تغطية المناسبة التي أعدها الشيخ / عبدالرحمن بن حوفان بمناسبة ترقية عدداً من أبناء شمران الى رتبة لواء

دنـيـاك هـــذي كـلـهـا هـــز قـــاووق
ما تعرف الصاحب مـن اللـي معاديـك

أكثـر كـلام الـنـاس بالمـكـر والـبـوق
يهـرج مـعـك والـيـا تقفـيـت يرمـيـك

الـمـال دايــم صاحـبـة مرتـفـع فــوق
والـقـل خـايـب لــو ترفـعـت يرمـيـك

عـزي لمـن دور لـهـا عـنـد مخـلـوق
إمــا بـخـل ولا مـنـن يـــوم يعـطـيـك

أوصيـك بالطـيـب إذا كــان لــك ذوق
أرمــــه وراك ولازم إنــــه يـلاقـيــك

يـا عبـد هـون كـل مـطـرود ملـحـوق
لا تشتحـن لـك رب مـا هــو مخلـيـك

اللي جعـل لـك روح جاعلـك مـرزوق
كمـا تكـفـل بــك مــن الخـلـق كافـيـك

يعطي وباب الـرزق مـا هـو بمغلـوق
واليـا طلبـتـه ونــت محـتـاج يعطـيـك

الرزق لـه حسبـه ولـه وقـت مطلـوق
وان مـت ظــلا عـنـد قـبـرك ينـاديـك

والموت جايك لو تقع جوف صنـدوق
دع عنـك مابـك مـن حــذر لا يعنـيـك

لا تشتـغـل بالـمـال والـمـال ممـحـوق
مـــا مـالــك إلا مـــا تـمــده أيـاديــك

إن كـان مالـك يافتـى ضيـق الـسـوق
تـراه عنـد المـوت مــا هــو منجـيـك

الجـار والعانـي لهـم شــرط وحـقـوق
والضيـف واجـب تكرمـه يـوم يأتيـك

وإن كان تبغـي تأخـذ المـدح مطبـوق
خلـك مشـمـر دون ضيـفـك وعانـيـك

صون الامانه واظهر الهرج بصدوق
ولاتعـاشـر صـاحـب الـبـوق يـعـديـك

لا تصحـب الخايـن ولا تأمـن الـنـوق
وان لاح بـراق الحـيـا عــذرت فـيـك

والـدرب لاتامـن ولـو كنـت مـرفـوق
إلا بــحــد فــــي يـمـيـنـك يـبــاريــك

أتـرك طريقـة كـل عاشـق ومعشـوق
ترمي بروحك في الشـرك ثـم يرميـك

والكلـب مـا يتبعـك لـو تلبسـه طــوق
وإلا خلاخـيـل الـذهـب مــا يـراعـيـك

وبالصبر تغلب صاحب العزم يا شوق
والعـزم طـيـب مـيـر حــزات يرمـيـك

وافرح آليـا منـك عـن الشـر مـدروق
واحذر صديقـك واحـذر اللـي يواليـك

هـذا كـلام الصـدق مـا هـو بمسـروق
وابـيـات يــا قـلـبـي بـنـاهـا يسـلـيـك

من هاجس يطمي كمـا بحـر صافـوق
أحذر على القلب الشقي يـوم يطريـك

يـارب تجعلـنـي مــن الـنـار معـتـوق
واجـعـل ختـامـي طيـبـاً يــوم ألاقـيـك