اخترنا لكم شعر نبطي وفصيح

بسجل اوجودي وانا احب الابداع
‏واعسف حروف القاف غصبٍ وطوعي

‏عسفتها يوم الهواجيس تلتاع
‏وبنات فكري بالحناجر تلوعي

‏بسوق المحبه فيه شاري وبياع
‏ومن البشر من كل جنسن ونوعي

‏وسهم حبه راكزه بين الاضلاع
‏وسهام غيره بالمحبه وقوعي

‏غرونٍ لعوبن مالك الحسن بجماع
‏ويتل قلبّن بالموالف منوعي

‏ابيض نحر والعين من شافها ضاع
‏حلو الردوف مجّوع الخصر جوعي

‏زينّه طبيعي ماتنصنع تصنّاع
‏وانا على ما قدر الله قنوعي

‏ماني مثل بعض الرياجيل تبّاع
‏لو اكثر العربان صارو تبوعي

‏للنفس غايه وللمراقيب طلاع
‏وللبشر ربٍ رحيمٍ شفوعي

.....

‏ليـت بالي مثل ليل الشتاء دايم طويل
‏لو يمـره طـاريٍ شــين مـن طـوله نسى

.....

أخترت روُحي في زحام العِلاقات
‏وقوُيت مع روُحي تفاصيل روُحي

‏لا أحاتي الآتي ولا اندم على الفات
‏أتبع خرايط رسم ربي بـلوُحي

‏الوُجه واحد ما اختلف بالتلفات
‏يشبه بصّدقه واعتباره وضوُحي

‏ما عاد يغريني جمَال البدايات
‏انا النهِايات الجمَيله طموُحي

.....

‏كل شي لعزة النفس نعتبره يهون
‏يقطع الله حاجةٍ للهوان تجرها

.....

‏يَ لبيب القلب سجل سيره وملحوظه
‏طبعنا من ديننا اللي بـ القيم ، حاجرنا

‏النفوس الطـيبه في قربنا محظوظه
‏والنفوس المبغضـه من طيبنا تزجرنا

.....

تمر طيوفك العذبه , وتحييّ ضحكة محياي
‏عسى شوقك يجيبك لين يوقف بك على بابي

‏حبيبي كان ما جابك , بعد طول الغياب غناي
‏لا يمكن غيرك مْن الناس يقدر يكسب اعجابي

‏على شان الغلا والحب جيتك تاركٍ مشهاي
‏عن الزلات وجروح المحبه , صرت متغابي

‏سعيت ولا لقيت الا التعب والحزن في مسعاي
‏ما ضاق الكون عقبك بس ضاقت عقبك ثيابي

‏لا تحسب كل كلمه من زعل بتحدني لـ اقصاي
‏اعرف ان قلبك ابيض مثل وجهك يا اول احبابي

‏اشوفك فـ الليال السود نورٍ يوصل لـ رجواي
‏واعدك وسعة الخاطر , لا منها ضاقت رحابي

‏ترا صوتك ونظره من عيونك تستعيد رضاي
‏لا تشره كل ما شفت السكوت يطوق اعتابي

‏ترا طرد المقفي ماهو بـ سلمي ولا مبداي
‏ما يقدر دافع الحب الحقيقي يلغي ادابي

‏انا يمكن اغيب وغيبتي ماهي بـ شهر و جاي
‏لا غاب الوصل والحب الحقيقي طول غيابي

.....

‏مساء الخير يا خشفٍ مداهيل الصدر مفلاه
‏مرابيه الخفوق ودوحة ضلوعي – بساتينه

.....

‏سلوم العرب حق الضيافه ثلاث أيام
‏وأنا لي سنه اكرم طيوفك واقلطها

.....

ليا مني لقيتك ضاعو الجلاس
‏وليا منّي فقدتك عاد انا ويني

‏لك الله ماخذلتك وأترك الوسواس
‏احبك وانت فيني .. كل ما فيني

‏على قلبي ، تطمن لا تخاف الناس
‏ عيونك عن عيون الناس تكفيني

.....

‏جنبوني سالفة وين رحت و وين جيت
‏وينك ؟.. من لسان غيره تراها جارحه

‏يا كثر ما أدور أشباه له !.. ولا لقيت
‏بين كل العالم الساريه .. و السارحه

‏أقدر أوزع على الناس حزني بيت : بيت
‏بس ما أقدر بـ إشتياقي .. عليه اصارحه

‏ما هقيت الحول بـ يدور باقي ما نسيت
‏كل يوم يمر ؟.. كن " الفراق البارحه

.....