ديوان شعراء السعودية في العصر الحديث (متجدد)☘️☘️

كاتوتا : (إحراج سؤال)

يتساءلون بلهفةٍ لا

تَرْعَوي إلا إذا كشطوا الأنا

فهناك جمّدتُ السؤالَ فلم أجبْ.

عبده فايز الزبيدي

لولاك

لَوْلاكَ ما كانَ الغرامُ ولَم يكنْ
في الشِّعرِ ينشدُ ما يحسُّ عَضِيدُه



يا حبُّ يا قدرَ الغرامِ وموعِدِيْ
باللهِ قلْ لي كيفَ رُحتَ تصيدُه



فملكتَ منْهُ فؤادَه ولِسانَهُ
فشَدَاكَ مِنْه شُجونُه ونشيدُه

عبده فايز الزبيدي

نسينا من قضايانا كثيرا

نسينا من قضايانا كثيرا
لأن جديدها أنسى القديما

عبده فايز الزبيدي

يالله ياللي تسجد الخلق لرضاه
ياوامر (ن) خلقه على حج بيته


تفرج لمن سده على الناس ماابداه
راضي على مقسومك اللي عطيته


من شي يسل الحال والجسم يبراه
والناس ما يشفونه أن ماشفيته


قلت آه واجرحاه من علتى آه
وان حملوني حمل غي (ن ) قويته


قالوا سفه بالحال ويش اللي اغواه
قلت آه ويش المنكر اللي وطيته


قالوا جهلت وبان علمك ولمناه
قلت آه علمي ياملا ماكميته


قالوا طلبنا لك من الله معافاه
قلت آه وحدته وعفوه رجيته


قالوا هله واحباب عينه نصحناه
قلت آه هذا وارد (ن) مابغيته


قالوا ندور لك من البيض حلياه
قلت أه لو غيره بكفى رميته


قالوا نشاش العود مالك بلاماه
قلت آه عود الموز بيدي لويته


قالوا تزوج كود تدله وتنساه
قلت آه لو خذت اربع (ن) مانسيته


قالوا من اقصى الناس وين انت وياه
قلت آه ماأنسى يوم جاني وجيته


قالوا نشوفه عند هذا وهذاه
قلت آه عمره ماعقب حجر بيته


قالوا عليل وناقل داه برداه
قلت آه باقرابي وروحي فديته


قالوا نشير ولا نفع ماحكيناه
قلت آه هراج النمايم عصيته


قالوا كثر شيبك وقلبك بعمياه
قلت آه لو قلبي غرير نهيته


مطاوع (ن) قلبي بعجفاه وقداه
والي عطى منهاج درب عطيته


ياناس خلوا كل وادي ومجراه
قلتوا كثير وقولكم مالقيته




الشاعر : عبدالله بن سبيل

يانجمة الصبح كبدي منـك مرهوقـه
لا شــعّ نــورك عليـنـا لا تغيبـيـنـي

ستايـر القلـب مـن فـرقـاك مفتـوقـه
أصبر من العـام ليـن انـك ذبحتينـي

الــوِد لــو نتـركـه عـنـا و طـاروقـه
أظنـي أرتــاح وأنـتـي تستريحيـنـي

لبيـك ياللـي تجـر القـلـب وعـروقـه
كلـه علـى شـان يـوم أنــك تلبيـنـي

تلحنـي لــح ركــب عجـلـوا سـوقـه
أو جـــل ذود مسـريـهـن شيابـيـنـي
عديت عن مبسم المجمول لا أذوقه
أنـا بـلاي الحيـا وأدرى علـى دينـي

يا قلب ياللي من الجازي دنا عوقـه
يا ناس شيـروا عليهـا لا تقاصينـي

و إن كان قلبي تلبش عنه صندوقه
شــدوه لـيـن اتـجـود فـيـه بيـديـنـي

قالـوا معاليـق قلبـك منـه مسـروقـه
قلنا خذتها الضحا و الناس واعيني

يا ليت ربي ومر خالـد علـى شوقـه
يفـك حبـلـه ولــو يعـطـى ملاييـنـي

الأولـه ليـت أبـو خلـي مـن الروقـه
والثانية ليت أبوي مـن القحاطينـي

يـا لله يــا خـالـق الدنـيـا لمخلـوقـه
تقدر على الموت تذبحني وتحيينـي

تلـم شملـي لا بـد الــروح مرفـوقـه
بأربع هناديس في قبـري تخاوينـي




نمر ابن صنت

من يقول الزين ما يكمل حلاه
كل شيٍ في حبيبي إكتمل

الله اللي كمله و الله عطاه
ما بقى للزين في خلّي محل

العيون أحلى من عيون المهاه
شافها قلبي و صفّق و احتفل

نظرته من فتنته شعلة حياه
و الجفون من الحيا فيها كسل

ساهمٍ رمشه على الخد و سناه
كن لمعة وجنته وردٍ و طل

و الشفايا كنها جمر الغضاه
تحرس الريق المحلّى بالعسل



خالد الفيصل بن عبدالعزيز

كــم راح مــن عـمـري وانــا ودي اتـــوب
ولولا الهوى والنفـس كـان امـس تايـب

عشريـن عـام امنـي النـفـس يــا ايــوب
ليـن اكتشفـت انـي مـع الـوقـت شـايـب

راحــت حيـاتـي بـيــن طـالــب ومـطـلـوب
ولي خاطر(ن) لو طبت ماهوب طايب

واخـاف مـن يــوم بــه الـمـوت مكـتـوب
لا حـولــوا بـــي بـيــن عـــوج الـنـصـايـب

في منزل مظلـم عـن النـاس محجـوب
محـجـوب حـتـى عـــن نـسـيـم الهـبـايـب

وصار الكفن يايوب يغنـي عـن الثـوب
وفــارقـــت ربــعـــي والاهـــــل والــقــرايــب

مــا عــاد فيـهـا جــاه وأمــوال وسـلــوب
ولا عـــاد فـيـهـا حـــب خـشــم وطـلايــب

ولا عـاد حولـي شمـر ولا بـه حــرووب
انـــــا ومـلائــكــة الــرضـــاء والـعـقـايــب

خـدعـنــي الـتـسـويـف وأغـرتـنــي دروب
مــــن يــامــن الـدنـيــا وغــــدر الـنـوايــب

يالله يــــا فــــارج عــلــى كــــل مــكــروب
يـــا واحـــدٍ بـامــرك تــهــون الـمـصـايـب

يــا مــن تقـلـب بـيـن اصابـيـعـك قـلــوب
خلـقـتـهـا مــــن بــيــن صــلــب وتــرايـــب

يــا غـافـر لـمــن جـالــك وكـلــه ذنـــوب
عـبــدٍ ضـعـيـف وجــــاك تــايــب ونــايــب

يـا رب لـو قلبـي صـخـر عـنـدك يــذوب
يــامــن لهـيـبـتـك الـجـبــل خـــــر ذايـــــب

اتـــــوب ثـــــم اعـــــود واعـــــود واتــــــوب
مـاهــي عجـيـبـه وانــــت رب الـعـجـايـب

من المهـد ليـن اللحـد وقتـي محسـوب
مـا ضـاع شـي ومـا بقـى شــي غـايـب

يــارب مـالــي غـيــر رحـمـتـك مـطـلـوب
مـن لـي سـواك ان جـيـت يــارب تـايـب

كــم راح مــن عـمـري وانــا ودي اتـــوب
ولولا الهواء والنفس كـان امـس تايـب


زياد بن نحيت

واهني الصخره اللي مايحرقها سمـوم
الزمان اللي يهـد العـزم مـا هدهـا

الزمان اللـي تحـدا قوييـن العـزوم
لين مشاهـا علـى ود ماهـو ودهـا

والمجامل بعض الأحيان ما يقضي لزوم
لابو النفـس الضعيفـه ولابـو جدهـا

مير تجبرنا العوايـد وتجبرنـا السلـوم
نكتم الأسـرار ياليـن تاصـل حدهـا

الردي لا طاح جعله يطيـح ولا يقـوم
باح سده والنشامـا مـا بـاح سدهـا

كل ماكبرت وضاقت على عيال الرخوم
نحتزم لأكبـر مصيبـه وناطـا خدهـا

جعل قسمي عند ربي من خيار القسـوم
واحـد يعطـي العطايـا ولا يرتـدهـا

ياعيال آدم وحـوا تراهـا مـا تـدوم
دورة الأيــام لابـدهــا لابـدهــا

ياوليد البـط وشلـون ماتقـدر تعـوم
وانت ابوك يعوم جزر البحـور ومدهـا

وانت ياحلم حلمته مهو مثـل الحلـوم
ياضحية مزح الأحـلام مـدري جدهـا

ادري ان فالناس معطى وفالناس محروم
ايـه يابيـض النوايـا ويامسـودهـا

وياضميري لا يهمك من الدنيـا همـوم
الصعيبـه حلهـا والبسيطـه عـدهـا

جات في سد الشوارب وفي سد الخشوم
كبر الضيفه وعش الضيـوف وغدهـا

والمراجل ماتوفـى بضافيـة الهـدوم
كود بسيوف يشـوق النواظـر حدهـا

والردي لو درس المرجله في كل يـوم
المراجل عنـد اهلهـا يذعـذع ندهـا

يعتبر قسمه مثل قسم زاهيـة الرقـوم
يوم تكحل رمشهـا والقـرون تكدهـا

ماكسبت الا رضا اهل النمايم والعلـوم
يارسول الحكي هـات العلـوم وودهـا

الصفوف اثنين هذا دفـاع وذا هجـوم
وانت اظنك لانت معها ولا انت بضدهـا

شرهة الطيب تعـداك للغـوج العـزوم
وانت صلفات المشاريه ماانـت بقدهـا

وانت في سود الأظله تريـح ومخـدوم
وان ذبحك الجوع كد التكاسـي كدهـا


سلطان الهاجري

ياقلبي ياللي واصل العشق حـده
مـن لايــودك وش تـبـيـبــه تــــوده

ماعــاد لك يـم الـمـقـفــيـــن لـده
واللي نـسـيـك انـسـاه ولاتلتفت فيه


احـفـظ سـنيـنـك لاتضيع عـددها
ولابــد بـاقــي لك سـنـيــن بـعـدها

قال المثل من عز روحه وجدها
وهـذا الكلام اللي مع الناس نوحيه


نوحيه من عهد العصور القديمه
واللي يبيعـك بيعــه بـأخــس قـيمه

من لايشـوفك خير ماهو غـنيمه
جـرب وكـل انـاء بينـضح بما فـيه

لاعاد تامن من ضحك لك بـسنّه
الـبـيـض غـــدارات مـن يـوم هـنّه

والـعـشــق كـله نار مافـيـه جنّه
يانار ومــن هو يقرب النار تكـويه

وقــال قـلـبــي لا تـعــذّل عـلـيه
أنت الـسـبـب وانـتـه زمام الخطيه

والـيـوم أنـا مشبوك شبكه قويه
اشكي على الطيرالمسافر وأوصيه

اقــول اخـــذ علمي لخلي وهاته
وخــلــــه يـعـلـمـنــا بقـصة حياته

ياليتنــا نـقـــدر نـســوي سـواته
مادامت انه نــاوي الهجــر نـاويه

قلت انت ياقلبي عروقك جريحه
وإمصنجــه ماتـسـتـمع فالنصيحه

انته سببـك من العيون المليحه
اللي تبي ترسـل لـه الـطير ترميه

ياقلب وطيورالهوى في سماها
ياليتها تـــقـــدر تـكــافـح هـواهـا

وانت ابن آدم كيف تفهم لغاهـا
والطير من يفهم كلامه يلاغـيـه

قال الـطيـور إلها بخلي عـلاقه
الصقـر عيـنـه والغـرينيق سـاقه

وله مع الهـدهد جناح الصداقـه
ومن الحمامه صوتها اللي تغنيه

على الغصون الليّنه ياحمامـه
ذكرتي القـلـب الـمولـع غـرامــه

الله يجيب أصحابنا بالسـلامــه
حـنــّا نقوله ياحمــامـــه وقوليـه

انكـان وانك ياحمـامــه حـزينـه
ونــي على مـولوفك اللي تبينه

وأهني محبوبك يجـيك وتجـينه
وانا حـبـيـبـي لايجيني ولاجيه


واونتي ونـة ضـلـوع الـهــلاله
عـودٍ قصر شوفه وماتواعياله

تزهـد من الدنيـا ليا شفت حاله
قاصر جدا ًعما يصيبه ويخطيه

والاكما ونت صويب النشامــا
عاشوا عياله عقب راسه يتاما

له ونـةٍ تـصـحـي قلوب النياما
حـزة وفاته يوم ربي دعاء فيه


يامابنـا مـيـر الـظروف اتحدانا
وانته وانا نـبـكي وزايـد بـكانـا

نبكي على من راح ويبكي علينا
وبالعيـن يـبكيـنـا وبالعين نبكيه

على اللي اقفى والمدامع تهامل
مثل العرق فالقاظ من صدرعامل

يغض صوته مثل صوت الانامل
ولاودي اشوفـه ولاودي أوحـيه

قـالــوا تـمـنـى قـلـت يالله تجيبه
الحـب بـلـوى والـفـراق المصيبه

مايانس المخطـر يقع منكويبه
له مخطرٍ في داخل القلب يكويه

على الحبيب اللي يوافق مراقي
والله مـاهـايـن عـلـيّ الـفــراقي

يهون عنده كسرعظمي وساقي
السـاق نلـقـى لـه طـبيب يداويه

وانكـان وانـك ياحمامه تعرفين
اليارسلتك برسله ليمه تروحين

بربطلك المكتوب بين الجناحيـن
واشكي عليه الحال والحال شفتيه


عبدالله المسعودي

الله الأول وعزك ياالوطن ثاني

لأهل الجزيرة سلام وللملك طاعه

حنا جنود الحرس للقايد الباني

رمحه .. ودرعه .. وكف الشيخ وذراعه

مثل السيوف البواتر وان جنى الجاني

يضرب بها ارقاب من بالدار طماعه

من بان عبد العزيز وصبحنا باني

ما عاد نقبل ظلام الليل لو ساعه

في السلم يشهد لنا عمار الأوطاني

وفي الحرب لأرواحنا للموت بياعه

حنا سياج الوطن عن كل عدواني

والجيش والأمن ساري العز وشراعه


الأمير بدر بن عبدالمحسن