فوق هام السحب ( الشعر الشعبي) على متن القوافي

‏الراس مملي بالعتب والعين تملاها الملام
‏والعقل ناوي والخفوق يحاول إنه يسترك

‏يا ما تحمّلتك وشلت الضيق في يدين السلام
‏وياما تزاعلنا وحتى بالخصام اقدرك

‏ما عاد عندي حيل أكثّر بالعناد و بالكلام
‏في ذمتي لا طال موضوعك معاي ابخسرك

.....

‏يا خِل فيني شــوق ما حل بإنسان
يا خِل احس الروح ماهي بروحي

يا خِل حبي في سما حُبك ادمان
يا خِل داوينــي وداوي جروحي

يشهد عليا من خلق كل الاكوان
الواحــد اللي يعلم اسرار روحي

إني احبك حُـب ماحبــه انسان
حبً من الاعماق يا روح روحي

.....

‏لو الغـلاء يُكتـب علـى كــف مغليك
نقشت حرف اسمك على كف يمناي

ولو العمر يهـدى على الناس لهديك
عمـــــري وكل اللـي ملكتـه بدنياي

يا سكنــن روحــــي انا ميتــن فيك
واهواك واحبك من اقصاي لقصاي

ومن زود حبـك يا غلا الروح افديك
بروحي وقلبي لك مع كامل اعضاي

.....

‏لاتعاند شوفنـــي عايـــــش وحيد
مامعي في الكـون معشوقً سواك

انت ساكـــن يا الغـلا بيـن الوريد
مااحـد قبلك وصـل في مستواك

يا رقيــق الطبـع يا الذوق الفريد
ليت تعـرف داخلـي معنى غلاك

انت عشق وانت حب وانت عيد
وانت نـــور الكون وانـواره معاك

.....

‏يوم خيرني الزمن فالناس سهلت إختياري
‏كنت أشوفك كل هالدنيا بعيني كل حزه

‏ما عشقتك نزوه وعذبتك بطول إنتظاري
‏جيتك أسرع من جناح الطير لا عجل مفزه

‏لا توقفني على حفة شموخي وإنكساري
‏ولا تساومني على العزه مدام إن لي معزه

.....

‏شعوري معك يحتار يبدا معك من وين
‏تلوم السكوت ومن يشوفك معه عذره
‏
‏لا عمّ الشعور الصمت ناظر عيوني زين
‏كلام العيون اصدق من الصوت والنبره

.....

عليه من الملامة ما يصحح غلطة المخطي
‏و أنا باسقي نوابت ضيقتي بأسوء قراراتي

‏باصد وباشعل من الهجر نار وتنطفي نارين
‏واروح الروحه اللي توجع أرضي ثقل خطواتي

‏باشبع رغبة الهجران فيني واتماد لين
‏احس اني على كثر ابتعادي مرضي ٍذاتي

.....

ذروة الاحتياج وذروة المشتهى
‏كنت المزايا وكل الناس كانوا عيوب

‏وكانت يدينك سراب ولا تناوشتها
‏مرّيت مثل الحياه ورحت مثل الهبوب

‏حلوك و حلو الليال اللي معك عشتها
‏مع انها كانت اقصر من حبال الكذوب

.....

ترا الوفاء بقلوبنا ما له أسباب
فطرة خلقها الله وصارت طبيعه

نسأل عن الخلان ونعز الأحباب
واللي شرانا بالغلا ما نبيعه

.....

عليه اللوم ودموع الهقاوي والسلام الحار
‏كثر ماكان في صدري حكي قاسي ولا قلته

‏رميته بالفراق الواضح اللي ما عليه غبار
‏وغسلت ايدي وقلبي من هذاك اليوم غاسلته

‏بيفقدني وياكله الندم وبتوجعه الافكار
‏وأنا جعل الله يقطعني إذا في يوم واصلته

.....