اخترنا لكم

‏اضحك ومن شاف الضحك قال مرتاح
وامـرح ومــن شاف المـرح قال سالي

مايدري انـي ضحكتي ضحكت اجراح
ومايدري ان المـــزح من ضيق حالي

يااهل العيـون الحاسده وضعنا طاح
ماعاد بقـــــــي للراحــه ايت مجالي

الوضع حطــم داخلــــي كل الافراح
والياس حطــــــم داخلـــي مابقالي

.....

‏أخفي همومي وسـط قلبي ولا انهار
واجامــل العالـم بضحكـة شفاتي

وادعس على حزني ولوصار ماصار
ولا خلـي الحُسـاد تعـــرف شتاتي

هذا انا الصامـد على ضيق الاقدار
صامــل ومعلـن فـي حياتي ثباتي

وصابــر على الدنيا وما ربي اختار
وعايش ولوضاقت بوجهي حياتي

.....

‏اهديـك مني ســلام الشــــوق لعيونك
واهديك كامل مشاعــر داخلي تحتاش

ياام العيــون الكحيله صرت مجنونك
ويشهـــد الله مانا في الهــواء غشاش

اسمــع كلامـــــي وقلبها على هونك
ترى حياتــــي لعينك يا الغلا تفداش

صعب اكتفي العيش ياكل الغلادونك
لولاك لولاك قلبي في الهواء ماعاش

.....

‏يا ويــل قلبي منّـــك لاحــل طاريك
نفسي وهــي نفسي تشــك بغلاها

أنسى اسامي الناس واغلط واناديك
قلبي معــك كـل الاسامـــي نساها

ياساكـن اعماقــي انا ميت ن فيك
ومشاعــري بالقلــب حُبك خذاها

وقلبي مولَـع بك وهايـــم بطاريك
وروحي تحبـك حُــب لآخـر مداها

.....

‏لاحــد يلوم القلــب لو جاله الضيق
لان السعــاده بيــن الايــام شاحت

مـات الفـرح فينا مـــع كل تشويق
وافراحنا فـي العمــر ولت وراحت

قهر الزمن والحال نشف لنا الريق
وهموم ياسه للقلــوب استباحت

واحلامنـــا ماتـت بـــلا اي تحقيق
وحظوظنامن جور الاوجاع طاحت

.....

‏إن كنت لي مشتاق شوقي لك اضعاف
وشوقي ضعـف شوقـك بعشرين مره

ياليت كان الشـــوق بالعيـــن ينشاف
كانك عرفت بكبــــر شوقـــي وقدره

ياخل شوقي لك قسـم ماله اوصاف
من غيبتــك قلبـــي تعــــذب بقهره

راعي شعـــورك لو مــن الله بتخاف
وارحم معـذب عاش دونك بحسره

.....

‏يوم الخميـس الخـل للخــل يشتاق
والقلــــب يتمنـى يعانـــــق حبيبه

ليلة عمـــر فيهــا الوله دوم خفاق
وعلى المفــارق كل لحظه صعيبه

ياحب ياالي مسكنك بين الاعماق
قلبــي مــن الاشـــواق ناره لهيبه

نفســـي بليله كلها ضــم واعناق
انسى بها كـــل الهمــــوم الكئيبه

.....

‏ليتك معـــي تسمع كلام اخر الليل
وتحس بي واشلون وضعي بدونك

حالي ترى من غيبتك هده الحيل
والعيـــن تتمنـى تناظـــر عيونك

اسهـر على ذكـراك ويجيني الويل
والنار في صــدري تــردد لحونك

وضعي صراحـه مايبي اي تأجيل
ارجوك ما تسـوى حياتي بدونك

.....

‏فديت عينـــك لو تبي العيــن خذها
وخذ النظـر مادمت في الروح غالي

واشلـــون اغليها وحبـــــك سكنها
وانت الوحيـد اللي سكن في خيالي

لا تسألونــــي يا هــل العشق عنها
ضاع الجواب وضاع معها السؤالي

اخفيــــــت طاريهـا وقلبـي علنها
وقال اعشقـك يابعد حالـي ومالي

.....

‏لعيـــون حســادي تبسمــت للضـيق
مافيــه أحــد يقــــدر يعكـــر مزاجي

اضحـك مع اعدائي ولو نشفت الريق
وامرح ولو جــــوي غشـاه العجاجي

طبعي اكابـر واقلــب الضيــق ترويق
واعيـش حظـــي في فـرح وابتهاجي

واحرق قلـوب اللي بهم حقد تحريق
واغيـــض كل اللي يريــــد انزعاجي

.....