اخترنا لكم شعر نبطي وفصيح

دامك بقلبي يا بعد كل الأصحاب
أكتب غلاك بحبر من شوق معصور

معك العمر يزهى على طول ما غاب
ويحلى الزمن دامك معاي ومسرور

يا زين طيفك لا حضر يمحي ارتاب
يزرع على درب المحبة زهور

لك في فؤادي منزلة عاليه ناب
ولك في عيوني هيبةٍ مثل البدور

يا سعد قلبي في وصالك بلا عتاب
يا فرحةٍ ما تنتهي وقت الحضور

.....

‏تمطـــر مشاعـرنا مــن الود مالاق
لاهـل النفـــوس الطيبــة والانيقة

اللي غلاهم في صميمي والأعماق
ومكانهم وسـط الخفوق العميقه

يسعد مساكم بالمحبه والاشواق
واطيب ورد الكون واجمل رحيقه

خطيتها من هاجسي فوق الأوراق
مني لكم يا اهل القلـوب الرقيقه

.....

‏الشـوق ماله وقـت يا ساكــن الروح
ما دام طيفـــك ما يفــــارق خيالي

اتذكــرك والقلــب يشتــاق وينوح
ويصيــح فــي الاعماق يابعد حالي

كابرت شوقي لاكن الشوق مفضوح
والشوق مالـــي في سكوته مجالي

حاول تحــس بلهفـت الروح ياروح
وخليـك اقــرب يا الغلا في وصالي

.....

‏دام الأمـــل موجـــود لا تتـبع الياس
وافـتح مــــع الآمال صفحـه جديده

والضـيــق ما هو للمخاليق مقياس
كم ضـايقن تصبـــح حياته سعيده

يا الله يا عالــم شعوري والاحساس
اجبــر خواطـــر في الضماير نكيده

إسعدقلوب الناس ياصاحب الباس
فيـك الامــل يا الله وفيـك العقيده

آمين

‏والله آنـي مابقـــــــى فيني مشاعر
كامل اشعاري مــن اوهـام الخيال

اكتـب ابياتـــي لقلبي جبـر خاطر
رغم ان الحزن في صــدري جبال

يا ظـروف العمــر كم نبقى نكابر
ضاقــت انفاسي ولاعد بي مجال

راحتي ساعـه وباق الوقت ضاجر
والسعادةاصبحت صعب المنال

.....

‏عيني بعينــك خـــل عيني تشوفك
اشتقت اقـــرأ في عيونك حكاويك

ودي اذوب بنظــرتي في وصوفك
وابحر بعالم فيـه كامــل خوافيك

ياليت تعـــرف يوم جتني طيوفك
حسيـت روحي ذايبه يا الغلا فيك

مشاعـري لك كل ابوهــا تحوفك
والله مابه شخص عندي يساويك

.....

‏خلونـي ارقد عسى الله يصلح احوالي
واصحـى من النوم ألقا الحال متغير

يكفـــي عيونــي سهــــر ايام وليالي
والنـــوم يحــرم عَلي من كثر مافكر

امسي بفرشـي ونا زهقان من حالي
والقلـب ضايــق من الدنيا ومتكدر

والعقل مشغول طول الليل والبالي
من كثــر مانا مـن الاوهـــام متوتر

.....

‏نعيــــش ونقــــاوم زمنــــا ومافيه
ونمشي ولانشكــي لحــــد ماكتمنا

نكفــــن اوجاع الجـــوارح ونخفيه
ولانبــــدي اللي فـي الحشايا دفنا

نضحك بوجه الناس والفرح نبديه
ونحاول اسعـد البشــر غصب عنا

ونصنع سعاده تحـرق اللي نعاديه
ونحفـــظ كرامتنا ونحفــظ قيمنا

.....

‏مساكــــم الله بالرضى والمســرات
واجمل حروف الشعر واجمل قوافي

لكل غالــــي مسكنه داخـــل الذات
ومكانته وســـط الضلـــوع الخوافي

مني ســلام الود واجمـــــل تحيات
مخصوص توصـــل كل انسان وافي

بالورد والنرجــس على شكل باقات
من قلب صافــي للقلوب الصوافي

.....

‏ليــت الوجــــع ماجاء على يد الاحباب
جرح الحبايب صعــب نوصف علاجه

لو هو غريب الناس مابحسب احساب
امـا قريــــــــب الناس يا الله خراجه

جرح الحبايب داخــل الصدر ماطاب
اوجاع تفـــــرق عـن وجع كل حاجه

تبقــى معـي طول العمـر جرح لهاب
واكسار قلبــي مثل كســـر الزجاجه

.....