اخترنا لكم

شتان بين الواقع الي نعيشه
‏وأحلامنا الي مثلنا ما تجرأ

‏الحلم من صدري لحد الدريشه
‏والضيق من حد الدريشه وبرأ

.....

‏تمردي بالتغنج وألعبي بالطروق
‏اللي بها الغطرسه والعنفوان اخلطا

‏انتي من اللي عليه قلوب الامه تتوق
‏منتي من اللي ليا روّح مراح القطا

‏الصبح يتنفسك والليل عقبك يروق
‏وتخضع لك احلامك الصعبه بدون وسطا

‏تخوى عليك الهبايب والمطر والبروق
‏حتى السحايب عشانك ودها بالوطا

.....

هو عاد للأعذار إيدين وكفوف
والا فقد حتى العذر نور عينه

كنا وكان الوقت رِبعه ومحفوف
عن كل ضيقٍ بعضنا عابرينه

لكن تعثر ضيقنا اليوم برفوف
وطاح الألم في داخل الروح طينه

.....

إن كنت تجهلّني فأخذ مني التعريف‏
أنا دربٍ ما تقدر بوجهين تسلكني

أنا أكبر من التلميع والبهّرجة والزيف
لا غبْت أنفقد وإن جيت ربي مجمّلني

‏‌ مهند العتيبي

رفيقي أنت الثمين اللي مقامه ثمين
ومن الكلام الثمين أهدي عليك أثمنه

أنت أطيب الطيبين اللي جمعت الثنين
‏الرأس ما أطيب منه والقلب ما أنظف منه

.....

‏حداني على بعض الأماكن غلا الغالين
أسوق القدم لحماه وأجيه وأمرّه

وأنا والله إني خابر أن الدروب يمين
ولكن طواري القلب تدهاه وتفرّه

‏ضيدان بن قضعان

‏بدا يعيش الخوف في قلب الشجاع
وبديت أملّ من الحياة الفانية

والمشكلة مدري متى يوم الوداع
ومدري متى يوم القطوف الدانية

لكن على طاري ضياع وما ضياع
أنا بديت أضيع مره ثانية

نايف الحزيمي

استانس الخاطر اللي له سنة في دبور
وتعلّم الصح من وادي بطون الخطا

قل للرفيق السنافي لاتلف وتدور
بنت الرياجيل توخذ ماهي تنعطى

عفيفةٍ مالحقها في نسبها قصور
وأشرف من اللي على وجه البسيطة وطى

واللي يحط العذر سبة غلاة المهور
جعله فدا بنت عودٍ ما تشيل الغطاء

فهد فارع

الأيام مابه حدٍ ما بيّحت سدّه
والوقت حمله ثقيل وميلته عاله

يومي بنا حلم ليلة في نحر غدّة
وتحدّنا حر شمسه نطرد ظلاله

وضاعت طموحاتنا في هاته وودّه
إلين عفّ العفيف وماتت آماله

مير أعذر الطيّب إليا غاب له مُدة
لا تحرجه وأنت ماتدري عن أحواله

سعيد بن محماس المرّي

‏أشرف علامات السماحة فالوجيه الابتسام
‏وأعزّها ضحك الحجاج بساعةٍ ياشينها

.....