اخترنا لكم شعر نبطي وفصيح

‏لقيتك ليلةٍ تسرق شعور ومزنها صبّاب
‏يا وجهٍ كل مايضحك عساها تضحك سنينه
‏
‏يمّل القلب تلويح الكفوف وسكة الغيّاب
‏مثل من ملّ خطوواته على رجوى تنادينه
‏
‏تشوفين الهوى غربه وانا اشوف الهوى غلاّب
‏تعالي والكلام اللي بصدرك لا تخلّينه

.....

‏من ذاق خمرك قضى عمره وهو طينه
‏ياللي بتاج الحسن والذوق توّجتي

‏مايضفي اللبس لو انك توطينه
‏مكشوفة الستر وانتي ماتبرجتي

‏فيك الدلع طبع و الكشخه بلا زينه
‏وفيك التغنج لو انك ماتغنجتي

‏أمانةٍ معك كان الصوت توحينه
‏حبي جبين العجوز وقولي أنتجتي

.....

خلي جديلك ينتشر بين الهبوب
‏اللي يسرّيني ليا منّه سرى

‏مخلوق من خصلات والا من قلوب
‏يبي له احباب وقصايد واشعرا

‏قولي لرمشك عن براءاته يتوب
‏لا عاد يذبحني وكنّه ما درى
‏
‏من شافك يشوفك معاه بكل صوب
‏ومن تجرحينه عاش عمره ما برى

.....

‏لا يطوّل زعل قلبك على اللي يبيك
‏الدروب الوسيعة ليه ضيقتها

‏أنت تبغى القصيد اللي مسويه فيك
‏وكل حاجة جميلة معك في وقتها

‏ضمّني من على صدرك وسكر يديك
‏وقرّب الحاجة اللي بريقك اغرقتها

‏والله أني ما اسولف لك ولا اقصد عليك
‏من قصيدي قصيدة وأنا ماذقتها

.....

‏من سابع المستحيلات إني أنساك
‏رغم إن الأقدار خلّتني أخلّيك

‏وشلون بنسى ومن حولي هداياك
‏عطرك رسايلك ضحكاتك أغانيك

‏لو هي على الحب قلبي ما تعدّاك
‏ولو هي على دمعتي ياجعل ماابكيك

‏لكن ورب الشعور اللي تمنّاك
‏اني لو أهديك عمري ما يكفّيك

.....

اغرسي في رملة القلب بسمات وورود
‏ودّي اطرد هاجس الضيق منّي واقتله

‏كيف بنسى زمّة الموت من بين النهود
‏وكيف اجيك بريح الاشواق وانتِ سنبله

‏وكيف اجمّد سايل الدمع لا بلّ الخدود
‏والجمر في شفّتك كلّ صلب يسيّله

‏وكيف بآوي للجبل وانتِ بنتٍ من ثمود
‏تنحتين من الجبل بيت عشقٍ ندهله

‏يا حبيبي شيد الليل في صدري سدود
‏والغصن في خافقي قام يشدي بلبله

‏في صحاري غربتي ضمني صوب العدود
‏واسقني من جمتك طيب هرج وبسمله

‏وان سكبت بدله السمع عذبات الوعود
‏الوعود مصدّقة والدلال مهيله

‏الغياب اقسى من النار في صدر الحسود
‏والظروف السود طعناتها مسترسله

‏غيبتك تجعل حياتي مراهيف وجنود
‏حرب ذات تحرق القلب حتى تذبله

‏لا تباعد طرفة العين يا الظبي الشرود
‏الثواني خلت سنين عمري ممحله

‏النخله تعطيك من جذعها مليون عود
‏وعود واحد يقدر يشب مليون نخله

.....

سم اللقا صدفة واسميه ميعاد
أنا انتظرتك وانت مريت صدفة

.....

‏البخل بصمة عار في وجه راعيه
‏والجود يبقى صاحبه رافع الراس

‏مات البخيل وضاع مالٍ تعب فيه
‏ومات الكريم وعاش ذكره مع الناس

.....

‏من لقى منك البشاشه والسّماحه
‏واللسان الذرب والهرج القراحي
‏
‏لا تلومه لا أنكسر صوبك جناحه
‏ما يمرّك واحدٍ ويروح صاحي

.....

رافق ولكـن لا توافـق على خمـس
‏لــو يطلـبونك صحـبتك لا تـوافـق

‏فاسد وراعي بخل والمزعج العمس
‏ومعهم رفـيق المصلحه والمنافـق

.....