزود بكبد راعيها ومرايته دون كبوته عريضاتي_____كفوف امام مع دعوها ويدعيها ولهولي بيخ بلوفه بلوفاتــــــي_____يولع النار ولا ما يطفيـــــــــها ما بينه وبين اهل نجد علاقاتي____لا هي تدانيه ولا هو يدانيـــــها وصوته لاريح بنمره عقب زكاتي___تنهيده اللي صدوق العشق كاويها تناحي بالمحبه باالتناهاتـــــي_____ولا لقت المحبه من يناهيـــــــها ورفارفه يوم يصفق بالمطباتي____ردوف بنت من النعمه تدربيها لا ناطحه هو ببيته عاتـــــي_____خايف انه من الزود متقفيها ومساحتينه لاقامت تقبل وتاتي___اصبع عجوز كثيرات دعاويها عليها الاحياء تدخل جو الامواتي__وعليها الاموات مدري وين اوديها الجكور اكبر عياله والبنياتي____اللكزس والبورش والبي ام وافيها ان قلت يا الجيب خاوه قال ما احاتي__ماكل ديره يواليها اوليـــــــــها يشرب فناجيلي ويكسر بيالاتي___يمد رجله على دربي ويثنيها ان قلت يا الفورد قال الفورد سكاتي__بعض الطواريق ما ودك تناحيها الجمس ابداع من كل اتجاهاتي ____كنه قصيدتك تيك اللي على ايها مصدر من الفجيره باسم كرواتي____يدرس علوم الطبيعه في نواحيها وشراه واح سعودي من اماراتي____وباعه على حضرمي رايحن فها والحضرمي كل ما خزن من القاتي ___الحاجه اللي على باله يسويها لابغى يرهب كبار الحكوماتـــي____رجله على قطعة الفرجه مضريها واالا خواطر خفوقي واخر ابياتي____قصايدي كل ابيها قد سمعتيـها والله اني عشقت رضاك بالذاتي_____مابه مساحه بقلبي ما مشيتيها يا نيلي العذب يا دجلاي يا فراتي____يا ديرة الحب شارعها وكبريـها يا ابلغ قصيده عليها من حركاتي____تلفتت بالدهشه عيني قاريـــها والى انتثر دمع عينك سوي سواتي___قولي بكلمه كذا ثم مشــيها الحزن يوم المفارق عاملا ذاتي____فطره في الانسان ما يقدر يخليها --------------------------------------------------------------------------- تحياتي ----- |
03-12-2008, 01:41 PM | #4 |
|
الحياة الله يعطيك العافية على الرد الأكثر من رائع ... بس جمس عن جمس يفرق ..! الحياة متألقة من البداية شكرا لك على هذا الحضور المتميز |
03-12-2008, 08:01 PM | #5 |
عضو مؤسس
|
يعطيك العافية أخي الكايد على هذه القصيدة
تقبل مروري ولاهنت يالغالي تحياتي واحترامي |
03-13-2008, 12:33 AM | #6 |
مراقب سابق
|
عوفيييييييييت أخي الكايد
وسعت صدري بهالقصيدة الله يوسع صدرك لا هنت تحيتي لك سعد ال عدول |
03-13-2008, 12:35 AM | #7 | |
مراقب سابق
|
اقتباس:
تدل على ثقافتك واطلاعك الله يعطيك العافية |
|
03-13-2008, 03:15 AM | #8 |
|
يعطيك الف عافيه
مشكور والله جمس متعوب عليه اذا شفته من برى تنسد نفسك لاكن رح له من داخل والله ابداع × ابداع وااصل يابطل |
03-13-2008, 09:35 AM | #9 |
مشرف سابق
|
يعطيك العافية أخي الكايد على هذه القصيدة
وسلمت يد اختي الحياه ع الاضافه الجميله تحياتي واحترامي للجميع |
03-15-2008, 08:38 AM | #10 |
|
المهندس/ بلقاسم ال عدول صبي الروحاء كــومانــدوز قناص القلوب لكم جزيل الشكر والتقدير على مروركم ومشاركاتكم الجميلة |
أدوات الموضوع | إبحث في الموضوع |
انواع عرض الموضوع | |
|
|