|
|
06-23-2023, 10:25 PM
|
#1 | ||
|
مراقب عام وأداري للمنتديات
 |
رد: ديوان شعراء السعودية في العصر الحديث (متجدد)☘️☘️
اللي سباني بالهوى فارع الطول
البارحه لكن بالعين سملول والا الحماط مداخله شوك حاذي اسهور وقلبي بالهواجيس مدهول ويدق به من جاير الحب هاذي يدك به حب تعظم لمجمول اللي قسم مكنون عقلي فلاذي ان قلت وان ما قلت وان كان أبقول مالي سوى مضنون عيني ملاذي افديه بالروح العزيزه وما نول وعيوني الثنتين هاذي وهاذي اشفق عليه وخاطري فيه مشغول شوفه مرام النفس للروح عاذي الللي سباني بالهوى فارع الطول حي لنون العين دايم محاذي ان غاب عني يصبح القلب مذهول وعنده سبب موتي وعنده نقاذي ان مت باسبابه فانا عز مقتول ان رشي من فيض دمعه رذاذي راع الهوى قلبه من الحب مشلول يحس من جور الموده مواذي لو حال من دونه صناديد وفحول ما نيب عن مجمول الاوصاف جاذي اجيه ما أسمع قول عاذل لمعذول ما صن سمعي للعذول المهاذي محمد الأحمد السديري
|
||
|
|
|
06-23-2023, 10:27 PM
|
#2 | ||
|
مراقب عام وأداري للمنتديات
|
رد: ديوان شعراء السعودية في العصر الحديث (متجدد)☘️☘️
البارحه يازبن بالقلب هوجاس
البارحة يازبن بالقلب هوجاس أسهر وبعض الناس بالنوم مغفين شفت الصحيح وواضح العدل منكوس وجض الفؤاد وفارق النوم للعين اضحك وأنا الصابر على جرعة الموس وعزي لمن يصبر ويغضي على الشين أنا الذي قلبي بالانياب مجروس من عام الأول به جنون وشواطين قالوا علامك قلت بالقلب حاسوس قالوا تصبر قلت صبري إلى وين ابكي على اللي للوطن عز وحبوس راحوا عن الدار العزيزة مقفين أهل الدروع الي على رؤسهم طوس الحاكمين العادلين المصلين أثر ليلٍ السوء يبرى لها نحوس والأرض ما تخلا بليا شياطين ناس يحدونك على مذهب الروس وقلبك يبي ماجا بطاها وياسين ياليت كلٍ بالموازين مقيوس حتى يبين الحق بين الموازين ولا ياليت الحبل محكم وممسوس ويشاف من يصبر على العصر واللين من عاش ماحصل بدنياه ناموس غصبٍ بدون ارضاه يصبر على البين بالله ياللاهين بمقارع الكوس الطيب عنكم غرب وانتم ورى الصين الطيب عنكم مع هل الطيب محبوس تجللوا ثوب الخنا يالرديين الطيب ثوبه مع هل المجد ملبوس واضح وبين له سلوم وقوانين محدٍ يحوشه بالحيلات وفلوس واهل الردى ماحصلوه ابملايين اقفا مع الغالين قطاعة الروس اللي على القاسين بالفعل قاسين عرق الندا بقلوب الأجود معروس حمله زهور الورد هي والرياحين ان كفني وقتي بالانياب وضروس شكيت للي عز بالغار الاثنين محمد الأحمد السديري
|
||
|
|
|
|
06-23-2023, 10:27 PM
|
#3 | ||
|
مراقب عام وأداري للمنتديات
|
رد: ديوان شعراء السعودية في العصر الحديث (متجدد)☘️☘️
من عاش ما حاش الثنا والجمالات
هنيكم ياهل القلوب المريحات ترعون بالدنيا مثل رعي الانعام ناس تنفذ صادر الأمر بسكات لو يفهمون العدل للحيف خدام فيهم من فنون المذله علامات ويمثلون ازوالهم كبر الارجام لو شفتهم صفات فارياهم اشتات ما من عقول لو تكابرت الاجسام من عاش ما حاش الثنا والجمالات ودك يلبس ثوب اسود من الخام ما ذكر به حي ناجي للاموات وعزى لمن يرجي عيال بالارحام المجد ما يوخذ براح وراحات يوخذ بحزم وعزم واقدام وحسام من لا يخوض اخطارها بالملمات يعيش بين اوباش ووهام واحلام ترى الوكاد الفعل ما به مراوات اصدق من اللي يكتبونه بالاقلام الذيب ياهل العرف ما رافق الشات والنمر ما والف مفاصيل الاروام علم ظهر للناس ما به مناجات ومن لا يصلي الخمس يكفر ولو صام ومن لا يفكر بالامور البعيدات لازم بحق الناس يخطي بالاحكام تمشي ليالينا والايام عجلات والله بما يخفى على العبد علام محمد الأحمد السديري
|
||
|
|
|
|
06-23-2023, 10:28 PM
|
#4 | ||
|
مراقب عام وأداري للمنتديات
|
رد: ديوان شعراء السعودية في العصر الحديث (متجدد)☘️☘️
يا فزعة المظيوم
يا مرحبا حييت يا عز الاقراب واهلا بشوفك يا بعد كل غايب اهلا عدد ما بان نجم وما غاب وعداد ما تذرى نسيم الهبايب يالليث يا بن الليث يا زاكي الانساب حلال عسرات الامور الصعايب يا فزعة لمظيوم ان كلح الناب يالظاري الصاطي عطيب الضرايب يا بن العديم اللي غلب كل غلاب يا خو الشجاع اللي يحل النشايب يالنادر اللي من قنص فيك ما خاب خطك طويل الياهبا كل هايب يالوايلي يالتغلبي عز الاصحاب ما ذكر فيكم ها في الاصل عايب يالفيصلي يا ستر غضات الاشناب ان نابهن في بعض الأيام نايب ياللي لهن في ساعة الضيق جلباب ستر لهن عن حاميات اللهايب ياللي معاديكم على دار الاجناب تشهد لكم قب الرمك والنجايب ياللي لكم في منبر المجد محراب نلتوه من عقب الكدر والمصايب نلتو رفيع المجد بسيوف وحراب وعدو انكم شافوا كثيرا الغلايب بحزم ولطم فيه تقطيع الارقاب وعزم جلاميد الصخر منه ذايب وحرب مرير فيه تفتيل الاشناب يقلب شعر راس الولد منه شايب بعج ودخان تقاذفه الاطواب مثل الرعد من مرزمات السحايب والخيل تشكي صابها ذعر وهياب وقلوب اهلها ما تمل الحرايب يحدونها للموت لكد بالاعقاب والخيل من ضرب المشوك حطايب تقلى ضاديد المطاليق هراب من لابة بالفعل سوو عجايب بارماح بظهور المناعير نشاب شلف مضاربها تفج الترايب يشهد لهم بالطيب من وسط الاصلاب والحي واللي حدر عوج النصايب صفوة هل العوجا مهدين الاصعاب تارد حياض الموت ورد الجلايب يقودها فيصل وللخصم ضراب بكف مضريها لجدع الضرايب مفراص ماص للصعيبات عضاب خلا خصيمه ضانع الفكر خايب خلاه يشكي لدغة الناب بالداب سم زعاف ماضي الفعل صايب ناب صوابه ما تداويه الاطباب من ناش ما قالو من السم طايب اركي على كبده من الغبن مشهاب وخلاه يجرع علقم الشرى رايب فيصل لدين الله غدا ستر وحجاب ولولاه راحو بالجزيرة نهايب ناس تطيع ابليس في كل ما جاب وعلى الشريعه من كبار العقايب دجالة بالمكر والكذب نصاب على الردي تمشي لعوج الطلايب للملحدين كلاب واصحاب واذناب عدوان من جاوب على ايوب تايب تمت وصلى الله على سيد الاحباب واهلا بشوفك يا بعد كل غايب محمد الأحمد السديري
|
||
|
|
|
|
06-23-2023, 10:28 PM
|
#5 | ||
|
مراقب عام وأداري للمنتديات
|
رد: ديوان شعراء السعودية في العصر الحديث (متجدد)☘️☘️
قل لي هلا
قل لي هلا وآقول صبحك بالخير وقل مرحبا واقول يا روح روحي يابو ثمان ٍ بالمبيسم مغاتير أغليك وانت اللي تسبب جروحي جاوبت من فرقاك خلج ٍ على ضير وناديت باسمك والمخاليق توحي حيثك هواي من البني الغنادير وليا عذلني واحد ٍ قلت ما اوحي أغليك ما طاوعت عذال ومشير وحيات من مشى السفينة بنوحي قلبي على لاماك يكفخ كما الطير ما عادلت روعات قلبي فروحي ورجلي تزيد المشي يمك بتصخير ولا تعدت يم غيرك شبوحي وهموم قلبي منك ورد ومصادير كّن عبراتي ودمعي يفوحي وش جابني لولا ان هذي مقادير الا انها كتبت بلوحك ولوحي محمد الأحمد السديري
|
||
|
|
|
|
06-23-2023, 10:29 PM
|
#6 | ||
|
مراقب عام وأداري للمنتديات
|
رد: ديوان شعراء السعودية في العصر الحديث (متجدد)☘️☘️
سود الليالي
الله على وقت مضى فات يا حسين وعزى لمن بيض العذارى كونه يا حسين وين اللي بشوفه يسلين اللي جعلته للضماير مضنه عليه من بعد النيا تذرف العين والقلب ونات الحشا يوجعنه سود الليالي تلحق البين بالبين وما بيضنه بالموده محنه العام عام الود عام المحبين لو فيه نيران على القلب جنه واليوم اهل مضنون عيني بعيدين وسود الليالي عن دياري حدنه الله لحد ما فيه حي يعزين وعلى زمان فات جريت ونه والحقتها تسعين ونه وتسعين من عقب ما هي بالحشا مستكنه ونات من هو طاح بين المثارين خيل تعدنه وخيل وطنه فرسان ربع عن مطيحه مقفين وفرسان ضده شاهرين الاسنه من فوق قب كنهن الشياهين في حومة الميدان تشاوحنه بغا المنير وجوهل الخيل عجلين والخيل اعاقن نيته واعجلنه وطبو عليه وسدو الدين بالدين والخيل فوقه كظمن بالاعنه محمد الأحمد السديري
|
||
|
|
|
|
06-23-2023, 10:30 PM
|
#7 | ||
|
مراقب عام وأداري للمنتديات
|
رد: ديوان شعراء السعودية في العصر الحديث (متجدد)☘️☘️
سلمى تقول ان الموده غرابيل
سلمى تقول ان الموده غرابيل وانا على سلمى عليل الضماير سلمى تقول الحب ويلٍ بثر ويل وانا حشاي بجاير الحب فاير وسلمى لها بقصى الضماير مداهيل وعندي لسلمى بالموده سراير اسأل عليها كل ما يقبل الليل والصبح اوصي يمها كل طاير الحب في قلبي صبغ صبغة النيل بين المحاني صايب الحب جاير وياما توجَّد والضماير مغاليل وياما على سلمى عطيت البشاير طفلٍ سلب عقلي بسودٍ مضاليل منها قلوب اهل الموده عثاير ورموش سودٍ ما تكحل من الميل سواه خلاق البحر والجزاير دارٍ لسلمى ما تجيها المراسيل دارٍ لقلبي في حماها ذخاير ارسل لها من ناحلات المراميل ما يصلنه ناقلات المجاير اطلب لها من رايح المزن بالسيل منه الزبيدي نابتٍ بالمحاير محمد الأحمد السديري
|
||
|
|
|
|
06-23-2023, 10:30 PM
|
#8 | ||
|
مراقب عام وأداري للمنتديات
|
رد: ديوان شعراء السعودية في العصر الحديث (متجدد)☘️☘️
يامرحبا يلي على البعد ناديت
يامرحبا يلي على البعد ناديت ومية هلا مني ولخرى قفتها جاوبت بأسماك العزيزه ولبيت روحي وروحك بالهوى رايمتها انا الذي لك بالموده تلاجيت روحن تبي روحن وهي مالكتها تفتحن زهور قلبي وهليت وعيني تراعي عشقة عاشقتها للقلب يا وضاح لانياب تليت وردون ثوبي عبرتي غرقتها بسفك الدموع وبالتجلي التلاهيت فاضت وعبراتن بصدري حدتها اليا بكت عيني ذكرتك وونيت ودنياي من فرقاك ضاقت سعتها وان غبت يا مضنون عيني وصديت قلت الفراق وغيبتك ما غضبتها اكره ليا قفيت وافرح ليا جيت وعندك خبر نفسي تعرف شفقتها ياما لشوفك يا حبيبي تعنيت وكم خطوة للقاك رجلي خطتها ان شفت غيرك صدت النفس واغضيت وناسن تبي لاماي غيره عصتها حبك بقلبي هزني واستخفيت وجنات عطفك فرحتي غاليتها انا على ذكراك عشت وتغذيت وهواجسي فرحاتنا ما نستها اقسمت لك بالي فرض حجة البيت ان العهود سنيننا ما خلفتها ليتك يابو تركي بعينك تحليت شقرا القرون انامله ناقضتها روحي معه تقعد ليا غبت وابطيت وروحه على ماتشتهي عاشرتها محمد الأحمد السديري
|
||
|
|
|
|
06-23-2023, 10:41 PM
|
#9 |
|
مساعد للمدير العام ومستشار للمنتدى
|
رد: ديوان شعراء السعودية في العصر الحديث (متجدد)☘️☘️
مرحوم ياشيخ القبيله والاجناب
ابيض وجه ماخان عهد المعازيب يهفي له ارقابٍ ويعتق له ارقاب ويقعد بحد السيف روس الاصاعيب على النقاء ماهم في جار الاطناب معش الطيور الجايعه من عشا الذيب والخيل من حسه يروحن هراب ضلع البتيراء يسهجنه جناديب يكفخ بجنحان السعد مثل حطاب حر ٍ شهر من نايفات المراقيب راسي صفا من صافي الدمع ماثاب على ابو ماجد جايزه شقة الجيب ابكي و يبكو نه شبابٍ وشياب واللي يبا عن شو فه السجن تجنيب وتبكيه قطعان ٍ تبي نبت الادعاب حرز ٍ لها في حاميات اللواهيب دنيا ودين وكمل العمر ماعاب وش فيه يلقو ن العرب من عذاريب ياما عطا من سبّق الخيل واركاب وعشاير ٍ تملا كبار المحاليب وحمر الفروت مقربّة دار الاحباب و يو في عن المطلو ب كل المطاليب واملاك يعطيها بلا من و حساب من ضمنها مران والحفر ومغيب وواد الرشا كل قضب فيه مقضاب ماقالها بالمتر اشترو منقع الطيب سهيل غاب وعندنا الجدي ماغاب تركي عليه ارسوم عطب المضاريب واخوانه الخمسه عريبين الانساب ذخر لنا في جاه من يعلم الغيب الله يجنبهم صواديف الاسباب ويرفع لهم جاب على الناس ومجيب مانيب اقوله قضب خاطر و نصاب يطلع صميم القلب زين الهناديب انها العريدي ماطراله وماطاب ابيات فيهايسمعون اللواعيب ماهو ب جاحدها ولاهوب كذّاب بالشيخ ابو ماجدعريب المجاذيب ناس ٍتبي مثله على كل هنداب مير الفعو ل مسكته و التجاريب ومسلط (1) و تركي (2) يوم جاحزم كلاب والجمع سار وعقلو شمّخ النيب و ردوكماميراد ابوزيد وذياب لين اهزمو عنا الجموع المراقيب وردوبربع ٍشوفهم عزواعجاب عيال جد ولا بهم خلط اجانيب ورد القطيع اللي ورد عقب معزاب حاديته الكنه وحام اللواهيب يتلون حر ٍضرب كفه لياصاب يفرالنحرمضراب روس المخاليب ماله عن الجدان منهج و مجناب شيخة ملك ماهيب شيخة مناصيب سويلم بن هندي الثبيتي |
|
|
|
|
06-25-2023, 02:01 AM
|
#10 |
|
مساعد للمدير العام ومستشار للمنتدى
|
رد: ديوان شعراء السعودية في العصر الحديث (متجدد)☘️☘️
وين الرفيق اللي نوده او نغليه
نغليه لو يعرظ ابتالي حياته والله لو تكثر علينا مواذيه حلفت بالله ماانسوي اسواته الا اومع هذا عسى الله ايجازيه عني ابخير بالحيات او مماته انا رفيقي لو غلط ما اقدر اجزيه الا إيصفح او عفت عن شناته اترك له التالي علشان ماظيه وافرح ابخيره واهتني من هناته واعرظ عن إزعاجه ولانيب موذيه تعادلت بي غلطته وإحسناته اولاني امبيحٍ به ولانيب شانيه اشيلها في حاني عن شماته ان طالت الدنيا زمانه ايريبه او تبدي له الأيام ما اخفت او فاته هذا إيرأيي والرجال المنابيه تاريهم رسمٍ ايقدي إسراته تاريخهم رسمٍ اطوالٍ مراقيه زينه تزين به اعدل لواته عدل ابنفسك ما ادركوا واخفقوا فيه او على الله إظهار الدلى من صراته واجهت ميلات الدهر مع ظواريه او عانيت ماعانوا ابروس إشرفاته وادركت مايدرك او ظليت اساريه او عرفت من وقتي كثيرا إعرجاته واظمرت اهيظ من ظميري خوافيه او عساي اصيب الصوب عن مايلاته الله ايعاوني على ما ارغب افظيه او لعل منطوقي ايحقق إمناته او بالله من يوصل جوابي الراعيه وين النجيب اللي حمت لي حصاته وين النجيب اللي لنا وقت نرجيه نرجي به الصالح الصالح نجاته ابيك يافيصل جوابي اتودّيه لخوك وده وانتبه لكلماته وده كلامٍ موجزاتٍ معانيه حيثك شفيٍ شف شفى شفاته او قل له على الساني جوابٍ امعذيه نصيحتٍ من ناصحٍ في وصاته يطلب له التوفيق من عند واليه الواحد اللي كلنا في حراته او من لايعرف الله حرامٍ اتوصيه او من شد حبل الله تقوّت احكاته الفاهم العاقل ظميره ايقديه قلبه دليله والنواظر إمراته اوصيك ياسلطان حظك اتداريه امانت المسلم تبين ابصلاته او من لايعرف العلم تبرد مكاويه والسيف مايقطع اليا اخطت شباته والجود ياهل الجود تظهر مؤاريه عود النداء تلقا الثمر من حناته والفظل لله وانت تقدر اتنميه او من لاحما داره كلا الذيب شاته درب المراجل كُود ياجاهلٍ فيه والمجد يثبت من تظافر احماته المجد حصن شامخات رواسيه اليا انهدم جانب تهدم خواته غب المساري يحمد الليل ساريه او من فظل الراحه ترك واجباته او لعل غمرٍ قاصرات مداليه تشلق عليه اجيوبها مرظعاته اليا صار مايحجي او يذري عوانيه وش عاد من حي حياته سباته مالك على غيرك مجال او مشاريه الا ابما تفعل او يظهر ثباته قبل امس اخوه اليوم واليوم قافيه او ياكر شبيهه والليالي بناته او من حب نفسه دون غيره مساعيه تفشل ولاتجديه كثرت غناته او من يبذل المعروف مع غير اهاليه رزقه يروح او مطلب الخير فاته او من حاول إطناي المناعير تطنيه او من لاكتم غيظه تبين اهفواته او من لايجود اليا اعرظ الجود يغديه في ساعتٍ يبلش ابحاله او ذاته واوصيك باخلاقك ترا الخلق تاليه سعادت الدارين هذي حلاته مكارم الأخلاق زرعٍ نواميه في الثمر والورد وامميزاته صفحٍ عن الجاهل ابلطف او توجيه او نطق سليم او عفِّتٍ والتفاته للخاص هو العام والجار يشريه باغلا الثمن ولا الحيا من اهواته رجل الشجاعه والكريم امتقفيه والظافر الصابر اذا ادمت حفاته وامثلهم العاقل عمار الواديه اذا اعتلا حظه سمت مكرماته واقربهم الى الله حنون مراميه يرظي مع الله والديه او هباته فعل المفاخر والمروه اتغذيه باسما المعاني ساميٍ بادرجاته او عانيك ياسلطان لازم اتساويه بالنفس والميسور وامكملاته واحذر زمانك واحترص عن قوافيه تراه مايخبرك بمغيباته واحذر اتعاني من تداعت حواميه او من لاتعرف اقصاه وادنا لجاته او من ساءت اخلاقه يعورك اتماشيه مالك او مال الداب جنب وطاته واللي النفسك ترتظي به او تبغيه الشخص يبرز من معالم صفاته صاعٍ اتبايع به تبي تشتري فيه والناس كل يلبسونه عباته رفيقك الداني تحسس مشاكيه ان صاب صوب له او كف اغلطاته واذا بغيت إرظاه لازم إتباديه بالخير ولاصاحب السو فاته حتى تعرف اسرار سره او خافيه وان عاظب إعلاجه تحمل جناته أجهز عليه او خاسر السو باديه خلك إحصان صقلته عن قطاته من عارته رجليه عارنّه ايديه او من لاتحرز مااهتنا في مباته واحذركثير الهرج ليّاك توحيه يشدهلك بعظ الناس بمحايفاته وإحذر إمن الثنتين والحر تكفيه بعظ الاشاره والفتى من ثباته النفس والخفرات تخلف هقاويه وابليس ثالثهم يهد ابقناته من طاوع الشيطان والنفس تغويه او حتى العذار دورهن عارفاته الا او فيهن مترفات مداليه تزيد معرفة او كثر ابركاته من جاد ساسه متن الله عراويه او فظل المربي بالمريا نواته يامسندي هذا زمانٍ مهاجيه تخلف كبيرين العقول احركاته يخلف لبيبين العقول ابماديه او شمس الظحى تخشى سواد اظلماته الشر والأشرار ترقص ابتاليه يوم اخفقوا في جانب الله إعصاته اللي يريد الله ابخلقه ايسويه آمنت به واسلمت لمقدراته يبصر او يوحي دون احدٍ ايناجيه او يثأر اذا نالوه بمحرماته ارجيه يسمح غلطتي يوم الاقيه في ساعتٍ كل تعوزه براته الامير عبدالرحمن بن احمد السديري |
|
|
|
 |
|
|
المواضيع المتشابهه
|
||||
| الموضوع | كاتب الموضوع | المنتدى | الردود | آخر مشاركة |
| في السعودية.. عيون ونخيل بين شق جبلي تجري مياهه طوال العام ☘️ | شذى الياسمين | السفر والسياحة والرحلات البرية | 9 | 10-14-2021 07:31 PM |
| كلمة للشاعر والأديب/ عبدالله بن زهير الشمراني بمناسبة اليوم الوطني ال (٩١) للمملكة العربية السعودية☘️🌹 | فتى بلاد شمران | ديوان شعراء قبائل شمران | 4 | 09-28-2021 02:42 AM |
| يالمملكه،،الغاليه لك،،سلامات ☘️☘️ | ريحانة شمران | الشاعر / ابوعبدالله | 9 | 02-17-2021 05:56 PM |
| رغماً عن كيد الاعادي ستبقين ذخراً وفخراً يابلادي ☘️☘️ | أبو شريح الشمراني | منتدى المقال | 3 | 02-01-2021 06:26 PM |
| اليد البيضاء الحانيه دائماً ماتبدد الضلمه الحالكه ☘️☘️ | أبو شريح الشمراني | منتدى المقال | 5 | 01-15-2021 09:55 PM |
العرض المتطور
