فوق هام السحب ( الشعر الشعبي) على متن القوافي

غايتي يانفس ماهي مستحيلة
لو تطير أحلام عمري من يديني

ودي إني كل صبح وكل ليله
مرضي ربي ومرضي والديني

.....

ان ما تعبت لغاية الحلم ما ارتحت
بيضيع عمرك بين الأفضل والأسوء

حتى مطيحك ودك إنك ليا طحت
ما تطيح لك من شي ماهوب يسوى

.....

تمكنت من روحي وماخذ ثلاث ارباع
بقى ربع واحد وانت حاكم مرابعها

يا ليت الظروف اللي تحدك لها مِقراع
ما تاخذ دروبك عن دروبي وتمنعهـا

.....

تشـين وتـعود وبأمـر الله تـزين
‏مافيـه نفـس بالنكايـد مـديمـه

‏يعـطي وياخذ والقسـا يعقبه ليـن
‏عـظيم واقـداره بفضـله عظيـمه

.....

اتصل لك في خيالي كــل ساعه
والحديث يدور ما بينك وبيني

يا خشيف الريم في صوتك مناعه
وفي قبالك راحه الدنيا تجيني

انت عندي مثل ما غالي بضاععه
والبضاعه سمتها بباقي سنيني

.....

عيش طيب ولكن كل شي له مــقام
خل قـلبك على صون الكرامه حـريص

لا تبالغ فـــي التــقـديـر والاهــتـمام
لجل ما يرخص الغالي ويُغلا الرخيص

.....

ما كل من تحسن به الظن طيّب
احيان ظنك مـا يجي في مـحلّـه

مثل السراب اللي تشوفه قريّب
واليا قـربـته بالنظـر ضاع كـله

.....

‏شفت الزمن وشلون يقسى علينا
صرنا انا وياك في حبنا اغراب

مدري من الدنيا او العيب فينا
صرنا نتجاهل بعضنا دون اسباب

.....

‏مثلي مثل غيري مزاجي وحساس
ماهو ضروري مثل ما اصبحت أمسي

احيان اشعر ب ارتياحي مع الناس
واحيان مالي خلق حتى لنفسي

.....

‏كل رغبه لو تجيني بعد طول انتظار
‏ما تعادل لـذة اللي تجي في وقتها

.....