ابوحيدر خدر خفوقي

خدر خفوقي

كانت حياتي شوفتك كنت الاشواق ===== اعيشك اجمل حب واطيب علاقه

كنت بخفوقي نشوه وحب مشتاق ===== دلع وذوق وشوق واحلى لباقه

كلي خواطر كلي انغام عشاق ===== كلي وله كلي شجون وعشاقه

ذوقي معك يمتاز عن كل الاذواق ===== قلبي معك لقي الحنان ومذاقه

خدر خفوقي حبك وسج مافاق ===== الا بعد ما حَر فرقاك ذاقه

قلبي تسلى لجل ينساك ما طاق ===== ماله على فرقاك يا زين طاقه

بيني وبين الوقت وهمومي سباق ===== وكلن يحاول ينتصر في سباقه

الحب لي منه سطا وسط الاعماق ===== ماتردعه نخوه وصيت وطلاقه

والحزن لي منه نهب قلبك وباق ===== تشوف بعيون الشماته شفاقه

والحظ لا ميل عن الشخص وانساق ===== ماعاد تنفع فيه فزعة رفاقه

ما يوقع الا كل طيب وصداق ===== وكل السبب في ماحصل لي صداقه

اهون عليَ الموت من حب وفراق===== يعذرني اللي سم حاله فراقه