اخترنا لكم شعر نبطي وفصيح

‏ما معي غير روحٍ ما تعرف الخضوع
‏خايف اسخي بها لـرضاك وتهينها

.....

‏من نزاهتها غلاها نزيِّه من الذنوب
‏جعلني يوم أرتكبها ما عاد أتوبها

‏ما دريت إن لعبة الثقل جازت للعوب
‏لين مكّنت اسهم الهجر بين جنوبها

‏تدري إني صلف وأتوب اللي ما يتوّب
‏خل ينفعها دلعها وثقل اسلوبها

.....

‏نـاسٍ على زلـة الاجــواد ستاره
‏لـو تنشد الـناس عنهـا ما تبينها
‏َ
‏ونـاسٍ على زلـة الاجـواد عـياره
‏تحب يدري بها اللي ما درى عنها

.....

‏تدري وش الي مسبب عندي الإكتئاب
‏والي مضيق على صدري وصدري رحيب

‏أنا أكثر أنسان فالدنيا يذم الغياب
‏وأنت أكثر انسان فالدنيا عرفته يغيب

.....

‏عز الله اني عشقتك عشق متهور
‏اخذني الطيش وانساني عواقبها

‏علاقة" من سببها طحت متعور
‏الله على اخطاي نفسي لا يعاقبها

‏اعطيتني شيك حبك واثره مزور
‏ما هي بكيفك على شرواي تلعبها

.....

‏رز خشمك وعرض خشتك للهبوب
‏لا تهاون وينقص عندك الاكسجين

‏انت قررت تبعد وانت منت مغصوب
‏والعزايم بعدها كل قاسي يلين

.....

‏غنّيت انا ويّاه وشـلـون ما اغليك
‏وغنّا عـلـى عـودي وغنّيت عوده

‏يا اللي تـنـاديـنـي وانا اقول لبيك
‏لبيك يا اللي ذابـحتني سدوده

‏يا صاحبي والـدار فـيـهــا مماليك
‏وانت المليك اللي يـوجّـه جنوده

‏ما ني مضيّع وسط عيني هقاويك
‏ولا انتي من اللي يخلفون بوعوده

.....

نِعمَ الأنيسُ إذا خلوتَ كتَابُ
تَلهو به إن خانَكَ الأحبابُ

لا مُفشِياً سرّا إذا استودعتَهُ
وتُفاد منهُ حكمةٌ وصَوَابُ

ابن عبد ربه

ارضي على غيري غدت ياخي حكر
وانا بوسط ارضي ولالي منفعة

ماني بسكرانٍ وفي حالة سكر
لكنّي السكران بأمٍ تصفعه

ياليتني عبدالمجيد ابن تكر
والعب بمليونين والّا بأربعه

ان جات قول الحمد لله والشكر
وان كان ماجت قول فأمر الله سعة

عبدالمجيد الزهراني

يا غاليه طالت المدّه وزاد الحنين
‏إيلين صدري من شعور الحنين أمتلا

‏ما يذبح العاشقين ويجرح العاشقين
‏إلا الجفى كل ما خاب الأمل وأنجلا

‏تعالي وعوّضيني عن جفى الغايبين
‏من صوتك العذب يكفيني لا قلتي هلا

‏أنتي حضورك بعد غيبه حضور اليقين
‏ وأنتي جمالك .. على كل الجمال أعتلا

‏نظرة عيونك عذاب قلوب .. ل المُتقين
‏من يقدر ؟ يقاوم عيونك " يا ريم الفلا"

‏من شاف وجهك من الغرّه ليا الوجنتين
‏طبيعي يقول هذا الوجه " مــصدر حلا"

‏تــمشين و الناس حولك من يسار و يمين
‏هذا " الــشموخ " الحقيقي يستحق الولا

‏رغــم إزدياد الجمال إللي مــع العالمين
‏جــمالك إللي تــصدّر في .. حديث الملا

‏كل الأحــاديث عن زينك .. بتبقى سنين
‏مثل الــرسوم القديمه في ( جبال العلا )

‏على كثر ما عرفت من العباد آجمعين
‏مافيه من بعدك إللي .. يــستحق الغلا

.....