فوق هام السحب ( الشعر الشعبي) على متن القوافي

‏اوقــات اتمنى مــــن النـــاس واحد
يستوعب احساسي اذا جيت احاكيه

يحس بي فــي ضيقتــي والشدايد
ويداوي اوجاعــــي برقــة حكاويه

يااهل الشعور النفس صارت بدايد
والصدر ضايــق ما لقي من يداويه

والروح محتاجــــه رفــاق وسنايد
والقلب يبغا في العمر من يواسيه

.....

دامك سكنت بداخل القلب يرعاك
هذا خفوقي و أنشده كيف يغليك

قلبي و أعـرفه بالغـلا كـم تمناك
مدري على كثـر الغلا ويـن أوديك

.....

يموت العذر ويموت العتب دام الغلط مرجوع
‏ويبقى الحُب مرسول السلام اللي يواسيني
‏
‏تطمّن يا حبيبي لا تقول وصالنا ممنوع
‏وأنا في كل يوم ألقاك بين دعاي ، وآميني
‏
‏تمادى فالطعون الخضر ما دام العتب مرفوع
‏ترا قلبي ملاذك لا نويت تطيح من عيني

.....

‏خلوا الهايم يهوجس .. و يتمتع في هيامه
‏كل ماعادت به الذكرى وليل الحزن هوّد

‏و الحبيب اللي كلام عيونه أكثر من كلامه
‏ودي أمسك كل لحظه في وصاله و اتجوّد

‏في غيابك جالس أدوّر على نص ابتسامه
‏قال خايف ؟ قلت أخاف انك تروح ماتعوّد

.....

تراقبك العيون اللي تحبّك والمحب يخاف
‏عسى ربّي يجيرك من عيون الخلق عز وجل
‏
‏على ماخصّك بـ زود الجمال ونادر الأوصاف
‏أنا ما ألوم من خافوا عليك من الحسد والغل
‏
‏مع إني . . لو تكلّمت بـ حياديّة عن الانصاف
‏من الواجب عليهم يفرشون الارض ورد وفل

.....

‏جفت عـروق الشــــوق يا سارق الروح
وانساب فـي صــدر المواجــع غيابك

تعبــــــت اخبــــي ما اهذريه وانوح
والقلـــب يا قلبي حـــرق من عذابك

لي نبض متعـذب ولـي قلب مذبوح
ولي روح تســرح كل يومــي صوابك

ولي جفن مايغفي ولي دمع مسفوح
ولي عيـــن توله بالسهــر في عتابك

......

‏يا نــوم صارحنـي وقـــول الحقيقه
ويـش المشاكـل بينـك انته وعيني

متفارقيــــن وكل مـــن في طريقه
ومرت على ذا الحال عدت سنيني

يانــوم!! عينـي زوجتك مو طليقه
ليش الجفا والحقـد هذا الدفيني

إتصالحو كثــر السهـــر ما اطيقه
والله حـــــرام اللي تســووه فيني

.....

‏في داخلي شـوق ن من ايام مخفيه
وأحـــرق بناره بس اراعـي ظروفك

ومنتظــر فرصــه على شان ابديه
وانثرلك احساسي بلحظة اشوفك

يامن غرامك ساكن القلب يا هيه
وينــــك حبيبي عذبتني طيـوفك

قلبي معـذب فيـك ليتـك تداويه
واكبر علاج القلب لمسة كفوفك

.....

‏الصبح وعيونك حكايات عشاق
لاسلهمت لي ضعت كلي من الشوق

انت صباحك يشتعل كله اشواق
وانا صباحي فيك يمنحني الذوق

.....

‏اضحك ومن شاف الضحك قال مرتاح
وامـرح ومــن شاف المـرح قال سالي

مايدري انـي ضحكتي ضحكت اجراح
ومايدري ان المـــزح من ضيق حالي

يااهل العيـون الحاسده وضعنا طاح
ماعاد بقـــــــي للراحــه ايت مجالي

الوضع حطــم داخلــــي كل الافراح
والياس حطــــــم داخلـــي مابقالي

.....