فوق هام السحب ( الشعر الشعبي) على متن القوافي

العشرة اللي ماتوثق علـى سـاس
تطيح لو صارت حصون طويلـه

صبرت صبر صابني منه وسواس
صبر له النفـس العزيـزة ذليلـه

من يتبع المقفي مـرده للافـلاس
مثل الذي بالقيض يدفـق صميلـه


عبدالله اللويحان

من لا تعب قبل حل الشيب
دروب المشاكيل فاتنه

ومن مات ماادرك علوم الطيب
عميت عيونٍ ينوحنه


الشيخ ماجد بن عمر بن ربيعان

ترى الشرف ماهوب بالخال والأبو
ولا بحسن الوجه والتصميم

ولا التطاول بالنسب ترفع الرتب
لاصرت في كل الامور غشيم


عبدالله بن رمضان

شكواك للى ما يثمن كلامك
دمعة يتيمٍ من عيونه ذرفها

وإذا أحترمت الناس زاد أحترامك
والناس عز إنفوسها من شرفها


جزاء بن صالح الحربي

تخير بالنسب قبل المناسب
ترى بنت الرجال لها رجال

إلى جت عدلةٍ والحظ طيب
نما معروفهم وانموا عيال


عبدالله بن لويحان

الطير لولا كمشة الريش ما هد
لوهد كبيدي الحرار البتيعات

والسيف لولا خمس الاصابع ماقد
لاصار وحده ماشفى القلب باهوات


مقحم الصقري

يا ليتنا من حجنا سالمينا
كان الذنوب اللي علينا خفيفات
رحنا نبي نقضي ديونٍ علينا
وجينا علينا مثلها عر مرات


بصري الوضيحي الشمري

الطيب ما نستكثره من هل الطيب
اللي لهم في ماكر الطيب خبره
أوسع عليهم من روضة اشعيب
واضيق على الانذال من ثقب الإبره

حامد بن مايقه الحبابي

راكب اللي حسها تسمعه من كـل صـوب
مثل زلزال الرعد فـ المـزون المظلمـه

كنها يـوم استـدارت وضاقـن الـدروب
فرخ شيهانٍ على الطلع ينهـض مقدمـه

تلها جورج الخواجه وعرضهـا الهبـوب
وأعلنوا بإطفاء الزقايـر وربـط الأحزمـه

إسم كبتنها خواجة ماهـو بلبـاس ثـوب
أخذ من االفوتكا سك ومن الشـي عدمـه

من سلايل شايبٍ ما جمع غيـر الذنـوب
والديانة عكس الإسـلام ماهـي مسلمـه

مايعرف يقول هـذي شمـال وذي جنـوب
الدليلـة بوصلـة والحـروف مترجـمـه

واهني اللي علـي رحلتـه يلقـي ركـوب
إن رجع وألاتوفـى عسـى الله يرحمـه

إن نوى في مشرق الأرض وألا في الغروب
المهـم ينفـذ الـلازم الـلـي يلـزمـه

فاقدٍ لي شيـخ قـوم غالـي ومحسـوب
محزمٍ في الضيق يابعـز منهـو محزمـه

والجفا من بين الأصحاب عيب من العيوب
والصداقـة مـن بنـى بيتهـا مايهدمـه

والغلا والكره ما تسكـن إلا فـي القلـوب
بس مابـه قلـب فيـه الثنيـن مخيمـه

والرجل لاصار بيـت مـذرى ومحجـوب
استوى عنـد النشامـا وجـوده وعدمـه

أتحمل مزح الأصحـاب عذبيـن السلـوب
وأتخيـر وآكـل التمـر واطـش عجمـه

وأعرف الكذبة إليا جات من فـم الكـذوب
لاقعـد يرفـع لسانـه ويرخـي برطمـه

والطرب لامن جرفني مع اللحن الطـروب
أنسف البيت المدمدم علـى اللـي دمدمـه

واقفل الجوال عن راعي الغـوج الهـذوب
وأفصل التعميـم عـن بيجـري واعممـه

زلة الطيب مـا تجـرح متينيـن الجنـوب
عقب اللـي زلـةٍ مـن صحيبـه تفحمـه

ايه ياضيدان والنـاس حـارب ومحـروب
والأعـادي كـل واحـد بحبـره وقلـمـه


ســلطـان الهـاجري

راكب اللي كنها البرق في عرض النصوب
دارب مسـري الليالـي عليـه معلـمـه

بكرة كن خف يدها علي الزور مغضـوب
لاعقلها اللـي عسيفـه مهيـب مخزومـه

وان تساوت واستعدت لها وصف عجـوب
كنها تدي القسـم عنـد قاضـي المحكمـه

وان جذب ركابها الصوت باسلوب عذوب
أزجلت مـا كنهـا الاهنـوف مخمرمـه

وكنها قشع تزبر علـي صـدر الجـذوب
لاخذت في صحصح البيد سـك ودرهمـه

ما شريناها من السوق من جيـز الجلـوب
من سلايل جيـش جـدي ذلـول مكرمـه

تنحر اللي كل مـا تبـت عيـا لايتـوب
صاحـب اغليـه جـدا وعـزه واحشمـه

صاحب مـن لابـة مايهابـون الحـروب
بني هاجـر فخرالامجـاد كفـو الملحمـه

مثل ما تجمع شبابـه عتيبـه والحـروب
بينـنـا حـلـف وعهود وعقود مبـرمـه

كان يا سلطان ناسيه وصياحـك طنـوب
مرحبـا بـك وانتبـه والـدروب ملغمـه

والجفا من بين الاصحاب يالصاحب مهوب
عيب لكن غيـره العيـب ياللـي تفهمـه

والصداقة كنز ما هيب تسمل سمل ثـوب
وللصديق ان صار ما صارمـاذوق لحمـه

له علي ان حده الوقت في الشدات انـوب
ولـي عليـه الياكرهصاحبـه لا يظلمـه

والرجل لاصار بيته حجر والسور طـوب
ماعليـه مـن المنافـق ليـا رزاعلـمـه

عادني من دون روحي ليا شبـت شبـوب
والاكـم وكـم دهانـي رمـوز مبهـمـه

وكم نواني من الاصحاب دجـال لعـوب
يبغي ياخذ خيرة ابلي وانا خـذت غنمـه

ومعرفة بعض الاصاحيب ذنب من الذنوب
علـة مـن علتـه اووف يامثقـل دمـه

علته ما هيـب تنشـاف بالميكروسكـوب
ودك احيانـا ليـا طـال صوتـه تكتمـه

والرجل لاصار شيخ عزيـز ومحسـوب
اسـتـون زلةلسـانـه وزلات قـدمــه

ايه ياسلطان والنـاس غالـب ومغلـوب
والاعادي مـن تحكـا حثينـا فـي فمـه



ضيدان بن قضعان