فوق هام السحب ( الشعر الشعبي) على متن القوافي

‏
‏يا أهل الحزن والياس والحظ الأغبر
‏علاجكم .. موجود .. بين الصلوات

‏اللي فهم ..... وش يعني : الله أكبر
‏كل الأمور .. تصير عنده .. سهالات

....

‏خل في صدرك على الدنيا قبول
‏واعرف ان الشمس تشرق لو تغيب

‏وعود لسانك ليا ضاقت يقول
‏الأماني في رجى الله ما تخيب

....

‏يالله ياللي عليك الامـر والشكوى
‏يا خالـق الناس يا عالم سرايرها

‏سألتك العافيه والخيـر والتقـوى
‏ والجنه ،، اللي عبـاد الله تدورها

....

‏لا ترخص الروح للي ما عرف قدرك
‌لوكان حبه يســـــم القلــــــب ويعلة

‌واللي يقدرك حطة في وسط صدرك
‌وقلة مكانك هنـــا يا عـــــز خلق الله

....

يازين ذكر الله في كل الأوقات
وياحظ من قلبه لربه رهينه

لامالت انفوس البشر للملذات
هو لذته ذِكِر وخشوع وسكينه

....

‏الله يمسيكم من الخير بالخير
ويكتب لكم طيب الحياه وسعدها

ويكفيكم شرور الزمن والمقادير
ويرزقكم الجنه و زايد رغدها

....

‏مشـتاق لـك لاغـبــت عنـــي دقـايق
ودقيـقتــي فــي غيبـتك كنـها عـام

لـحظة غيابك تجعــل القلب ضايق
وتشتـت الافكــــار مــابـين الايــام

ارحم متيم في هواء الحب عاشق
هايم بِشعــره والمشاعــر والالهام

راضي بحبــك سالـي البال رايق
يابلسم اجراحي وياطب الاسقام

....

مديت لك عمري على كف يمناك
وغيرك على رجوى هلا مد عمره

نزعت بيبان الثقل غاية رضاك
وشرّعت لك قلبي ويا طول صبره

ميّت شعور وفز قلبي ل طرياك
وأعرف شعوري ما يجي غير مرّه

.....

‏خلك كريم الفعل والطيب والجاه
‏و اسلك طريق النعم بالطول والعرض !
‏
‏ضعيّف الوقفه يمن بـ عطاياه
‏ولا ترى الطيّب يشوف الكرم : فرض
‏
‏الغيم لا منّه عطى الارض من ماه
‏ماينتظر رد العطايا من الارض

.....

من يوم خيبو بعض الناس ظني
زادت طموحاتي ثقه ما تلاشـت

خسرت بعض الناس يمكن لظ²ني
اخلاقي مع رغباتھم ما تماشـت

.....