يا ( علــــــــــــ سعد ظافر ـــــــي ) كلمة راس ؟؟؟؟؟

يحسبه بيضرّ غيره وهو المنظر بها
تسلمون

البدع :


البضايع من ذهب يامن اوردت اللجين
وش جرى ياصاحبي في المعاني وش حصل
كل معنى ما يوافق مقاريعك بلاه
والعيون اللي على روسنا ماهي كفيفه
والحقيقه لا تحفّظ عليها قر بها



الرد :



اختلف في صاحبي كل عرق وكل جين
والله مدري وش جمع مـ القصيد ووش حصل
ايتصوّف وايتعبّد ولا ادري وش بلاه
يمكن ان عرّاف برزه قرا له في كفيفه
ولّا يمكن حس بنهايته وبقربها

البدع:

أعطنا يابو ذهب من ذهبكم كيلوين

لأجل يصبح بيننا عيش(ن) وملح وعمل

(كيف عينك فوق راسك )ياويلي ياويلاه

لاحدن يسمعك من حاشية قصر الخليفه

قال شاعركم شبك شرقها في غربها

الرد:

من يكيل البرّ بين الذره بيكيل وين

وسوس الشيطان له بالغنى وقت العمل

شرهته في وجه من بالمزارع قد ويلاه

شافو أهل البير فعله وقالو له خليفه

قام كسّر سانيتها وطيّح غربها

البدع :


ابشر بسعدك ورا ماتقول معاي دين
اشهد انك برت وتقطّعت فيك السبل
صاحبي جمر الغضى لا تلومونه صلاه
تاه مدري ضاع بين البشاير والسقيفه
يحسب انه قايد القوم وانه ذربها

الرد :


انا وانت اصحاب في بسطة(ن) ومعايدين
لكن ابغى اشوف انا وش جنيت من السبل
يوم خلّيت الركايز ووخّرت الصلاه
خل عنك الهنجمه لا تخلّيها سقيفه
كل من تخرج على المسلمين انذر بها

من جد كلمة راس من روس العناصي
على اصولها

محاورة رائعة جدا استمتعنا بها

فبيض الله وجيهكم

السلام عليكم ورحمة الله وبركاته

قصدي أنشد راعي الديره اللي مات ضيفه
هي من الله مات والاّ تعدّى زربها

ولا تبغى صاحبك تغلبه بالريجفاه
ماحكمت احكاية الضيف ياخي بالنّصيفه
كلمة(ن) جاتك مع الناس وتبادر بها


مانواخذ غايب (ن) غاب من عذر(ن) سمين
ياعلي لابدّ يحما النخل راعي النخل

داسوا اطراف الخبر ياحمد داسوا طريفه
تسمع الفاسق في الخلق وتعبّر بها

شافو أهل البير فعله وقالو له خليفه
قام كسّر سانيتها وطيّح غربها

تاه مدري ضاع بين البشاير والسقيفه
يحسب انه قايد القوم وانه ذربها

نحن مستمتعون بالإبحار معكم نأمل أن نصل الشاطيء بسلام ولانحتاج لقوارب النجاة
والسلام عليكم.

البدع:

والله لولا حشمة الذيب ما ارحم بلحصين

فالفصيله واحده والدول تحمي دول

باقي الشيمه لها سوق في هذي الحياه

والاّ لو نرجع لبعض الوثايق فالصحيفه

طاحت يوغسلافيا بأربعه من صربها


الرد:

باقي آثار البنادق على جنب الحصين

أنهلك قوم وطلع قوم والدنيا دول

والوادي مامون والعين تنظر في حياه

وانا ماحاف الخطر بي في المقناص حيفه

لنّ من عنده شكيمه فهو ينصر بها

يعطيكم العافيه
متابعين بصمت

نحن مستمتعون بالإبحار معكم نأمل أن نصل الشاطيء بسلام ولانحتاج لقوارب النجاة
والسلام عليكم.

راائع مانقرأه
واصلوا فجمهوركم متعطش