ضاعت هويتنا وضعنا .....

(( ضاعت هويتنا ))


أنا شـــــد الأمة شعـــوب وســلاطين = هيا نعـــيد أمجـــــــادنا والبطولات

تاريخنا ناصع وعــــندي البراهــــين = والكل يشـــهد بادي الأمــر غزوات

بدر وأحــد والفتح وأمجــاد حــــطين = وأبطـــالها باقـــين للحـــين بالذات

حتى وصلنا مغــرب الأرض والصين = ونســـيّر العالم برمـــز وإشـــــارات

من ينصــــر الله ينصره لو بعد حــين = وحنا تخاذلنا عـــلى مجــد قــد فات

ضاعت هـــــــويتنا وضعنا من سنين = ومات الضمير وعزة النفس هيهات

كل العرب شعـب وحـــكومات لاهـــين = تشـــتـتـو مابين جــــــوع وديانات

حــتى نسينا قــيمة العـــــلم والــــدين = وقــــــمنا نجاريهم بحكم السياسات

من بعـــد ماكــــنا على جـــال نهــرين = نهـــر العلوم ونهر صنع الحضارات

سرنا على الهامش قــــــريب وبعيدين = نشجـــب ونســتنكر ونرفع شعارات

لعب على أعصاب الضعوف المساكين = أهــل العقـــول الضايعــة بين نزوات

نبغى نقول أحــــــنا هنا ... أو مهمين = وحــنا ولاحاجة مجـــرد علامات !!؟؟

ياهيه ياعـــــالم .. كفايه على مين ؟ = اللي تشـــوفــونه مجـــرد هــــتافـــات

أول قــضايانا العـــراق وفـــــلسطين = والخــافي أعــظم ... بس قــلّة خيارات

أمـــــا معي أو ضـــد , مابين حلين = نصـــبح بهم ونقضي الليل آهــــاااااات

حسره على مجد(ن) توارى في العين = والحاظـــر اللي مابقى بـــه مســـرات

والا عـــلى مستقبل أجيالنا . وين ؟ = طـــريقهم مظــــلم ومليان كــــبوات !!


وسلامتكم..........................

غيثان أشكركـ على القصيدهـ ,,, وهذا حال العرب ولن يتعدل

اشكرك عزيزي غيثان ... وبصراحه ابيات في قمة الروعه

وانت دقية على الوتر الحساس .. وقلبت المواجع يااخ غيثان

وانما اشكرك لجميل الكلمات

لله درك اخي غيثان على هذه القصيدة الرائعه
وننتظر منك المزيد
والله يحييك تحيه السيل

شكرا لك اخي غيثان الكثيري على روعة ماسطرت
من قصيده رائعه فصح لسانك

بيض الله وجهك اخي غيثان على القصيده الرايعه
ربي يعطيك الف عافيه

صح لسانك يا غيثان

قصيده رائعه بروعتك

ولاهنت يابطل

تحياتي

ودمت بود

تحية اعجاب وتقدير لك اخي الكريم/ غيثان الكثيري

على هذه القصيده الرائعه والمعبره

وارحب بك اجمل ترحيب بين اخوانك وفي منتداك

وجودك شرف لنا والله يحييك تحية المطر

بيض الله وجهك قصيده رائعه وجزله


وانت جزل


تحياتي لك


في صمتي كلام

أحبتي الكرام

لا أملك لكم الا الشكر على هذه الخفاوة وهذا التفاعل

وجمال ردودكم التي اسعدتني

فشكراً لكم جميعاً وتقبلو تحياتي وتقديي