سلام مديد للعزيز جبل الجليد

السلام عليكم ورحمة الله وبركاته..

عرفت "جدي" جبل الجليد من خلال إطروحاته في هذا المنتدى الغالي وهو بحق علامه مميزة لجميل طرحه وبعد نظره ولغة خطابه الوعره الممتعه ..

فإليه أهدي هذه الأبيات والجميع لايهونون ...

جواري البحر في الظلمه تسامر وحي ترتيلي
تهــادى فـــوق أمواجـه وبســم الله مجــراها

تـرانيـم الصبـاح اخفــت بقلـبي مابعـث ليــلي
ســرت في خافقي نسمه هموم القلب تجلاها

بحـول الله انا عـزي ومن حول القوي حيلي
ودار العــــز نرفعــــها ونفديــــها ونحميــــها

خـذي منـي تحيـة شـوق ودّي لـه وردي لي
طيـور الوادي الهـادي ولاتخــطين مرمــاها

تحيــات الغـــلا كــله بنـــوّ ن مظلــم ن نيلي
ومــيض الـــبرق حـيا بك ودار الجود حيّاها

سـلامي ياجبل صوبك وثلجك ذاب في سيلي
إلامــن خاشــرت قلبـك هواجيس الغلا جاها

غرابــة حرفــك الملهم عذوبه في مـواويلي
جمــال الفكــر من ذوقك علامـه فارقـه فيها

أصيـل ومنطـقي طرحك وحسك راقي وعالي
ورايــك دايمـن كايـــد وقدرك في معـــــاليها

ومــزنة خيـرنعرفــها من الأول إلـى التــالي
هبــوب الريــح باولهـا وغيـث السـيل تالـيها

ســلام وود ومحــبه وقــدر لحـــرفك الحالي
ونفســي تالــف الطــيب وأهـل الطـيب تغليها

وهذا غيض من فيض القصيد يبــوح به بالي
حروفن في نقا غيل(ن) غروس الخير ترويها

تقبـّـلها ولا منّـــك صــدحت بشــدو مــــوّالي
تنومـــس واعرف انّا قوم ناخـذها ونعطـيها

كتبــها ولـد بن مــاكن من الظهران للغـــالي
بغــرة عشر ذي الحجه رسالة حب نهـــــديها

وسلامتكم