اخترنا لكم شعر نبطي وفصيح

عليك الغلا والشوق كنك تسوقه سوق
وعليك الشفـوف من المعاليق منتحيه

وعليك الضمير من التنهات فيه فتوق
وعليك السلوم من المشاريه مستحيه

.....

لا طرو طاريه سويت نفسي مادريت
ولا انا يابري حالي وياوجدي عليه

.....

جفولٍ من الخيل خذاله ثلاث وصوف
سواد العيون وسبلة الجيد واللدّه

يبذ الخفايا بالتغنج تقل مكلوف
وهو في الصبايا لا مثيله ولا قدّه

.....

اهم حاجه ما قال الله وقال الرسول
يا راجي الناس عند الناس وش ترتجي

الزود زود الثقه والنقص نقص العقول
ما هوب نقص الفلوس اللي تروح و تجي

.....

وابعدي مثل المتاهات في حلم اليتيم
واقربي بين السوالف وكتفي والذراع

وانظري لي نظرة الشوق للشي القديم
واغرقي بالدمع الأزرق مظاليلن وساع

.....

يا حلو طبع الوفا في ساعة الشده
اليا صفا لك صديقك والزمن قاسي

لو هو من أقصى البشر ولا من البده
تفخر بمثله لو انه ابعد الناسِي

.....

حكمت قلبي مثل حكم الملك بن سعود
نبضات قلبي شعوبك وانت صاحب سمو

.....

خلك على وضح النقا تكسب الناس
وإن ما كسبت الناس راحتك مكسب

.....

رفرفي يارايه العز يامجد السنام
رفرفي بالعز في ظل قادات الامم

دارنا منا لها اغلا المحبه والسلام
نرفع الرايه لحكامنا بيوم العلم
🇸🇦
دام عزك ياوطن

أستغـل العمـر لاياصـل مـداه
وانت تشتم في الزمن وتعاتبه

فـي النهـايه من ملـذات الحياه
ما انت ماخذ شي ما الله كاتبـه

.....