فوق هام السحب ( الشعر الشعبي) على متن القوافي

البيت من عقبه سكت كل مافيه
ناسه وجدرانه وسوره وبابه

والبيت ما يحييه يا كود غاليه
عقب الحياه أصبح بعيني خرابه

في مجلسه أحيان أهوجس وأناديه
ويرجع صدى صوتي بليّا إجابة


.......

على اللي يصبح كل يوم بصباح الخير
صباحک ، صباح النور ياسيد احبابي

صباح الغلا والحب والشوق والتقدير
مع اجمل تحياتي ولک خالص اعجابي.


.......

‏ماهو ضروري كل حاقد أعاديه
ولاهو ضروري كل طّيب رفيقي

علم الردي والطيب يبقى لراعيه
وأنا على دربي وعارف طريقي


.......

أنا ما أشيّر بالفرقا ولا أحدك على المقعاد
تخير في طريق الوصل ولا درب هجراني

إلا ياصاحبي الرفقه ترى ماهي ثياب جداد
تبدلها اذا مليت وتـلبس غيرها ثاني


.......

شخصين جنّب عنهم وابعد خطاك
‏لو ما تخاوي ،، بالعمر غير ظلك

‏اللي تسوي به جميلٍ ويجفاك
‏واللي يسوي بك جميل ويذلّك


.......

شعاني غزال ٍ باالهواء جاهلٍ وصغير
شبيه ال بنات الحور سبحان خلاقة

جماله يخلي كامل العقل فيه يحير
وطعم العسل من ريقها يوخذ اذواقه

لامن شافها العاقل يحتاربه ويحير
تعلي علي الخفرات زين ٍورى الطاقه

انهوده كماالتفاح فيه الحلا ومثير
وخصره دقاق ٍ يذبح اليوم عشاقه


.......

هلابك هلا يالنادر المترف الجذّاب
تراحيب قلبي فيك من قبل ترحابي

غلبت الهوى فترة..لكن الهوى غلّاب
لحقني ووقف في طريقي وأنا مابي

دخلت في حياتي عرض من أوسع الأبواب
وأنا للحبايب ..ماني مشّـرع أبوابي

عيونك قصيد وبسمتك تخطف الألباب
وكلامك جميل وحكمتك حكمة أعرابي


.......

أضحك و خلّك لوجه الله متوّجه
‏والمجتمع لا يضرك كثرة أزعاجه

‏أطلق صراح الزعل والضيق والصجه
‏وأرفع كفوف الرجا .. للخالق وناجّه

‏خذ لك عن الحزن في جو الخلا سجّه
‏حاجتك لله ومالك في البشر حاجه


.......

لا تتعب اقدامك على كل محضار
البعد عن بعض المجالس غنيمه

ما كل مجلس فيه حكمه وتذكار
ولا كل مجلس به كرامه وشيمه

بعض المجالس كنها مثل الاوكار
اوكار للغيبه ونشر النميمه


........

تجاهل الجاهل على شان ترتاح
‏واسمع من العارف لا منّه تكلّم

‏لا تندفع تنطح لك صياح بصياح
‏اصمت وحاول تستفيد ،، وتعلّم


........