اخترنا لكم شعر نبطي وفصيح

‏ياكثر ماقلنا استرحنا ولافـاد
واشغـالنا واعمـالـنـا مشغلتنا

نجاهد الدنيا وصكاتها جهـاد
وظروفنا عـن بعضنـا مانعتنا

دنياً غثاها طول الايام يزداد
نركـض ورى لـذّاتهـا واتعبتنا

اليا قِربنا احلامنا راحت بعاد
واليا وصلنـا احلامنـا بعّدتنـا


شريف العضياني

‏عرف النشاما لنشاما تجاره
أهل الفعائل والمزايا الحميده

وانا كسبت اللي رفيعٍ وقاره
اللي يسولف عن قديمه جديده

الطيّب اللي مايغيّر مساره
اللي بحزات المواقف واليده

ماهي علوم اللي حياته خساره
اللي يخاف الطيب ينقص رصيده

ابوسلطان

حنا كذا صافين دايم و وافين
ما عندنا في الناس نية خباثه

الطيب والمعروف والصدق والدين
والجود والأخلاق فينا وراثه

اصحابنا سبعين مدري ثمانين
والصادقين اثـنين مدري ثلاثه

فهد العبدلي

‏والله إن الظرف يعطيك درسٍ بالحياه
والحياه دروس والناس تجهل ماخفا

الخـوي الكفو وافي وعالـي مسـتواه
أشـهد إنـه عملـةٍ نادره يااهـل الوفـا

يوم أبو وجهـيـن بـيّـن وشـفنا ماوراه
عدّ نفسه وين راسه وبالظرف إختفا

‎الصريح

‏حدد مسارك واترك الناس للناس
ورفع طموحك فوق ظهر المجره

دور على اللي خوته ترفع الراس
اللي على المجد المسمى مقره

ابغاك مثل الذيب قطاع الارماس
يسري ولا يمشي على كل جره

.....

‌‎يارب ترحم كل غالي فقدناه
واصبح مكانه في الحشا خالي

الله عسى ياخذ كتابه بيمناه
ويفوز با الفردوس في منزل عالي

.....

يارب هذا وقت طـير الأبابيل
اللي من السِجِّيل ترمي حجرها

اخواننا بغـزة شافوا البهاذيل
والكلب نتن ياهو يكسر ظهرها

اللهُم انصرهم

استغفر الله كل ماضاق صدرك
واستغفره حتى ولو كنت مرتاح

خلك معه مابين عسرك ويسرك
بيديه مفتاح السعادة والأرباح

سبحانه

يا ربّ أنا عبدك المستضعف المذنب
اغفر لعبدك ذنوبه واستر عيوبه

ما منْك ملجأ ولا منجا ولا مهرب
جنّبني شر الفتن وارزقني التوبة

آمين

‏يحلّها اللي فوق سبع السماوات
‏لا من عجز عن حلّها اللي تـحتها

سبحانه