ديوان شعراء السعودية في العصر الحديث (متجدد)☘️☘️

المواني


حبيبي دام انا أصلاً حبيبك وانت والفني


اجل وشفيك تزعل يوم افضفض وانفض ايامي؟
انا لولاك.. قلت: ان الزمن ب اموت ما انصفني


وانا لولا الزمن ما كنت اهوجس وانت قدامي
هي الدنيا كذا .. لا جيت ارتّب للكرى جفني


تكاثر غفوتي حتى تصير ابعد من احلامي
هي الدنيا كذا .. وان كان ما صدّقتني ..شفني


شف عيوني .. وشف وش لون جلدي يستر عظامي
شف..أو.. لا.. لا تشوف.. ان كان ودّك صدق تعرفني


تتبّع سيرتي .. او سكتّي .. او جرّة اقدامي
تتّبعني واذا مرّيت دمعي لا تضاعفني


تعدّ بخطوتين وشف طموحي كيف مترامي
هنا طحت.. وهنا حظي عثر..وهناك وقفّني


وهنا ماردّوا اللي كنت اناديهم بالآسامي
تهجّى فالمواني لين تقرا سالفة سفني


تتبّعني من اول جرح واترك عنك هندامي
وانا اقول: ان تشوف اللي يحدّك ما تحلّفني..


.. وش اللي حدّني ابقى على جال النهر ظامي
امانه بس لا تزعل عليّ .. ولا تخالفني


لو ابكيتك من همومي .. او ابكيتك من هيامي
انا لولاك..قلت: الوقت هذا ما يشرّفني


ولولا الوقت قلت اني خذيت اكبر من احلامي

فهد المساعد

العيش والملح



هذا انت خنت العيش والملح يامن


تسب ناسٍ خانوا الملح والعيش..!!
كنت احسبك..وش احسبك؟!..كنت ضامن


أنك تداري خاطري لو على ويش؟!
ماكنت اظنك قاسي القلب لامن


ضاقت علي وجيت لك قلت لي: ليش؟!
وش ليش؟! انا مابي لك ايّة تضامن


مابي لك الاضحكةٍ كلها طيش
مابي لك الا ضحكةٍ لو تزامن


مع ضيقتي طارت هموم وخفافيش
ارقد بها عن غدر الايام وامن


واحيا بها مدري بها اموت واعيش!
واسجّ فيها عن هوى كل طامن


وأروي بها عروقٍ عليها معاطيش
بس انت خنت العيش والملح يامن


تسب ناسٍ خانوا الملح والعيش!!

فهد المساعد

الحسد


الشعر أبوي .. ولا بعد قلت: لبيه


إلا ل بحّة وزنه وصوت قافه
ماقبلي أحد ٍ قد تربّى على يديه


ولاغيري أحد ٍ سْمْع صوته وشافه
أغليه .. وأخافه .. وأحبّه .. وأداريه


وأخاف لاأفقد دهشتي فأكتشافه
على كثر ما أبيه وأتعب وأنا أبيه


ماقد شكيت لغيمته من جفافه
إن ألتفت في حالي .. الله يحييّه


و إن ما ألتفت .. ما ألحقت عمري حسافه
ياما على غفله غرقت فشواطيه


وياما رمى في قاع صوتي ضفافه
وأمسيت أغني له .. وأشيله .. وأشاكيه


كنّي مكوّم كل ماكان طافه!
أحاول أقوى شي مانيب قاويه


وأحاول أقبل شي نفسي تعافه
اسمع من هروج العتب والمسافيه ..


مازوّد حمول التعب والمسافه
ناس ٍ بلوني بالحسد والمشاريه


مافيهم اللي وسط قلبه مخافه ..
لا .. والمصيبه .. ويش أنا منحسد فيه؟!


في الشعر ودروب السهر والكلافه!!
قولوا لذاك اللي سهادي على ايديه


وش جاه مني؟! لعنبوها ضعافه
ان كان حاسدني على الشعر والتيه!


يجي يبادلني .. وأخط أعترافه:
يعطيني راحة باله اللي تقدّيه


وأيامه اللي ماتعرف الصلافه
ونذر ٍ علي لأعطيه .. وأعطيه .. وأعطيه


حتى يملّ من الشعر والصحافه

فهد المساعد

بايعها



.

ما كل ضحكه تهزّ القلب يشبعها


وما كل دمعه تمرّ العين تبكيها
من شاف ضحكة زماني قال: بايعها


ما يدري اني فقيرٍ ما اقدر اشريها
يا اللي نثرتي سنينٍ كنت اجمّعها


تكفين هذي حصاد العمر لمّيها
كم كنت اهدّد بك الدنيا والوّعها


كل ما اذكرتني..واذكّرها وانسّيها
بيدينك اللي احس وكن اصابعها


تقول: بدري على الضيقه وطاريها
بعيونك اللي اناديها وانا معها


اللّه ياكم زعلتي يوم اناديها
كنتي تحسبيني اسرح عن مدامعها


وانا ما غير اتهجّى رحلتي فيها
اي واللّه اذكر عيونك يوم اطالعها


اقرا بها انشودةٍ كنّا نغنيها
كانت تروح وتهجّ البال واتبعها


تاخذ عيوني من الحزن وتودّيها
لايام كنت ارمي بدنياي واجدعها


أيام ما .. كنت اكحّلها.. ولا اعميها
طفلٍ سلاحه دموعه يوم يزرعها


من فوق خدّه وكفّ ابوه يرضيها
اكبر همومه من دروسٍ يراجعها


واقصى طموحه متى ينجح ويرميها
طفلٍ وكل امنياته كان مطمعها


يكبر وتكبر هنوفٍ كان يرجيها
كبَرْت..و كبْرَت.. وضعت..وخفت اضيّعها


خلّيت همّي رضاها يوم اداريها
كل ما طعنّي زماني رحت ادلّعها


يوم الزمن ما ترك لي غير اياديها
ما كنت افكّر تجي في يوم واسمعها


تقلب حياتي من اعلاها لواطيها
حتى اقبلت تبكي الدمعه وتردعها


ثم قالت..وكن موتي بين اشافيها:
جيتك أحلّف عيونك قبل اودّعها


ما اشوف دمعة عتبها لين اخلّيها
تبغى تروح وتخليني واطاوعها


تبغاني اسكت واقول: اللّه يهْديها!!
يا أول احلام روحٍ كان دافعها


انك سندها وحاضرها وماضيها
يا سنيني اللي قضيت العمر اجمّعها


يا ذكرياتي من اولها لتاليها
لا تتركيني اعيش العمر بايعها


ضحكة زماني بدونك ما اقدر اشريها

فهد المساعد

الطفل والمحارم



كان في وسط المدينه...

طفلٍ أكبر من سنينه..

والده مات بحنانه..

ولاقعد يندب زمانه...

صادق هموم الشوارع ..

يمسح الدمع ويصارع ..

طفل لكن كان بارع ..

مات ابوه وجا مكانه ...

يمسح أطراف القوايل عن جبينه ..

يبعد الشمس ويطاردها بيدينه..

طفل أحزانه معالم..

طيب وسمح ومسالم..

يمشي ويطوح بصوته ..

يبغى قوت أمه وقوته ..

المحارم....المحارم....المحارم ..

المحارم....المحارم....المحارم ..

ولا أقبل الليل ..ورحل وجه النهار ..

راح لامه مثل الأطفال الصغار ..

وأرتمى في ...حظنها ..

أرتمى في....جفنها ..

أرتمى في....حزنها..

وقامت امه تبكي لضيعة سنينه ..

وصاح...يمه

ليه ياعمري حزينه؟ ..

دمعتك يالغاليه والله ثمينه ..

تحسبين أني حزين؟ ..

لا..وراسك ما ألين ..

من لقى هذا الحنين ..

ينسى حزنه..

ينسى همه...

ينسى حتى العمر كله..

دامك أنتي تحترينه..

وفي صباح من صباحات الضياع ..

الحزن قدر يقول له الوداع ..

نادت أمه...ماسمع ..

صاحت أمه...مانفع ..

طاحت أمه...مارجع ..

الصغير اللي ملى الدنيا صراع...

مات ....من كثر الوجع


فهد المساعد

غربة أعياد

يا رجفتي.. والبرد يبغى له بلاد


يا غربتي.. والعيد طعمه بلا روح
اليوم عيد.. وليلة البارح سهاد


ماعدت ذاك الطفل .. ابو ضحك ومزوح
كن السهر .. ياخذ من عيوني رقاد


وكن القلق .. ياخذ من لساني البوح
امشي.. وأحسّ الناس من حولي أجساد


وأغيب في صمتي .. وأشارف على النوح
أهيم في صدفه على غير ميعاد


من كثر ياسي قلت للوقت مسموح
ما ادري اتوه.. او اهتدي.. بس الوكاد


منفاي ما ادري موطني..حذفة جروح
غريب.. تايه.. وان لفى صوت نشّاد


قلت: ايه هذي غربة أعيادي تلوح
اكذب واسمّي غربتي غربة أعياد


لكن عسى اللّه يرحم الحال والروح ..
دام الجسد في بلاد والقلب في بلاد


والله ل احصّل غربتي وين ما اروح

فهد المساعد

التفاصيل الصغيرة

ازعل عليك احيان
وأزعل على نفسي قبل ماأزعل عليك
وأرضى عليك احيان
وأرضى على الدنيا وانا راضي عليك
وأنت عمرك
مازعلت .. وماعتبت ... ومارضيت
أزعل علي لو كذب
أعتب علي لو كذب
هذي التفاصيل الصغيره
اللي تخلينا نحب
ماأحب انا ازعل عليك
ازعل انا لأني احب
***
ياأدفى من حروف الشعر
ياأرق من حلم السنين
إذا تركتك تنتظر
حسسني إن انتا حزين
مابي تقول مسامحك
قل: ماأبيك
وإذا رجعت اصالحك
أبعد يديك
أنا انجرح قبل اجرحك
وأبكي عليك
لكن أبي مره تحس
وشلون أنا أمووت فيك
هي التفاصيل الصغيره
اللي تخلينا نحب
ماأحب أنا أقسى عليك
أقسى أنا لأني أحب
***
أدري فيك تموت فيني
وأنا ميت من برودك
لي متى وانتا تبيني
وماتحسسني بوجودك
ايه ... حسسني بوجودك
لمّ صوتي
بعثر حكاية سكوتي
لاتخلي الحب يفقد همسك العذب ويمووت
قل احبك ..
قل احبك بأعلى صوت
انا مليت السكوت
***
ياإبتسامة قلبي ولهفة حنينه
ياشقاه وياحنانه
يابعد كل المسافات الحزينه
معك امانه
الدروب اللي مشينا .. لاتضيع ونغترب
بالتفاصيل الصغيره
نقدر نعيش ونحب
فهد المساعد

التفاصيل الصغيرة

ازعل عليك احيان
وأزعل على نفسي قبل ماأزعل عليك
وأرضى عليك احيان
وأرضى على الدنيا وانا راضي عليك
وأنت عمرك
مازعلت .. وماعتبت ... ومارضيت
أزعل علي لو كذب
أعتب علي لو كذب
هذي التفاصيل الصغيره
اللي تخلينا نحب
ماأحب انا ازعل عليك
ازعل انا لأني احب
***
ياأدفى من حروف الشعر
ياأرق من حلم السنين
إذا تركتك تنتظر
حسسني إن انتا حزين
مابي تقول مسامحك
قل: ماأبيك
وإذا رجعت اصالحك
أبعد يديك
أنا انجرح قبل اجرحك
وأبكي عليك
لكن أبي مره تحس
وشلون أنا أمووت فيك
هي التفاصيل الصغيره
اللي تخلينا نحب
ماأحب أنا أقسى عليك
أقسى أنا لأني أحب
***
أدري فيك تموت فيني
وأنا ميت من برودك
لي متى وانتا تبيني
وماتحسسني بوجودك
ايه ... حسسني بوجودك
لمّ صوتي
بعثر حكاية سكوتي
لاتخلي الحب يفقد همسك العذب ويمووت
قل احبك ..
قل احبك بأعلى صوت
انا مليت السكوت
***
ياإبتسامة قلبي ولهفة حنينه
ياشقاه وياحنانه
يابعد كل المسافات الحزينه
معك امانه
الدروب اللي مشينا .. لاتضيع ونغترب
بالتفاصيل الصغيره
نقدر نعيش ونحب
فهد المساعد

دمعة ملك


ياسيدي والقلب له صوت مسموع


الياتكلم .. ينصت الكون كله
وقلوبنا يمكن لها ثالث أسبوع


مافارقتها صورتك في المجله
يوم أنها طاحت من عيونك دموع


لعيون طفل ٍ فارق عيون خلّه
طفل الشهيد اللي على أبوه مفجوع


ألين شافك ياضماده وظله
ثم أنفجر من صوته الغظ ينبوع


وغنّى وطنّا كلنا فدوة ٍ له
قمت وحضنته كن ماحولك جموع


قاسمت حتى الطفل دمع ٍ يهله
يابو اليتامى كلنا سمع ٍ وطوع


فك غمرنا يالحبيب موله
ودمعاتك اللي هزّت ضلوع وضلوع


أكبر دليل أن المحبه من الله
يانبضنا اللي كم هدى ب أسمه الروع


ادربنا اللي نهتديه وندله
ياتاجنا اللي يودع الراس مرفوع


لغزنا اللي خفقة القلب حله
نهيم فيك هيام ونجوع لك جوع


ياأصدق سبب لوجيهنا المسفهله
حبك هنا بين المعاليق مزروع


تسقيه غيمة عطفك المستهله
ربي يديمك ياذرى كل مفزوع


ربي يعينك يابو الشعب كله
أقولها والقلب له صوت مسموع


طلق حجاجك يالسنافي وفلّه
لك في يدين أطفالك ورود وشموع


في قلوبهم لك غيمة ٍ مستتقله
ولك من زنود عيالك سيوف ودروع


الكل منهم ودّه أنك تسلّه
آمر يابو متعب لك السمع والطوع


لوودك نجيب البحر من محله
ماهو كثير أن قلت يفدونك جموع


ياالله عسانا من فداياك لله
اللي طفل من شعبه أصخى له دموع


ارواح شعبه كلها فدوة ٍ له

فهد المساعد

حكاية المينا


اضمن لي ان البحر ما فيه حوريّه


وأضمن لك انه يكون حكاية المينا
اللّه يرحم جدارٍ كان له فيّه


وكانت تسمّي علينا كل ما جينا
نرمي تعبنا عليها كل عصريّه


نتبع قدرنا وتتبعنا خطاوينا
انا.. وذاك.. وهذاك .. وكانت بنيّه..


تطّلّ من جرحها .. وتبشّرّه فينا
كل ما استلان الزمان احدٍ.. بكت هيّه


وكل ما استهان المكان احدٍ.. تباكينا
وفي يوم كان الدفا صوت الشماليه


نادت: حبيبي.. وجينا نرفع ايدينا
خلّت يديهم وجتني وانكسر فيّه


صوت ..وصدى صوت: تكفى لا تخلينا
رجعت المّ الشتات وضاعت يديّه


كل ما جمعته تبعثّر تحت اسامينا
ورحنا نعدّي .. وكلٍ عبرته حيّه


حتى الزوايا بكتنا يوم عدّينا
انا وذاك وهذاك.. وكانت بنيّه


وقبل نتفارق كتبت اللي يعزينا:
اضمن لي ان البحر ما فيه حوريّه


واضمن لك انه يظل حكاية المينا

فهد المساعد