اخترنا لكم شعر نبطي وفصيح

عمرك الـفايت ترى مالـه عـوض
‏والحــيـاة أيـام والــدنــيا تــدور

‏وكل ماضاقت على صدرك توض
‏الصـلاة عـلاج ضيقـات الصـدور

👍

تجارب الايام في اقبال واقفاي
‏عرفت منهـــا عقب ما غربلتني

‏ما به يمين تعــزني مثل يمناي
‏ولافيه متن يشيل لي مثل متني

.....

شرع الباب وتعود على نطح الضيوف
‏وان سمعت اللـــي ينادي تحزم للندا

‏لا تقول الوقت شين وتعذر بالظروف
‏الكريم معان والطيب اخير من الردى

‏البعير يبين صبره ليا طــــال الوقوف
‏والحصان يبين عزمه ليا طــال المدا

.....

ماتدري انك داخلي وين ماروح
‏تجري مع دمي بداخل وريدي

‏ماهمني غيرك ولعيونك ابوح
‏تعال ياروحي وغنوة قصيدي

.....

‏تعال رتب طلة الصبح بيدك
‏ابيك ترسم لي بداية شروقي

‏ابي صباح الخير تشرق بعينك
‏وابيك تروي في حضورك عروقي

.....

‏كل ماهل الصبح جيت على بالي
‏وقول ياعسى ربي يصبحك بالخير

‏وكل ماكتبت اذكرك يالغالي
‏وقول صباحك عندي يفرق عن الغير

.....

‏والله أن نفسي عزيّزه وكبدي كبد طير
‏مستحيل أرجع لحاجه وأنا قد عفتها

.....

‏لاترمي المزحه على كل جالس
‏ترى نفوس الناس ماهي سويه

‏احفظ لسانك لا دخلت المجالس
‏ماكل من قابلت تصبح خويه

.....

‏تخيرتك محبه ماتخيرتك ألم وأوجاع
‏أشوفك ديرةٍ ضمت مداي وشي من روحي

.....

‏يشتاق لك قلب العنا وين ماراح
‏يالي غلاك اقرب من الروح للروح

‏لاتحسبنك بالهوى طيف سواح
‏يحوم حول القلب لحظات ويروح

‏لا والذي خلاك للقلب طبيب جراح
‏انك معي يا كل الغلا وين ماروح

.....