فوق هام السحب ( الشعر الشعبي) على متن القوافي

‏ يامن اخذت القلب والروح وياك
‏لا تفتكر في يوم ابعد واخليك
‏
ما ذقت طعم الحب ياشوق لولاك
‏كل الهنى شفته في نظرات عيناك

.....

غــلاك عندي ما يجي فيـه تشكيك
لو بجمعه يصعب على الروح جمعه

متعلـي قـدرك ولا أحـد يســاويـك
ولا هـمني غـــيرك ولو سـال دمعـه

.....

اؤمن برب العيون الناعسات الوساع
‏سلهامها ياخذ العشاق لـ ابعد مدا

‏سهوم نظرتكْ ما يقدم عليها شجاع
‏حتى لو انه من اللي ينطحون العدا

.....

نظــــــرة عيونك سهـــــم للقلـب ذباح
ومبسمك شهد العســل فـي الجباحي

وصورتك تشفــــي من الروح الاجراح
ووجهك مثيل الشمس وقت الصباحي

احبــك وحبـك فـي سمـا دنيتـي لاح
وعشقك ملكنـي من جميـع النواحي

روحـــي فـــدا لك انت يا روح الاروح
يا غايــة آمالــــــــي وكـــــل ارتياحي

.....

‏الشـوق مثـل المــوت نزاع للروح
ياخذ مـن اجسـاد البشــر عافيتها

كنه شعور الطـيـــر لا صار مذبوح
يرقـــص ألم للـــروح بـ مفارقتها

وانا من الاشــواق عايــش بلا روح
والروح طارت فـي سمـا عاشقتها

حتى عيونـي تشكي الشوق وتنوح
من يــــوم عيني بالنظــر ناظرتها

.....

‏انت لك عنـــدي محبــه لو تشوف
كُبـر هالعالــم بكامـــــل مجمعه

لو اجمّــــع لك احاسيسي حروف
من كثّر هالحــب مقدرت اجمعه

وسـط قلبي لك غـلا ماله وصوف
ممكـن تحســه بـدون ان تسمعه

مسكنه جوفي وبالنبض الشغوف
ذاك حبي لــك وهــــــذا موقعه

.....

على رفقة الطيّب نزيد العزوم عزوم
‏وفي خوّة اهل الطيب مانيب متردد

.....

‏تسوق الطف أنسام الغلا ضحكة محياك
‏على روح من طالت عقوده وهو ضامي

‏ياسبحان من خلاني أدورك .. والقاك
‏وأشوف أبسط حقوقي معاك أكبر أحلامي

‏لا تستغرب إن بعت الوجيه وشريت رضاك
‏وأنا مرخص ليومٍ معك .. جملة أيامي

‏تمثنى فجوج القلب وأسلى وسج خطاك
‏على عين حاسد ضحكتي لك .. ولوّامي

.....

‏بعض البشـر ذكــراه يبقى ولو غاب
في كل لحظـــــه مايفــارق خيالي

غلاه متوغـــل معي بين الاعصاب
إن جاء فهو غالــــي وإن راح غالي

عز الرفيق اللي له الشـوق ينساب
والحـب له موجــود في كل حالي

تبقى غلاته بيـــن عيني والاهداب
ويبقى وسط قلبي فريد الخصالي

.....

‏دام الأمـــل موجـــود لا تتـبع الياس
وافـتح مــــع الآمال صفحـه جديده

والضـيــق ما هو للمخاليق مقياس
كم ضـايقن تصبــــح حياته سعيده

يا الله يا عالــم شعوري والاحساس
اجبــر خواطـــر في الضماير نكيده

إسعدقلوب الناس ياصاحب الباس
فيـك الامــل يا الله وفيـك العقيده

.....