فوق هام السحب ( الشعر الشعبي) على متن القوافي

لا تسندها على الرأس الضعيف
‏ما يفيدك واحدٍ ما فاد نفسه

.....

‏ان كان فعلك طاب من طيب ذاتك
‏ولا هوب شرط توافقك كل الأذواق
‏
‏تدري متى بتكون خاسر حياتك
لا صرت معدوم المبادي والاخلاق

.....

الزله اطمرها طمر واتعدا
واتعوذ من إبليس وابليس ملعون

اللي يحدوني عشان اتردّا
أحدهم للطيب حتا يطيبون

.....

قالت تغزل في عيوني يا معذبها
قلت اسمعيني ياجعل الناس يفدونك

عيونش اكثر قصيده مقدر اكتبها
اخاف من كثر ما اوصفها يعرفونك

.....

واحلالاه يا قبر ٍ بليا شواهد
حرت بين القبور أمشي وأدوّر مكانه

عقب راعيه في صدري فتوق ولواهد
كيف أكمل بدونه وأنا عايش عشانه

أسمع أصواتٍ تردد وأنا أركض وأجاهد
ما على العمر والدنيا وأهلها ضمانه

أحترفت القصايد وأحترمت المشاهد
وماحدٍ خانني لكن أحس بخيانة

.....

بعض الرياجيل صدره للمحامد حصن
لو تجرحه كلمة أهل البوق ما باقها

المرجلة والحيا في زود لو أنقصن
في عين طرّادة الدنيا ولحّاقها

يديننا في سبيل الطايلة ماحرصن
بدو ٍ تفدوى ونعم بالروح ونياقها

والبدو يومنها مبطي مصامخ حصن
لو تخسر أرواحها ما تخسر أخلاقها

.....

رقمٍ بجوالي عجزت أتعداه
راعيه مات وشق صدري غيابه

ياليت صوته باقيٍ مثل ذكراه
يتردد بسمعي ليومك هلابه

عجز يجيب الوقت مثله وحلياه
لامن فقدته هالكثر ، لا غرابة

دمعي يحجب الشوف لاشفت مركاه
خالي ، بعد زول الكرم والحبَابه

عذري وظني جنة الخلد تزهاه
وربي كريم بساعة الأستجابة

.....

لا باس مادام الزمن بالسنين يدور
يجيك الفرج وتعيش والنفس مسروره

ومهما يجور الوقت تبقى الصقور الصقور
ولوهي جريحه والجناحين مكسوره

ولا بد بعد الضيق ياتي الفرج منشور
وتشفاء كبود من عنا الوقت مقهوره

.....

الكاظمين الغضب عبادة المحسنين
عافين لو زادت الدنيا ملاماتها

نسامح اللي رجع ونسامح الراحلين
ونعفو بنفسٍ كريمة بإبتساماتها

ومن راح عني غضب ماني بقايل لوين
ما همني ناس ماني بإهتماماتها

من رفعة النفس حاجز عن طمان الحنين
الناس تعكس مشاعرها مقاماتها

.....

‏رزق البشر لا تعلّق فيه تفكيرك
لو تقنع براس مال العافيه ترضى

ان كان ربك منعك اللي عطى غيرك
أكرمك بالنعمه اللي تنقص المرضى

.....