اخترنا لكم شعر نبطي وفصيح

‏لو طلبت الروح خذ روحــي هديه
وان طلبت القلب خذ قلبي فداك

انت اغلا مـن معـــي بين البريه
مامعــي مخلوق يتساهل غلاك

قلتها لك والقسـم من طيب نيه
من شعور انسان ميت في هواك

ولو تحب اكتب على هذا وصيه
مستعد اوصـي لهم كلي فداك

.....

كل دقّة في وريدي تناديــه
والحشا من دون وصلك ما سلاك

يا غرامٍ ساكنٍ في مهجتيــه
يا أمل عمري وعِزّي في رضاك

لو غدت دنياي ضدّي ما أذريه
دامني حيٍ على العهد معاك

إن رضيت العمر كلّه أهديــه
وإن غضبت الموت يحلا في فداك

.....

غــابــت عــن عيوني وجـيـه الـمـحـبـين
ومآ غـاب ذكـراهــم مـن الـقـلـب والروح

لـو يـعـلـمـوا يـاصــدورنا كــم تـخـبــيـن
مــــن الألــم والــحــزن والـهــم والــبـوح

عـقـب الـوصـال الـلـي فـرحنـا بـسـنـيـن
جـانـا الفـراق وخلّـف الجـرح مجروح

يا صاحبي والشوق فينا يعـزف حنين
ما ينطفي لولا يزول العمر والروح

كـم ليـلـةٍ عيـني تـرجّـت غـفـا ويـن
والـدمـع يـسقـي خـدّ يـنـوح مـن بوح

لكن يظلّ الود فينا وفـا بيـن
مـهما نغـيـب البـعـد ما يقطـع الـروح

.....

يا قلة الحيله ويا سؤ الاوضاع
ويا الظروف القاسيات إعذرينا

مانشكي إلا من عيا الوقت واوجاع
خلت ملوك المال تضحك علينا

أنا لسان الحال والحال ماطاع
يفهم مطالبنا وينظر إلينا

أنا وكم يا ناس ما ودنا اطماع
لاقد معانا قوت يوم أكتفينا

وكم ناس يرمونا بحربه ومقلاع
وان اشتكينا مايحسون فينا

بالمال صارو فوق وإحنا في القاع
هم ينعمو بالعيش واحنا أنتهينا

د. أحمد العميسي

أصدَق من الشكّ اليقين التام
‏ياللّي صدى اسمك علّك وليتك

‏قد قلت لك ماللظّروف احكام
‏وقلت لك ضعتك ودلّيتك

‏مدري من اللّايم من المنلام
‏لكنّي ادري انّي تعديتك

‏خلّيت لي صورة وخمس اعوام
‏وخلّيت لك قلبي وخلّيتك

.....