اخترنا لكم

راع الردى لا تجبرونه على الطيب
العـبـد مـالـه غـيـر مالله كـتـب له

مدحــت ابن ناقي من غير تجــريب
وحطيت له فعل حشا ماذكر له

اشهد شهاد ه ان مدح الردي عيب
مثل الصلاه اللي على غير قبله

.....

‏في قـوانـين الهـوى بـين الاحـبه
من تمـادى بـالجـفا عنـده بديل

الاكـتـفا ابـرز عـلا مات المـحـبه
والتجـاهـل من عـلامـات الرحـيل

.....

انا من أهل الطيب مالي معاذير
ولا* من الباقين جهزت عذري

المعذرةتقبل على الحلق وتحير
وأحكم على مضمونهاقفل صدري

أنشط لخدمتهم معزة وتقدير
وتِظْهر وسوم وجيههم كبر قدري

واللي يدور من وراي التقارير
لوقال لي شفت الجبل قلت مدري

.....

الكلمه اللي ماتجملنا على وجه العموم
ابرك لها تقعد وشرهتها على حنجورها

اليا سكتنا ماسكتنا الا على شان السلوم
وان شانت الدعوه ضربناها على دنقورها

اليا قعدنا تقعد الدنيا ولاقمنا تقوم
مالله خلقنا نرضي العالم وناخذ شورها

.....

‏ياليت نرجع باول العمر جهال
نزعل والا منا رقدنا نسينا

وياليت مانطرد وراء بعض الأمال
وياليت نقنع بس بالي بيدينا

وياليت مايرحل لنا عم أو خال
وياليت ما نفقد عزيزٍ علينا

وياليت ما بالعمر غربه وترحال
وياليت مع جدان اهلنا بقينا

.....

للروح رب و للـمـقـاديـر كافــل
يعطيني اللي ماسأل وش عطيته
.
اعوذبه مـن قلب لاهي وغافـل
ومن ذنب يحجب دعوتي لادعيته

.....

‏لك في عيوني شوق وظلال واوطان
والحب وسط عروق قلبي يصبّك

لو كنت ماحبّك ولا اهتّم ماكان
تسمع تناهيدي بكلمة احـــبّك

.....

الظروف أحيان تجبرنا نغيب
بس ماتمحي محبة من نحب

.....

احذر تنازل عن قيمك ومباديك
لو الاوادم كل ابوها تنازل

‎عبدالرحمن المطرفي

‏الله يا مكبر مقــام التروي
‏لا صرت عن أهل المجادل تعفف

‏الصمت في بعض المواقف يسوي
‏اللي مــا سواه الكلام المصفف

.....