فوق هام السحب ( الشعر الشعبي) على متن القوافي

اضرب طريق الخير واسلك مسيره
ولا تلتفت للناس عوجاة واقداه

ولو طال عمرك عارف وش مصيرة
ازبن ولي العرش واتعب على رضاه

واد الفروض الاوله والاخيرة
واضف لهن مخافة الله ورجواه


محمد بن عقيل السويلمي

لولا الردي ما صار للطيب سمعه
لا شك لهذا ضد ذاك يصير

والناس مثل الماء غدير ومالح
هذا ملاح وذا زلال غدير

والا جواد قربتهم تبيض وجودهم
تنفع ولا من قربهم تأثير

والاشرار نفعتهم مكافاة شرهم
ولا ترى قرب اللئيم خطير

من رابع الطيب كسب من مراجله
ومن رابع الخايب تراه عثير

ترى الرجال طيور يفرق فعلهم
فعل العقاب على الغراب عسير

الرجل عقل ومرجله وديانه
بلا شك راعي ها الثلاث طهير

جنب حقوق الناس واحفظ حقك
على حقك اضرب باسنان شطير

واذا ادعيت الحق قابل خصمك
ولا تدعي بالبطل والتزوير

ترى الحق لو صابك لو تنكره
مالك عن الحق المصيب مطير

لا تأخذ الا راي من تثق به
ينفعك في رايه وله ضمير


مرشد بن سعد البذال

من كثر ماله ساروا الناس برضاه
ولو كان ناقص قالوا الناس وافي

ومن قل ما بيده ترى الناس تشناه
ولو كان يسقيهم عسل قنط صافي

فالمال كم ساس طمان وعلاه
والفقر كم حطم روابع سنافي

لا شك ما للعبد عن حكم مولاه
من خير ولا شروا لرب كافي

ما كتب للمخلوق لا بد يلقاه
اما هزايم شر ولا عوافي


حمد بن هادي المسردي

قوموا بدين الله ورزوا شعاره
واخشوا نهار فيه تخطيف الابصار

دنياك مرجعها الفنا والفشاره
لا تامن الدنيا ترى الوقت غدار

لا بد من قبر وحيش جداره
من مات يالمسكين خلي على الدار

واليوم انا اوصيكم والحذاره
من يوم ما منه محاص ومطيار


محسن بن ناصر المري

‏من كثر ماندمح خطا الناس بالطيب
‏قامت علينا ضعوف الانفس تجرّا

‏ومن خوفنا لا نِلحق انفوسنا العيب
‏ماباقي الاّ من الصحيح إنتبرّا
‏
‏‌ ضويحي العماني⁩

‏نـعـيـش الـغـناه بقدرة المانع الرزاق
‏ولا تـغـتـنـي كـف الـيـا ما الله اغناها

‏الايـام تكـشـف مثل ماتكشف الاوراق
‏تـبـا تـقـبـل الحاجه على من تباطاها

‏ولا تنشغل في رضا المخاليق والاذواق
‏ترا الناس قبلك خاتم الرسل ما ارضاها

‏‌ محمد بن هضيب

الفقر لو يِطبِق علينا سياجه
نبني لنا دنيا جديدة وننساه

والهم لا سيّر وعقّد حجاجه
نرسم امانينا الضحوكة على شفاه

وإن درّج البرد بسهرنا وداجه
نضوي حكاوينا القديمة وندفاه

ابوي علّمنا على كل حاجة
الا تدابير الليالي بليّاه !


جمال الشمري

‏إن شلت لك من جور وقتك حمولة
‏لا يبيح سدك لو غزا رأسك الشيب

‏صبرك على زلات ربعك رجولة
‏وسبك لهم وسط المجالس عذاريب

‏‌ حمد المخلفي

‏من خلقت الناس شماته ومداحه
‏ريح ضميرك ونفسك لاتضايقها

‏الشجره الطيبه بالطيب فواحه
‏ماتختلف لو سموم القيض تطرقها

‏مايثمر الشوك برحيه وتفاحه
‏حتى لو ان القراح العذب يغرقها

‏ارضى الله الوالي ان كانك تبى الراحه
‏ورزقك على الي خلق خلقه ورازقها

‏فهد سالم

‏اترك مشاكلك الصغيره على صوب
‏لو شفت غيرك ماشكيت المشاكل
‏
‏كان انت من مرّ الزمن شاربٍ كوب
‏غيرك شرب من مرّ وقته جراكل
‏
‏من نعمة الله زاد وزنك عن الثوب
‏وغيرك من الأمراض مثل الهياكل
‏
‏صار اكلهم بحبوب ، والنوم بحبوب
‏والا انت دون حبوب ، ترقد وتاكل
‏
‏‌ نايف ابا العون