الحب دولة و المشاعر سلاطين ~ْ::~("شعر / معااند")~ْ::ْ~

الحب دولة ... و المشاعر سلاطين=و الشوق يشهد بالغلا ،، و الموده

من يوم ما شفتك ليا حد هالحين=حتى بعد ما أنتي تصيرين " جده "

حبك بقلبي ما يبي له براهين=ما فيه لا قبله و لا فيه بعده

ياللي بــ شوفك يزهرن البساتين=مع كل بسمة تنبت ألفين ورده

ياللي مزايا زينك تزين الزين=صعبٍ علي أعدها كم وحده

ما لك عليّه حلفٍ ، ، و لا لك يمين=لو وزعوا حبي على الكون سده

و إنك مكانك داخل القلب و العين=فرشت لك عيني و قلبي مخده

تفاخري يا سعد من له تحلين=أنا أشهد إنه ما أحد اليوم قده

و من يوم ما شفتك ليا حد هالحين=حتى بعد ما أنتي تصيرين جده

و الحب دولة و المشاعر سلاطين=و الشوق شاهد بالغلا ،، و الموده

راقت لي فأحببت تقديمها لكم ....مع خالص الحب والتقدير للجميع