فوق هام السحب ( الشعر الشعبي) على متن القوافي

‏لا تتلف الروح لاجل الناس ترضيها
وهم ولا يوم سووها على شانك

تسعدك ارواح يمكن .. ماتدانيها
وتجيك الاحزان من ربعك وخلانك

يبقى لك اللي عروق الدم تسقيها
ابوك و امك و اخواتك و اخوانك

حتى حبايبك .. لا تتعب تداريها
بكره حبايبك بيصيرون عدوانك

ياحبي افهم انك بخافقي شي
وان العيون اللي تحبك سهارى

ياضي عين اللي يحبك ويا ضي
كل الدروب اللي بعيني حيارى

انت الذي ما يشبهك بالملا حي
مالوم من سمّاك سيد العذارى

يا بو عيونٍ كل ما ناظرت في
اتوه وسط الناعسات السكارى

لاشفت وجهك قلت يا حي ويا حي
وجهٍ كساه النور مثل النهارى

انت الحبيب اللي رويت الحشا ري
تروى بك عروقٍ لحبك تبارى

في غيبتك ارسمك لا من طرى لي
جمالك اللي يستحق افتخارا

مدري متى برتاح يا وردة الحي
واشوف همي بعد شوفك توارى

يمكن ليا شفتك نزح همي شوي
ويمكن ليا شفتك جروحي تدارى

والا انت تدري انك النور والفي
وانك يمين ودرب غيرك يسارى

واكبر دليل ان قلت في خافقي شي
ان العيون اللي تحبك سهارى

نعم نعم سعوديين لنا الفخر

نعم نعم سعوديين طول الدهر

عهدنا لله ثم المليك والوطن

عهدنا غالي ما يقدر بثمن

حنا الوفا طول الزمن

وقت الرخا وقت المحن

نعم نعم سعوديين

هذي ابلادنا بعيوننا

وبقلوبنا انحبها

هذي ارضنا ارواحنا ودمنا

فدوه لها

في كل شبر فيها وتراب أراضيها

سماها وشواطيها وطيبة اهاليها

قصة عشق نفتخر فيها

نعم نعم سعوديين

يا سعدنا يا سعدنا بحكامنا

يا حظنا يا حظنا مكه
وطيبه عندنا

ومن كان هذا موطنا يحمد ويشكر ربنا

وما همنا من قال فينا

وذمنا يشهد لنا تاريخنا وامجادنا

نعم نعم سعوديين

يازهور العشب في غب المطر
يوم علتها مراويح السحاب

ياشبيه الورد من بين الزهر
نظرتك تجلي عن النفس العذاب

ماتشوف العين مثلك في البشر
ياعديل الروح لاتطري الغياب

صابر والثانيه عندي شهر
ماتضيق الروح فقدك والعتاب

عن جميع البيض غضيت النظر
تاب قلبي عن جميع البيض تاب

وغير زولك ما على بالي خطر
لو تروح بعيد طيفك ما يغاب


الأمير
بندر بن خالد بن عبد العزيز

ياطلة مدري نجم مدري صباح

ياطلة الوجه البشوش الاصبحي

ياعيطموس الحسن ياسيد الملاح

عز الله اني جيت كلي منتحي

يابنت عهدي مع هوى الخفرات راح

لكن ماعندي كلام ومستحي

اضرب مثل من باب جلب الارتياح

جبريل انزله ربي بالوحي

ماقابل الهادي على ثقل وجناح




سعد جدلان

ان كان في بوكي ريالٍ كليته
خل الفرح يقبل بزيره وطبله

والله ما اضيع يومي اللي حييته
عشان يومٍ يمكن آموت قبله


المقحم

تفوح الدلال ونحتري زعفران وهيل
ولازال راس الضرم يشره على الدله

ونـعـيش الحياه ابلا طعم كنها تمثيل
يـطـوف العـمر ماتكسب النفس تعـلـله

كبود العطش تبكي على سلسبيل النيل
وتـشـره عـلى اللي يارد الـنـيـل ويدله

على ويـن يابيت القصيده سرجت الخيل
عـلى وين وحبـيل النشب ما لقي حله

مواقـف لها حـل ومواقـف لها تـحلـيـل
ومـواقـف بـلا تـحـلـيـل وحـلولها عـله

عسى الله يـجـنـبـنـا مـواقـف تـهـد الحيل
مـثل ما كـفـوف اهل العـطا تصبح مقله

ومـثـل مالبخيل يحاول بحصة الزنـقـيـل
يـبـيـها لـو اهـل الـمال تـولـج لـه الذله

ومثل مالبشر تـزبن على مركز التجميل
تـبـي خـلـق غـيـر اللي خـلـقها عليه الله

ومادام الخطا له مبسماً يـقـبل الـتـقبـيـل
انا اقـول لـه عـشاق واحـبـاب وتــولـه

وانـا ماتـشـائم مـن زمـانـي عـلى ماقـيـل
مــزايـاه وعـيــوبـه ودقـه عـلـى جــله

انا رحـت ادق ابـواب وش بالصدور نشيل
خـزان المـحانـي والـقـلم دامـعـه هـله

بـكاها قـصـيـد ونـحـسب ان الـهـمـوم تـزيل
وهـو فـيه شر وخـيـر وسلوم وجـبـله

قشاشن على ركـوة شـعيـبـن رمـاه السيـل
تـجـي فـيـه بـذرة شـجـرة نـبـتـهـا قـلـه

بـشـر تـهـتـدي وتـعـيـل وانـا اهـتـدي واعـيـل
ضمن هالبشر ما الله عصمنا عن الزله

وعـن بـزوغ فـجـرك يامجـلـي سـمار الـلـيـل
مـثـل مـاضـيـاح الـعـصـر لـه لـيل يـحـتله

تـجـلى ظـلامـه عـن سـهـيل ورفـاق سهـيـل
جـمـالاً الـى دك الـظـلام اكـتـمـل حــله

تـحـيـر الـعـقـول وتـبـتـلـش مـعـشـر الـعـقـيـل
ويـضـيـع الـحساب وياقـف الـفـكر ويـبلْه

عـن اعـجـاز خـلـق الـواحـد اللـي له الـتجـلـيل
لـه الـفـضـل كـله والـثـنـا واـفـيـاً كـلـه

عـظـيمـاً لـه الـتسبـيـح والـحـمـد والـتـهـلـيـل
سـمـا عـرشـه الـسـابـع وحـنا عـبـيـداً له

اسـالـه يـعـدل الـمـيـل عـن راجـحـات الـكـيـل
مـوازيــن حــقـاً تـرفـع الـخـلـق وتــذلـه

الاعـمـار يــطـويـهـا الــدهــر طــيـة الـمـنـديــل
والارزاق عــنـد الله والاجــال عــنـد الله



سليمان بن جبيل البلوي

الى تضايق خاطري يابن الاجواد
ادعيتها تعط الفجوج الوسيعه

واخذت لي مع خالي الدو مجراد
اضن مامثل الخلا والطبيعه

لامجاملة صاحب ولا ضد وعناد
ادوس خد القاع واذب ريعه

واخذ بمقعد راعي الرجم مقعاد
واجيب في راسه ضوار المجيعه

لعل عقبه خاطر الضيق ينقاد
والنفس تسلى ذاكرتها الوجيعه

اخشا يفوح الصدر من غير ميعاد
واخاف من قاري الخواطر يذيعه

ماني ضعيف افكار وقليل امجاد
ولا ذل نفساً منزلتها رفيعه

لو كان مالي مع هل العرف ميراد
ماسقتها سوق الذلول المطيعه

نرقا على وضح النقا روس الاشهاد
مانشتري قدر البطون ونبيعه

قدر البطون اتسد به لقمة الزاد
وقدر النفوس الى استصابت شنيعه

وان كان به لوجيه الاوباش عباد
حنا بنا عشق الكرامه طبيعه

ماترخص الا عند هافين الاجداد
والا ولى سني مواريث شيعه

لو عرف راس الجد في روس الاحفاد
ماخالف التالي طباع الطليعه

ربعن بهم راحت على سرج وشداد
مدة مقيط اللي تسمى قطيعه

وابن الردي يطمع بذكر ابن شداد
العبسي اللي مات قبل الشريعه

يا الله ياجايد على كل من جاد
عجل بماننوي ولا نستطيعه

يامسقين عرق المحل عقب ماباد
وعاد الحيا للعود وازهر ربيعه

انت الملاذ وللرجل وقفة اجهاد
زابنك عن عضت بهام الهزيعه


سليمان بن جبيل البلوي

يامثور بندق الغيض في صدر الحشيم
والله انك مانت مجبور بصدور الحشام

ماسـعـى فـي نـيـة الخير شيطاناً رجيم
ولاربـح فـي تـجـرة الكـذب بـياع الكلام

مثل من دبر عن الصوم سفرة للمقيم
ويش يرجي من حسانيك يا شهر الصيام

لاغـشيمٍ بالـمعرفه نسميه الغـشيم
ولا فهـيـمٍ يسرج الـنور ويزيح الظلام

مايـنـقـص وزنـة الـحـق رجلاً مستقيم
ولا يـفـرق بـين الاخوان واعيال العمام

كـود من لامن تـحدث تـقـول اهل النعيم
وان تبخصت الخوافي على الدنيا السلام

وان تجاهـلت المواجع وجاملت الذميم
اعـتبـرها فـوز فـكـره وخـطـواتـه تـمـام

انـت ويـن وويـن ماتـدعـيـه انـك فـهـيـم
بـيـنـك وبـيـن الـمـفـاهـيـم درهـام ومقام

العـظـايم وهـبـة للعـظام من العـظـيــم
والضـغايـن شرهة بليس بصدور الهدام

كـل مانـغــلـق سراديـب بـيـبـان الجـحـيم
جـتــك خـدام الـشـياطـيـن تـرفـث بالكلام



سليمان بن جبيل البلوي

على عزف الخفوق اللي دعاني
تجاوب له خفوقي في ثواني

تزارقني رماحاً وازعجتني
وانا رجال ولساني حصاني

اخذت من الزمن خبره وعبره
وفرقت الصمت من صقه الاذاني

واخذت من السرى نجم الدلايل
اخذت الجدي وسهيل اليماني

وعرفت من السوالف بالمعارك
شجاع القوم والرجل الجباني

فلاني جاهلاً في ماشكيتي
ومايرضيك يالغض اللياني

ولاكن جاهلاً في من تكوني
وفي ايا مساحات المكاني

هلا بك مرحبا من باب فزعة
رجالاً تسرج الفذ الحصاني

هلا ترحيب غالي عند غالي
وماتشكيه قد قبلك بلاني

شكيتي وارتكيتي فوق شمخ
من الضلعان عسرات المثاني

نخيتي فذ شعار الضياغم
وعلى سميحان ترمين الاماني

وشكيت لضؤ ليل الشعر قمرا
وفدتك من المحاني للمحاني

وانا يابنت من باب الحميا
مثل شمر مقلطت الصياني

اشوش لماقفي وانهض حجاجي
الى جنب عن العلم الهداني

اهوم لوكرة الحر النداوي
واصيد من الجزيلات السماني

لك الله كان بالموضوع حيله
ياغير احتال في ما الله عطاني

فداك المال وش كثره وقله
وتجيك عزوم طلقين اليماني

وهج مانتي على وجه البسيطه
وحيده للمئاسي ترجماني

ولاكن حسب رايي واعتقادي
فلا يجزى المسيؤ بالحساني

فوجه الصبح يفرق عن نظيره
غياب الشمس مظلم خرمساني

ووجه الادمي مقدار شبراً
فلو يهفيه ماله وجه ثاني

فلو يعلم سجد لله شكراً
كشف له مايخبيه الزماني

فشكري ياجميله واعتذاري كمال الهيل حسن الزعفراني

سليمان بن جبيل البلوي