فوق هام السحب ( الشعر الشعبي) على متن القوافي

ياحي من جاني وفي عينه الشوق
ياحـي منـطـوقـه وياحـي شـــوفه

الـغالي اللــي بالغــلا مـنزله فــوق
كل المـشاعر فـي حضـوره شغوفه

‎

.....

فيني عتب اكبر من الكون كله
‏ وفيني على صدة وليفي مشاريه
‏
‏ بس الكرامه فيني تقول خلّه
‏ من لا يداري خاطرك لا تداريه

.....

طاب المساء يازين واعز مخلوق
بلسم علاجي حين يطلع ضهورك

اراقبك عن بعد والقلب به شوق
يا عـز ووفاء حـب جـينا. نـزورك

ع الوفاء والحب والصدق يذوق
نبقى كما العشاق نكمل سرورك

......

‏أبكتب قصيدي فيك وأعلن غلاك إعلان
‏وأسميك نبض الشعر والشعر مجنونك

‏تجاوز غرامك واقع الصمت والنسيان
‏أحبك وأحب أرضك وناسٍ يحبونك

......

‏تسرقني اللحظات لاصرت وياك
كن الزمن غير الزمن في حضوورك

من كثر مااحبك ومن كثر ماهواك
ومن كثر ماااعيني تمنى ظهورك

حتى مكاانك لاا تركته تمناك
مثلي ولا يبقى لنا الا عطورك

.....

‏ما يعزك في زمانك وأنت حي
‏غير مد العون* للناس* الجميع

‏ولا يذلك في زمانك غير شي
‏الحيا لاضاع من وجهك تضيع

.....

صف النوايا و خلك للوفا وافي
ومنابع الود جنّب مـا يكدرها

لاترمي أحجار شكك والنهر صافي
حاول تعرف الحقيقه من مصادرها

......

هون على نفسك إذا ضقت وتهون
لا تنشغل بالشرح والجرح جرحك

الي يبي كرهك بيكرهك من دون
واللي يحبك ما هو محتاج شرحك

.....

قصيدة الاستغاثة

بديت باسم الواحد النافع الضار
سامع دعاء يونس بجنح الضلامي

اللي نصر عبده على احزاب الاشرار
رب تخاضعله رقاب الانامي

نخضع له ونسجدله اجلال وكبار
الهنا في طاعته مانلامي

واللي بعدها نبتدي بدع الاشعار
من هاجس يبدع بجزل الكلامي

ياخذ من خيار المعاني ويختار
ويروي بها عطاش الكبود الحيامي

الشعر له في محضر الطيب محضار
ولا يسمو الا في لقاء كل سامي

وانا ماجيب عن المواقيف معذار
احضر مع اهل الطيب واكرب حزامي

امشي قدم ويمين ماعود يسار
وارفع نضر عيني على العز امامي

شاعر ولي فالشعر مارد ومصدار
ليا وردت العد ماجيت ضامي

وانا حضرت بلازمي بين الاخيار
طبع (ن) لجداني وابوي وعمامي

في حلة (ن) تجمع طويلين الاعمار
روس الشيوخ مجملين المقامي

شيوخ قوم جالهم صيت واخبار
في وقتنا الحاضر وماضي العوامي

حضرو مقام اللي له المدح والكار
اسمه يعد مع اولين الاسامي

طاريه بين الناس ممدوح الاذكار
تاج الشرف لبسه وشد الحزامي

في ماقفه صامل ولا دور اعذار
شجيع راس وقلب صلب العضامي

وافي خصايل من طويلين الاشبار
قسمه مه اهل المجد راس السنامي

ابو فلاح مدله الضيف والجار
النادر الحر العديم القطامي

حر شهر مجناه من ماكر احرار
كريم يمنى من سلالة كرامي

جده متعّب فاللقاء قحص الامهار
يمسي جنوب ويصبح الصبح شامي

يصبح بدار ويمسي الليل في دار
عقيد قومه فاللقاء والزحامي

طلق ليا عدو بعيدين الانضار
تاريخ مجده مايجيه الملامي

من عزوة تسقي المعادين الامرار
الاد روق وصفهم مايضامي

وعلى الرسول الهاشمي سيد الابرار
صلو عدد ماهل وبل الغمامي



خلف بن زهيميل الحربي

اقـبـل يـحـرك خـطـوة الـرجـل بـرفـوق
والـقــاع لمـصـافـح خـطــاه يـتـشــوق

مخـلـوق لكـنـه مـاهـو بــأي مـخـلـوق
عــلــى بــنــات آدم وحـــــوى تــفـــوق

عليـه لبـس ٍ يجمـع الوسـع والضـوق
مـوسـع بعـضـه وبعـضـه مـضـوق

مــر وتـعـدا مـابــدا مـنــه مـنـطـوق
الا انـــه بـجـيــش الـمـفـاتـن مــطــوق

خلاني امشي واقضـب الـدرب واتـوق
مـانــي بـتـايـق عـقــل لــكــن مــتــوق

تقووول مرمي ٍ على الارض من فوق
والا مــن الـسـم السقـطـري مــذوق

يغـفـى عـلـي شــوي وشــوي ٍ افـــوق
واقــــول لاستـيـقـضـت والــبــال روق

مـــدام لامـعــوق ولا صـايـبـه عــــوق
وراه يـمـشـي مـثــل مـشــي الـمـعـوق

اللي على حاله خطر من هـل السـوق
مـفــروض يـمـنـع مـايــروح يـتـسـوق



لافي الغيداني