فوق هام السحب ( الشعر الشعبي) على متن القوافي

لا تـنبش الماضي و لا تنشغل فيه
الدمع ما يـرقى من العـين لا طـاح

لا تنـتظر من فاقـد الشي يعـطيك
عمر العزا ما صار في صالة افرا ح


.......

‏لاتلتفت للـــناس مهما يقولـــون
خـل القـفا لأهـــل القفا لاتحـاكت

أقهر عدوك خل قهرك على الهون
تطحن كبود القوم لاصرت ساكت


........

بعض المحبيـن لا يركد و لا يهجـد
‏مناهج الحـب عنـده مايثمنـها

‏مـشـاعره كـنّـها بـرّادة الـمسـجـد
‏سبيل مافيه واحد ماشرب منها


.......

يقول منهو على صوت الغناء غنا
على الذي درات الافكار من شانه

ياشوق طبع الوفاء منكم وهو منا
تبقى الاساليب مقبولة وفنــــــانه

حنا على العهد لا خنتم ولا خنـــا
ولا نطيع الذي فالحـب خـــــــوانه

مادام حنا بصحبتكم تمـاكنـّــــا
فالقلب يازين لا تكثربه اشجــانه

يازين عنـا علـى درب الهــوى عنـأ
لا تحرم النفس دام النفس شفقانه

ترنا على عهـدكـم باقي كما كنـــا
مازال شوق الهوى فينا وتحنــــانه


.......

‏
‏ماعاد ندري من الضيقه وشـ انسوي
‏جمعات الاجواد صرنا نبتعد عنها
‏
‏الجو ذا الوقت لاجوّك ولا جوي
‏ضيقة لياليه ليته فكنا منها
‏
‏ان قلت له خف قال اصبر علي توي
‏وشـ حيلتي فيه دامه يامر وينها
‏
‏اليا مته والشقى حاضر ومتقوي
‏والنفس ، وين الصديق اللي يطمنها


.......

بوصف شعور وتاه حرفي دونه
‏بعض المشاعر صعب اعبّر عنها
‏
‏كل الكلام بروعته وفنونه
‏مافيه جمله يمكن ابدا منها
‏
‏كبر الغلا لامن ثبت بركونه
‏يامر على صدق الشعور وينها
‏
‏واللي خذى قلبي فديت عيونه
‏فوق اجزل ابيات الشعر وازينها


.......

محدن يمشينا على رغبته غصب
ولا نزعل على غيرنا بليا سبايب

وثنتين في الدنيا تري مالها طب
خيانة الصحبه وظلم القرايب


.......

‏راس مالي نادر الجيل لا عد الحضور
‏صاحب(ن) وقت المواقف اعده محزمي
‏
‏لا لمحني ضايق الصدر لي فج النحور
‏وقف بماقف يجمل ودوني يحتمي
‏
‏والله اني خابرك درع جنب(ن)ما يبور
‏والله اني خابر الطيب لسمك ينتمي


.......

يازينها والله حياة .......القديمين
اللي مـا تعجبـهم علـوم الـرخـامـه

عاشو على ظهر البسيطه عزيزين
وضمتهم بـطـون الـقـبـور بكرامـه


.......

ياربي عساني ما توانا بفعل الخير
‏أعنّي على نفسي وأعنها على شكرك

‏وأنا عبدك اللي ما عصمته عن التقصير
‏يوقف على شرعك وينصاع تحت أمرك

‏وأنا عبدك اللي من ذنوبه ماعيّن خير
‏يا حلمك على زلات عبدك وياصبرك

‏وأنا عبدك اللي مسرف في حياته غير
‏تولّاني برحمتك وأسترني بسترك



.......