اخترنا لكم شعر نبطي وفصيح

‏سلامة جفـاك اللي خذا البال من دنياي
‏أحب السكوت ان صار كل الحكي كذبه

‏تكاثرت عذرك لين صار الفراق « رضاي »
‏ وأنا شخص ما يكذب لسانه على قلبه

.....

‏تركته على باب المفارق ورحت وراح
‏مثل ما تركت الناس هذي على شانه

.....

‏من لايودك لاتوده وتغليه
‏ومن لايعزك لا تقدر مقامه

‏لوكان يفخر في جدوده وماضيه
‏الحر حر والهلامه هلامه

‏جنٌب عن المعتوه خالف مماشيه
‏قله توكل رافقتك الندامه

‏ارق بشموخ النفس بعض المشاريه
‏تجلب على النفس العزيزه ملامه

‏صد بوقار ولاتقرٌب حراويه
‏مشيك مع البيدا لحالك كرامه

.....

‏مغاتير صدري يطردن المجاهيم
‏في عثعثٍ بين الضلوع وحجبها

‏قامت تلافى باالضماير معازيم
‏خيلٍ تجاريها وخيل تعقبها

‏داست حذاها فوق بيض المراسيم
‏واستلهمت طوق العنى من غضبها

‏مدار فكري فوق من تحته الغيم
‏سحبٍ عن الأنضار دوم تحجبها

.....

البشر يخطون و التقصير حاصل
وان حصل مني خطيه سامحوني

وكان غبت وما حصل مني تواصل
بالدعاء و الخير و النعم اذكروني

.....

‏الذنب مرجوع، والغلطة من ايديني
‏أنا عطيت الوفا ( نيّة ) وسوّدها
‏
‏خذلان الأحباب مهما كان يضنيني
‏ما ينقِص أعمارنا .. ولا يزوّدها
‏
‏الناس مثل الدموع إن غافلت عيني
‏ما أقدر أردّها .. وأزريت أجوّدها

.....

‏مارحمك الوقت يالقلب الكبير
‏تستحي من ناس حولك ماستحو

‏والضمير اللي يسمونه ضمير
‏ما لقيته غير بكتاب ( النحو )

.....

‏المجامل له حدود وله قياس
‏وادري ان الطيبين يجاملون

‏مشكلتك انك تحب خشوم ناس
‏تستحي منهم وهم ما يستحون

‏عز راسك عن ١٠٠ مليون راس
‏وخل طيبك ب ٤ يستاهلون

.....

انكان حدتك الليالي على انسان
دور من زحول الرجال الهوايل

دعواك سندها على الذيب سرحان
ترى الكدايش ماتعود اصايل

سعود العضياني

‏والله اني فـي رفـيــقي ما اتردى
دام لي قدرة على كسب الجماله

من بغى المرقاب للمرقاب عــدى
ومن بغى درب السهل يلقاه فاله

خلف الحربي