فوق هام السحب ( الشعر الشعبي) على متن القوافي

شلتك بصدري يوم ضاقت لياليك
‏و أشعلت لك نار كوتها ضلوعي

‏أخطيت في حقيّ ولازلت أناديك
‏ عندي أمل بكره تحن لرجوعي

‏ أنا الأمان اللي قتلته بـ أياديك
‏ و أنا ضياك شلون تطفي شموعي؟

‏ بالأمس توعدني وعد ما أخليك
‏واليوم أحارب بالمفارق دموعي .

......

خل السكوت يسود كل المواضيع
أنا أكبر من اللوم ومن التشكّي

من أبسط حقوق الكلام إنّه يْضيع
الواقع أصدق من يقيني وشكّي

لا تنتظر منّي عبارات توديع
ما عندي ألّا الضحكة اللي تبكّي

......

اليوم ماعاد به !. شي يهقويني
‏الوقت بوّار والنخوات معدومه

‏واشوف شي طلع ماهوب مرضيني
‏ذكرني اللي !. من اول مبعد حومه

‏يشقى بن آدم وهو مخلوق من طيني
‏ويرجع على !. حفرة بالطين مردومه

‏لابد يوم به !.. المرسول ياتيني
‏العمر له حد والآجال محتومه

......

حنا كبرنا على المشروه والانتقاد
سمه تغافل تجاهل سمه اللي تبيه

حتى الرفيق السنافي والرفيق الحشاد
من خيب الظن منهم ماشرهنا عليه

يمرنا يعتذر عقب الزعل والعناد
ويروح من عندنا ماسمع شرهه وليه

ان قال كبوة جواد نقول كبوة جواد
وان قال طيحة جمل قلنا جمل ماعليه

......

‏تفاءلوا بالخير .. ياتيكم الخير
ما للحياه بدون الآمال .. قيمه

َالصبر مفتاح الفرج والتباشير
والياس مفتاح الحزن والهزيمه

......

وش فيك تالي الليل جريت،،،،موال
صحيت به من كان نايم،،،،،،وهادي

سرا يقلب ذكرياته،،،،،،،،،،،،،،ولازال
يجمع شتات ويصفق(ن)،،،بالايادي

يهل دمع(ن) من سبايبك،،،،،،،همال
فاضت عليه وسيلت كل،،،،،،،،وادي

......

الكلمة الزينة على الراس والعين
والثانية في صفحة اللي نطقها

المنبت الطيّب يجي منتجه زين
ولاّ الخبيثـه بيّنه من ورقها

......

يا شبيه الريم يالطرف الخجول
يا عيون الحر يا باهي الجمال

يا فريد الحسن يالريم الجفول
وصفك اشبه ما يقارب للخيال

......

‏سجل قصيد آلغلآ بـ أسمك وسجلني
أول متآبع لـ أحآسيسك ...ولمسآتك

لو تكسر آلبيت كمل .....لآتكلمني
يكفيني أسمك مسجل بـ أخر أبيآتك

......

‏أبكتب قصيدي فيك وأعلن غلاك إعلان
‏وأسميك نبض الشعر والشعر مجنونك

‏تجاوز غرامك واقع الصمت والنسيان
‏أحبك وأحب أرضك وناسٍ يحبونك

......