قصيدة الفراعنه التي حيرت عقول جميع شعراء وناقدين الدول العربيه

هذه القصيدة أصبحت حديث المنتديات العربية والخليجية بوجه الخصوص وتناولوها أهل العلم والأساتذة وهي للشاعر ناصر الفراعنة
السبيعي , والقصيدة شدت إنتباه الكثير من أساتذة علم التاريخ والأدب ووقفوا أمامها كبار شعار الجزيرة العربية لما فيها من غموض
وغوص في أعماق المعاني والتاريخ .
وخلاصتها أنه استفسر منه أحد أكبر شعار الكويت عن حقيقة (نوت) التي وردت في بعض قصائده في قصيدة طويلة يشيد بشاعرية ناصر
الفراعنه ويمجده وهو الشاعر أحمد الخياط .

فقال ناصر هذه القصيدة :

علـى قبراليتيمة"نوت"ثوبـي بالخـلا شقّـيـت&&& ذكرت الله وشبّت في ضلوعـي حـربٍ أهليّـة

عقب وِتْرالسبع والخمس والتسبيـح والتسميـت&&& طيور الما على سلمى تغنّـي( طـاق طاقيّـة )

على باقي عرَق ساقي زجاجـة كاهـنٍ شمّيـت&&& على قِرْنة حجاجـه نجمـة السِبْـط اليهوديّـة

على الجنب التهامي لبّسوني خرقةٍ فـي زيـت&&& تلالى مثل وأري جمرةٍ فـي حـوض صفريّـة

على ساقة ملوكٍ من بـلاد الرافديـن أضحيـت&&& أركّب سـنّ وأقلـع سـنّ لـو مالـه ولاليّـه

وفي ريشة جناحٍ من حمام الأخشبيـن أدويـت&&& امّذْرِع شان واقـرع شـنّ وابرقـع نصيريّـة

وعلى ظهرالنعامة سافروا بي سبعةٍ مـن هيـت&&& إلى أعتى شعوب الأرض الادنيّـة والاقصيّـة

ذبحت العبد الادريسي ونِجْل الطاغيـة حِبْرِيـت&&& بأرض المغرب الأقصى طبخت من اللحم نيّـة

على تابوت"نوت" أحيا وأموت أفنيـت ماأبقيـت&&& ضربت الطـار وأجتاحـت عبيـد الزاركونيّـة

على قبر اليتيمة "نوت" أجدّد حسرتـي لاجيـت&&& وأقبّـل ضاحكـات المـوت تحتيّـة وفوقـيّـة

على شانك يا"نوت"خطـلان البشـوت أعميـت&&& أقـارع كـل ذو سِـدْنٍ وذو خِـدْنٍ وكوفـيّـة

على شانـك يا"نـوت" روس الخاينيـن أدميـت&&& أسرّج مِرْج..أمـرّج سِـرْج علويّـة وسفليّـة

على شانك يا"نوت"أضرب بحدّ مْصقّلٍ اصليـت&&& وكدنـا ننتهـي لـولا خيانـة عيـد الألفـيّـة

خبيثٍ من بني قومي سقاني حامـض الكبريـت&&& قرَت وسطه عجوزٍ من ذوي حضـرم ظفاريّـة

وبسم اللي لهول اسمـه تزلـزل منبرالسوفيـت&&& نحَرهـا أعلـى ظهرهـا جُبّـةٍ بالسـمّ مطليّـة

ثلاث دهور أصارع نافثـات الـزور ماذلّيـت&&& أغيّب شمس وأدفن رمْـس والأصنـام مرميّـة

ثلاث أزمان أداقش مسرجات الجانّ في تكريت&&& ثلاث أزمان تمْر خلي ملـوك الجـانّ رجليّـة

ثلاث سنين أعافـر نافخـات الطيـن ماولّيـت&&& ثـلاث سنيـن أكفّـن قاريـات التيـن بيـديّـه

وثلاث شهور ألاعي نازلات الطـور ماملّيـت&&& أجاوب جنب خيمة ضاربـات الطنـب طبليّـة

وثلاث أيّام تنعاني سرايـا يـام ليـن أصغيـت&&& أقـدّم كـوع أوخّـر كـوع يابـيّـي ويابـيّـه

لذي الفيروز سـادن معبـد النيـروز مالبّيـت&&& لغيـر الواحـد المعبـود ماأبـديـت مافـيّـه

بوادي برْك طارت بي حراير تُرْك يوم أمسيـت&&& أعاشر ليـل عاشـر كـل ذي حمـراً نميريّـة

طباين سبْك تدبْك دبّك ساع أقبلت سـاع أقفيـت&&& لسرْدٍ شرْد جـرْد مـرْد أصيّـح كـل قيسيّـة

ببطن القِرْش أعشّي حايمات العـرش ماغدّيـت&&& وحرْش الطرْش اورّدها قليب الهرش عصريّـة

بوجه الحوت جلّ اللي خلقني ضيغـمٌ صنتيـت&&& هِزَبْـرٍ ماتحـرّك منـه ساكـن ألـف سكنيّـة

ورب البيـت ماخلّيـت منهـم بيـت ماهدّيـت&&& أهـدّم دور وأبـنـي دور والآيــات متلـيّـة

هـل المزمـار عبّادةلسـان النـار والباكيـت&&& بني الإفْرَنْج قـومٌ مـن فرنـج الزنْـج مبليّـة

بكى سابور ذوالأكتاف في قصر الملك بلْهيـت&&& على نَيْكـل سقيفـة عابـد الهيكـل ضحاويّـة

تغطرس بِطرس النقرس وجينا له على التوقيـت&&& من أرض الفرس وأرض الروم جبنا القوم منهيّة

بعمّا والنبأ والخمس مـن سـورة سبـأ شدّيـت&&& بقـوّة ماتواتـر فـي الليـال العشْـر مكـيّـة

أقمنا دولـة الأيتـام مـن حِلّـي إلـى حِلّيـت&&& وآخـر عهدنـا مـاأورَدَتْ ليلـى الأخيلـيّـة

وأنا ماهاضني فيما على بيض الـورَق خطّيـت&&& شجـاعٍ لقّبـوه أحمـد ولـه شلفـا وشبـريّـة

أعرف أحمد إلى جاءجاء وأنا لاشلت ماحطّيـت&&& تحامينا علـى وضـح النقـا والأرض محميّـة

تبي الصراحة

والله مافهمت القصيدة ولو ماقلت ان الفراعنه كاتبها

كان قلت هذا ساحر مو بشاعر

الله يعطيك العافية على انتقائك الرائع لمواضيعك

تحيتي واحترامي لك

قد بحثت في النت عن هالقصيده

وطلع شروح لها <<< كلها جن وسوالف ماهي مع الانس

اشكرك ياوليد

اوووووه

كانت القصيده هذي عندي وكنت اقراها مرة ورى مرة ولا أمل منها
ومثل ما قال علي...كثير شعراء قد شروحها والقصيدة كله جن x جن وقصص طويـــلة وتخوف !

مشكـــور يابو عسكر ولا هنت ع القصيدة

موضوع مميز

بارك الله فيك

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟



احترت حتى احتارت الحيرة وغدت حيرات
حيرات تحرحرت واحتارت والفهم هيهات




أنـــــــــــــــــــــــــــــــــــــــــــــا

مشكور اخ وليد على طرحك
قصيده محيره فعلا ومليئه بالكلمات والمغااازي الغريبه نظرياً
والقويه والصائبه واقعياً

وليد
تسلم ، ويعلم الله حاولت أفهم منها ، ولكن للأسف ما فهمت بس للي شاعر أكيد أنها قصيدة ما هي عادية 0