فوق هام السحب ( الشعر الشعبي) على متن القوافي

أتعب على اللي ما يطولونه الناس
‏ شيءٍ تطوله الناس للناس خلّه

.....

احبك واودكّ والمخاليق ما يدرون
‏لو انك قطوع ووصلك اغلى من الواصل

‏لك التمّ و اللبيه واللي تبيه يكون
‏وغيرك لوى واللي يبي ماهو بحاصل

.....

محدٍ على الدنيا ينافس غلاتك
‏تتعب جميع الناس ما يوصلو لك

‏العين لأجلك ماتراعي سواتك
‏والقلب يحرم بالهوى ما يخونك

.....

تعال لي كلك وأنا أجيك كلي
‏لا تتابع اخباري من بعيد لبعيد

‏لاتقتل الفرحه ب سيف التغلي
‏ترا حلاة العمر وصل ومواعيد

.....

على النقا حبّك من أول وهالحين
‏كنّك وكاد . . وكنّ غيرك هقاوي

.....

تقتحم موجة التفكير لحظة سكون
‏و يراودك شـك ، فـي حـبك و نوعيّته
‏
‏ترى الغلا ساري المفعول مهما يكون
‏ غـلاك . . ما تنـتـهي مـدة صـلاحيته

.....

ابشر بقلبٍ مايبي غير طاريك
‏و ابشر بعينٍ ماتبي غير شوفك

‏و ابشر بحبٍ لو قسى الوقت يرعاك
‏وابشر بروحٍ من غلاها تحوفك

.....

للروح قيمة ، و عزّ الروح دايم .. لذا
‏اصبر .. و لو تثقل العزة على كاهلك

‏لا تعطي قلبك سوا اللي عارفٍ وش خذا
‏ ما كلّ مخلوق في دنياك يستاهلك

.....

ياحلو الصمت لو أنه تحت صمت الشعور نواح
‏أخاف تجف صُحفي لا حكيت وترفع اقلامي

‏يروحون و يجيب الله على دربي كثر ما راح
‏و لكن ما خذا غيرك بـ عمري نزعة هَيامي

‏كأنك منخلق من ضلع قلبي " أندماج أرواح "
‏ما بيني و بينك أحساسً غريب اغرب من اوهامي

.....

عسى الله يجيب الخير ويحقق الامال
‏مدام السنين بحكمة رضاه ملحوقه

.....