05-25-2024, 10:09 PM | #11 | ||
مساعد للمدير العام ومستشار للمنتدى
|
رد: رحلت يابدر ولم ترحل مآثرك
تنتظر مني حكي ..
المس على صدري و تشوف كم خفقه اتعبها الوقوف ! وكم عبرة جت لك تشتكي ! المس على صدري شوي .. ترى الشعور اللي قتلني بغيبتك .. طوّل شوي! شف كيف عيني تنكسر.. والخاطر اللي منكسر قلبي.. و إحساسي .. و أنا ! شف كيف جرّحنا الظما .. يا صاحبي قلبك عمى ! ولا إنت ما ودك تشوف ؟ عطني يديك ..اشتقتها .. لو تدري كيف احتجتها.. احتجتها وعجزت اقول ! و إن قلت .. خالفني الكلام ! خايف علي من قسوتك يا قوتك شفني بعد ما مرّ عام! و الشوق ما مل و تعب خذني و علمني الكذب و إني انا ما عاد احب! و ان الكلام اللي مضى ماضي ولا اظنه يعود ..! و لا تعال احضن يدك .. و اسمعني لا قلت و حكيت و اسمح لي لا مني بكيت ! يا صاحبي ليتك تعود .. رجع لي قلبي .. ولا تعود و ان ما حصل لك مرني .. و المس على صدري وشوف.. وش كثر بعدك ضرني ! الأمير بدر بن عبدالمحسن
|
||
|
|