اخترنا لكم شعر نبطي وفصيح

‏يا حبيــب الروح لاتهـمــــل ضياعي
عاشقـــك اصبــــح في الدنيا قطيع

صرت مثل اليخـت مقطوع الشراعي
تايهـــن دربه في البحـــــر الوسيع

ليت يا المحبــوب تصغي لاستماعي
قبـــل ماعقلي مــن الفرقى يضيع

لاتعـــــذبني بهجـــــري وانقطاعي
يكفي ان القلب من هجرك وجيع


.....

‏مساكــــم الله بالرضى والمســرات
واجمل حروف الشعر واجمل قوافي

لكل غالــــي مسكنه داخـــل الذات
ومكانته وســـط الضلـــوع الخوافي

مني ســلام الود واجمـــــل تحيات
مخصوص توصـــل كل انسان وافي

بالورد والنرجــس على شكل باقات
من قلب صافــي للقلوب الصوافي

‏عسى خيـــــر بعـــد اتعابنا يــوم نرتاح
وعسى الامــل يأتي بطيــب الاماني

وعسى ورا الاحـــــــزان تأتينــا الافراح
وعسى السعــاده ماتفـــارق كياني

وعسى حظوظ الوقت تنسينا الاجراح
وعسى القدر يمحي جروح المحاني

وعسى الزمن يضحك لناعقب ماطاح
وعسى المـرح يبقى طوال الزماني

.....

‏يا الله يامن فــــوق عرشـك تعليت
يامــن تدبــــر كل زينـه وشينه

ادعيك تغفر لي خطايا اذا اخطيت
وتمسح ذنوبي كل ذنبٍ بحينه

يارب يااللي لك عبــدتك وصليت
عبــدك لجا لك يا إلهي تعينه

ترزقني الراحـــه علــى ماتمنيت
وتملا حياتي بالفرح والسكينه

.....

‏دام الأمـــل موجـــود لا تتـبع الياس
وافـتح مــــع الآمال صفحـه جديده

والضـيــق ما هو للمخاليق مقياس
كم ضـايقن تصبــــح حياته سعيده

يا الله يا عالــم شعوري والاحساس
اجبــر خواطـــر في الضماير نكيده

إسعدقلوب الناس ياصاحب الباس
فيـك الامــل يا الله وفيـك العقيده


.....

‏فديت عينـــك لو تبي العيــن خذها
وخذ النظـر مادمت في الروح غالي

واشلـــون اغليها وحبـــــك سكنها
وانت الوحيـد اللي سكن في خيالي

لا تسألونــــي يا هــل العشق عنها
ضاع الجواب وضاع معها السؤالي

اخفيــــــت طاريهـا وقلبـي علنها
وقال اعشقـك يابعد حالـي ومالي


.....

‏مشتاق لك والشـوق قطــع فؤادي
بالله ترحمني مــن الشــوق لاموت

معقـــــول يا لذة شرابـــي وزادي
احرمتني حتــى على نبـرة الصوت

حبـــك علينا يا الغـلاء غيـر عادي
لعبــت بي لعبة برامــج وريموت

لاكن احبــك من صميم اعتقادي
والقلب يا كل الغلا يعشقك موت

.....

‏يا طير في كبد السما شد بالسير
صــوب الديار اللي فـــؤادي عشقها

سكانهـا ناســــن لهـــــم كل تقدير
وغلاتهم في القلـــب ماحـد وسقها

لامن وصلــت الزيــن صبحه بالخير
واشـرح له اشواقــي بلحظـة فرقها

وقله على فرقاه عايــش وسـط كير
ونفسي من اشواقـه على اخر رمقها

.....

‏من كثــر مادونت في عشقـك ابيات
ماعاد بقـي لهواجــس الشعر طاقه

كتبت لك مــن كل معجـم عبارات
ومن قصيـد الحــب حالـي مذاقه

وش عاد بكتب مابقى شي فالذات
خِلصــت دفاترنا وخلِصــت وراقه

ماعاد معي غيــــر الوله والتنهات
في داخلـي والشـــوق لآخر نطاقه

.....

‏يسعد مساكـــم بالقصايــد والابيات
واجمل حروف الشعر واجمل قوافي

لكل غالــــي مسكنه داخـــل الذات
ومكانته وســـط الضلـــوع الخوافي

مني ســلام الود واجمـــــل تحيات
مخصوص توصــل كل انسان وافي

بالورد والنرجـس على شكل باقات
من قلب صافـي للقلوب الصوافي

.....