فوق هام السحب ( الشعر الشعبي) على متن القوافي

صحيح ماجتنا الليالي على الكيف
مره تجينا ثقال ومره خفافي

الحال مايحتاج نشده وتوصيف
ماكل يومٍ ينحسب لي عوافي

ظروفنا تشبه سحابٍ من الصيف
بعد المطر تهب صلف السوافي

وليا نشدنا من يحب السواليف
قلنا بخير ولا لحقنا خلافي


.......

يمكن أبشع صفة فيني الزعل والعناد
‏وأملك أسلوب قاسي بس ما اجرح أحد

‏منطقية حياتي ماتعرف الحياد
‏غصب عني أكابد بالعمر وأجتهد

‏والمفارق مايعني بأن قلبي جماد
‏العلاقات رزق إن ماصلحت ابتعد

‏الحشيمه بتبقى لو يروح الوداد
‏بحفظ العشره بقلبي وأصون العهد


.......

‏رضا البشر ما هو بـ آيه منزله
خل العقول الطايشه في طيشها

أحيان تفكيرك يحل المشكله
وأحيان حل المشكله تطنيشها


.......

‏ياليت طبع البشر مع بعضهم راقي
‏منهاجها الطيب ماتبحث خفاياها

‏انا على نيتي وأعيش بأخلاقي
‏والناس مدري ولااعرف وش نواياها


.......

لا تفتح أبوابْ ما تقدر تسكّرها
دامك على قدّ حالك.! خلك بحالك

ولا تكسر قلوبْ منْت بكفو تجبرها
في ما بها خلّها… وخلك على فالك

المرجلة ما تبي من لا يقدرها
مقصودها وقفتك ماهو كثر مالك


.......

‏حمدتك على خير وحمدتك على مكروه
‏وسبحانك اللي لا ألتجى عبدك، أنصفته

‏أجي لك بوجهٍ ساير الناس ما شافوه
‏على شان وجهٍ ساير الناس عارفته


.......

‏كل ما جاني من الغالي قصور
قلت عادي طيبه يغطي رداه

التمس له عذر واقول أمعذور
غالي و من حقه يجرب غلاه


.......

قد بكيته من عصر والبكا ماهوب عيب
‏عادة العشّاق يبكون . . حتى فالصلاه

‏دايم اللي خاطره ضايق ودمعه قريب
‏لا بدا في عالي . الرجم جاب اللي وراه


.......

‏نعيش الحياة ومانبي الإ سلامتنا
لنا بالظـواهـر مالنا في خـوافيها

ولو الناس في بعض القناعات لامتنا
ترى آهـم حاجـة فـ الاوادم مباديها

على كلّ حاجـة نصبـر الإ كرامتنا
هي الحاجـة اللي ما نساوم حدٍ فيها


.......

مخافة الخالق : معزه ونوماس
‏ومكارم اخلاق .. ونقاوه .. و مله

‏ومخافة العالم : نقصه و وسواس
‏و دناءة اخلاق .. و جهاله .. و ذله

‏النار والجنه هي ادق .. مقياس
‏على مراحل عمر الانسان .. كله

‏احزن على فئة كثيره من .. الناس
‏خافت من الناس وماخافت من الله



.......