فوق هام السحب ( الشعر الشعبي) على متن القوافي

‏لا ضاق صدري قلت يارب رحماك
‏ياللي بذكرك ينجلي ضـيق صدري

‏استغفرك واتوب لك واطلب رضاك
‏ماغيرك احدٍ عن خفأ النفس يدري

سبحانه

‏تجمل ترا والله مال للجميل انكـار
ولا ينكـره من كان في راسـه مـروّه

عسى راعي ابشر ماتقفي به الاقدار
ولا ينقطـع ذكـره ولا تنطفي ضـوّه

.....

ما بيّن بعينك على كثر ما جاك
لا واحسافة ليتني ما عطيتك

تخطي وأعذرك وأتحمل خطاياك
هويت غلطاتك كثر ما هويتك

ضحيت بالدنيا علشان دنياك
خليت كل اللي يبيني وجيتك

كنت بعيوني وين ما أطالع ألقاك
حتى لو غمضت عيني لقيتك

من كثر ما أحبك وأقدرك واهواك
ما أذكر اني في حياتي عصيتك

ولا فاد كل اللي أسويه وياك
أتعبت قلبي ليتك تحس ليتك

والحين روح أرجوك ساعدني أنساك
لا تجي حتى لو اني بغيتك

وان مر في بالي بقايا لذكراك
بحاول أنساها مثل ما نسيتك

.....

يا للي تطالع وكنك ما تطالعني
نظرتك هذي حبيبي لا تكررها

صحيح شاطر ولكن صعب تخدعني
أنا على الطاير افهمها واطيرها

أنا مزاجي واطيع اللي يطاوعني
ان كان لي خلق أمررها أمررها

اسمع كلامي إذا ودك تولعني
سعادتي خلها همك ودورها

ابنصحك قوم خل عنادك وطعني
وتعال نطوي الليالي ونتذكرها

وسمعني اللي كتبته فيك سمعني
والكلمة اللي تشكل معك غيرها

بلسانك الشعر لو تكسر يمتعني
كسر يا بخت البيوت اللي تكسرها

.....

يارب ترحم ضعف عبدك وبلواه
ومكابره وأخطاه واللي مخبيه

انت الكريم الرازق مجيب دعواه
وهو الذي يندم على ما يسويه

سبحانه