ديوان قصائد لشعراء المملكة العربية السعودية (متجدد)☘️☘️

البيوت العصم .. سعد بن جدلان

زاومني الهاجوس ملعون أبو الأهل
يقول البيوت العصم وإياك و إياها
لا عيّنت كلمة قلت يضرب بها المثل
لقينا وراها كلمة كّنها إياها
ما تنجح مدارس فلسفة علم في جهل
والعربان ما كلٍ يقدر يكسب رضاها
يحاول قدر الإمكان يعني على الأقل
يدخل في مفاهيم العرب يكسب اصغاها

لمزاين .. سعد بن جدلان

ايا اهل المزاين في خيار البعارين
فزتوا بزين الشعل والوضح والسود
ما شفتوا الحمر الجراما المزايين
اللي حصايرهن كما السدو ممدود
كنها من الشيراز تعطي تلاوين
حمرا يديهن بيض وخشومهن سود
خفافهن ما شذبتها الضلاعين
سفرت مضيف ثليم في مصمك العود
لا درهمت كنها تحذف بطاطين
ولا تهزع في حريرا و ماهود
طول اللحي فيهن وكبر العرانيين
خلت عليهن في جهام البدو زود
في الورد ما يشرب من الحوض ثنتين
ما هيب تنقر حوضها نقر مفرود
ترخي سيوف لحيها والجرانيين
اللي بعدها تحسب الحوض مسدود
ويرفع لها خوفا عليها من العين
من كثرة المقطان لا صرّم العود
وان ثوروهن والخطاطير مشفين
وان ثوروهن والخطاطير مشفين
احدِ من ادني الذود يملي المواعين
واحدِ يلّيم في القدح قطة …
وان كان وينها واهلها وين
اخذوا كلامِ بين الاقطار ماكود
عند اهل سمحات الوجيه المسمين
تروي القنا من دونها دم وكبود
عشيها بين الظنط والسباعين
ومسفارها قرمل كمامين برود

تابع

موضوع قيم
بارك الله فيك ياغاليه
جزاك الله خيرا
ولاعدمنا حضوركم المميز

الغاليه ريحانة شمران
أشكرك جزيل الشكر
على اختيارك هذا الشاعر العلم

قصائده جميعها جميله ومحببه للناس
تقبلي مروري المتواضع وتقديري

لا إله إلا القدير المعطي الوهابي
ا لخضوع لسلطنته وكبرياه ونوفه

كل ما تحته على وجه التراب .. ترابي
المعزه والمذله من رجاه وخوفه

تب علي وأنت الودود الغافر التوابي
وأحمني من كل زلّه منطقٍ مزهوفه

في السوالف والقصايد سلبي وإيجابي
وفي ردود أفعالها محموده ومأسوفه

والطبايع في الأوادم للحياة أغرابي
والتصادم في مفاهيم العرب مسلوفه

في طرفها المرء لا يسعد ولا يرتابي
والمنافع والضررعفويه ومهدوفه

يعني ما تحكم على الصادق من الكذابي
من عدم صدق النوى والغاية المكشوفة

أحداً ما يدخل الحسبان بأي حسابي
وأحدٍ يؤخذ كلامه وصفةٍ موصوفه

والسهوله للنفوس أقرب من الصعّابي
والطبيعية مداها أبعد من المزيوفه

طارق أبواب العرب تفتح عليه أبوابي
من فتح باب الضيافة يكثرون ضيوفه

وفالنفوس اللي لا تشبع بي ولا تروا بي
ليل هقواتي طويل وشمسها مكسوفه

كل ما ضنيت ضناً في كنفها غابي
عندها أوهامي ضحاياها ضحايا الكوفه

أحسن أجيها زهابي في ظهور اركابي
لا تكلفني وهي عنّي ماهي مكلوفه

لأجل ما يسبب قلق فكري وحرق أعصابي
وإنشغالي من قويين الدهر وضعوفه

والوفاء والصدق للصدّيق والخطابي
والظفر لإبن الوليد بعزوته وسيوفه

والجناب اللي وداده جهر ماهو غابي
تصلح ضروف الدهر والا تشين ضروفه

من وجودي يسفهّل .. وينشغل بغيابي
كل منّا غايته مع صاحبه معروفه

فيه بسطي الأحمديه امتداد إرحابي
والطموح الماجدي والفطرة المألوفه

الإنبساط والإنسجام وقمّة الإعجابي
والله أن كنّه يقدمها علي بكفوفه

تكثر أصحابي علي والا تقل أصحابي
المهم مانيب مرتاح لين أشوفه

الشاعر متنبي عصره .. سعد بن جدلان رحمه الله

نسيم الليل
الحمدان
شكرا على اطلالتكم
ومنورين صفحتي المتواضعة
لاعدمنا حضوركم المميز يالغالي


تابع


الأزمات .. سعد بن جدلان

الشدايد يا جميله بالازمات اختبار
ينعرف فيها الظلال الطويل من القصير
كل ما اذكر حالتك بين غار وبين نار
راحت الدنيا بعيني عبوسٍ قمطرير
تحسبٍ إن حبك محاه التشدد والحصار
التشدد فالمحبه هو الشر الشرير
شغلهم ضدي وضدك يعمّر لك وقار
في ضميرٍ ما سكن فيه قدامك عشير
زارعٍ لك بخشةٍ من الزرار إلى الزرار
نبتها بالمسك والعود الازرق والعبير
شد حيلك لا يصيبك فشل والا انهيار
لا تصغّر قيمتك وانت في عيني كبير
لذة صبّار الهوى مثل لذة الانتصار
لا تصدّق من يقول الحسد مافيه خير
لا تغيرب ما جرى من قنا مثلك يغار
كل شيٍ ينشفا فيه ميصاله عسير
الذهب دونه حراسه وبيبانٍ اكبار
والدرر من دونها هيبة البحر الغزير
غير لا تيّس وتكتب على نفسك قرار
يدفعك سوء التصرف إلى باس المصير
لولا شحّي فيك جيتك اجهار من النهار
غير ما يصلح مقامٍ بلا رايٍ بصير
فرصتي ويقت حرارٍ على ماكر حرار
ما يعوّد فالمكان الربيب الا البعير
والله ان آموت ما جاك من عندي بوار
خل في نفسك ثقه والثقه كنز الضمير
والمحبه مدرسة شي ثبوت وشي فرار
وأنت درسي مع أهل الحب الأول والأخير

عبدالعزيز بن تركي .. سعد بن جدلان

في خبة القرو بيتٍ يزمي علوّه
تقول ضلع سراب الصبح يزميبه
كن مقدمه للضيوف يصيح و ينوّه
مثومن تمرح البل بين أطانيبه
بيت دلاله مناحيرٍ على ضوّه
يذعر بها زعفران الهند أبو شيبه
فوقه شذا العود الأزرق كنه النوّه
من جاه منه الهوا يفتح لها جيبه
وصياني من فقار الكوم مملوّه
يفرح بها الضيف لا خاطا معازيبه
و إن قالوا الناس راعي البيت من هوّه
عبدالعزيز الكبير العز و الهيبه
عبد العزيز بن تركي طيب الخوّه
الطيب اللي تطيب الناس من طيبه
من عانده بالمراجل ما وقف توّه
و الله ان يناحيه حتى ينفري جيبه
مكارمه تغري الشعّار بالقوّه
كلٍ على شآنها خلاّ معازيبه

عبدالعزيز بن تركي .. سعد بن جدلان

في خبة القرو بيتٍ يزمي علوّه
تقول ضلع سراب الصبح يزميبه
كن مقدمه للضيوف يصيح و ينوّه
مثومن تمرح البل بين أطانيبه
بيت دلاله مناحيرٍ على ضوّه
يذعر بها زعفران الهند أبو شيبه
فوقه شذا العود الأزرق كنه النوّه
من جاه منه الهوا يفتح لها جيبه
وصياني من فقار الكوم مملوّه
يفرح بها الضيف لا خاطا معازيبه
و إن قالوا الناس راعي البيت من هوّه
عبدالعزيز الكبير العز و الهيبه
عبد العزيز بن تركي طيب الخوّه
الطيب اللي تطيب الناس من طيبه
من عانده بالمراجل ما وقف توّه
و الله ان يناحيه حتى ينفري جيبه
مكارمه تغري الشعّار بالقوّه
كلٍ على شآنها خلاّ معازيبه

زيارة .. سعد بن جدلان


جات قُدم الليل والصبح سابقها
نوّها الصافي حجب شمسها عنّا
احسب انها حالة الشمس مشرقها
لين شفت الشمس منّا وهي منّا
كن برّاق السمر في معنقها
او هلال النصف فالبيض لا ثّنا
ودّي انها قد عطتني حقايقها
والله ان ارفع بها صوت من غنّا
انكسر وجه السما في عشارقها
تكسر الشمس المويقه وتكسرنا
الشعر يوم التوى فوق عاتقها
راحن الله يرحم امه ولا جنّا
قمت تال الليل اصلي لخالقها
والصباح انخى هل الهيل والبنّا
عن بنات الكون سبحان فارقها
شوفة ٍ ما هيب شك ٍ ولا ضنّا

البيعة .. سعد بن جدلان

ربّاه جل جلالك لا شريك لك ولا لك في سماك أخشرا
لا يؤمر بما نهيت ولا حد ٍ ينها بما تآمره
عسى رجانا بعروتك الوثيقة يا وثيق العرا
يا قادر قدرتك تقدر على اللي ما حد ٍ يقْدره
تمدّنا الصبر و السلوان في فقدة حبيب البرا
نطلب له الله جليل الملك و الرضوان و المغْفره
في فهد الاسلام مصباح المدينة كوكب أم القرا
المرشد اللي تسامى دعوة الاسلام من منْبره
شخصيته ما نقلها من وطت رجليه فوق الثرا
من عّربته الأكابر بالمناسب و أرضعته المَره
بعض الأكابر يجي عنده و لا بيهرج ما اجترا
من هيبة النظرة اللي لا خبطْه بها تقص أظهره
من هيبته نزحم صفوف الأكابر في بشوت أمورا
و نسيد بسيادته لو كان ما معنا يكود أصوره
أحّاه ليته يرد الموت ولا العافية تنشرا
والله ان نسوق الضحايا في ثمنها حدّنا نقْدره
لو المقابر ترد الميت حي ليا لفوها الورا
والله ان تجي من قطاع الارض وتخّيم على المقبرة
و الحمد لله خلفنا في سلفنا سيفنا الابترا
القائد الامثل اللي من رموز العز و المفخره
بقيادة الاخطل اللي يرجا خيره و بطشه لا غضب يندرا
الهيلع اللي جميع اللي يعرفه بالجميل اغمره
مكارمه ما يدونها عقول مفكره و شعرا
مرئي و مسموع و مدون وشيء ما قدرت اذكره
مليكنا خادم البيتين عبدالله لا رد البرا
غيث الهلاكا كما غيث يغيث الديره المدهره
يا سيدي جيتلك باسم أكلب الهيلا وهذه صفحه تنقرا
شاعر و ياجب على الشاعر ينوب احيان عن معْشره
بيعة ولاء أكلبية كنّها شمس النهار أجهرا
حرب ٍ لمن حارب الاسلام و انصار لمن ينصره
عبدالله الوامر الناهي و حنا ما خذينا في ولاه اشورا
معاهدينه على المصحف و نمشي بالعلم في ثره
يا طيب القلب يا الاب الحنون ياغناة افقرا
يزهاك عرش الملوكيه و تزهى مركز السيطره
ثقتك في نفسك الشّما الطموح تحق لك ما ترا
حتى عدوك شمله العفو من عندك على المقدره
الليث ماهوب يخشى من حيالات الثعل الازهرا
الزندقه و المحابا ما تغير من شعرك أشعره
و الحمد لله ولي العهد ابو خالد وكل عن فعوله درا
هداج تيما شبوره كم غريق في البحر تظهره
سلطان خير العرب جوده كما دجلة ونهر الفرا
غيث اليا امطر على دار يجي الاخرى هداب أمطره
له هيبة ما خذتها سلطنة كسرى ولا قيصرا
كم ديرة مالها عمران من جوداته أمعمّره
من دوحة اسيادنا اللي يلقى فيها ظلال و ذرا
العنبر يهيج ريحه من مكاسر شجرة العنبره
اخوان نوره هل العوجا مخابيط الكفر في المرا
العَظم لا امرهم الله يكسرونه ما حدٍ جبرّه