اخترنا لكم شعر نبطي وفصيح

‏سمعنا كلمة الدنيا فسيحة والدروب وساع
وصبرنا لين صارت في محاجرنا مغز أبره

.....

‏كن بين ضلوعي حيود كسارة
حافها اللي خنجره من تحت كوته

من صدوفٍ تلحق الغارة الغارة
مثل جيش الروم في معركة موتة

.....

سامحونا يالأحباء وأعذرونا
ان حصل منا غلط والا خطيه

وان فقدتونا على الطيب أذكرونا
بدعوةٍ عن ظهر غيب وحسن نيه

.....

لا تستشير بطيب راسك ونخوتك
الطيب ما يحتاج راي ومشوره

سدد وقارب بين شوفك وخطوتك
ترى الردى ماحل وقت الضروره

خالد الصعيري

‏يا شاكي الحال لاتحزن و لاتستضيق
ما دام رزق الـخلايق عنـد خـلاقـهـا

مصيـرها دام لك حبلٍ مـع الله وثيق
تزين لـو تاقـف الـدنيا على سـاقـهـا

مشعل الشطي

تبسم ، تبسم ، جعل يفدونك الحساد
ترا الطيب ليا من ضحك غاض عدوانه

.....

‏من قال لك ان الاقارب عقارب
قل له ترا سيف الملاقا ولد عم

.....

لا جفاك اللي من الناس له عندك مقام
نعمة النسيان جزله وفي الدينا سعة

.....

‏الحب شايب والفراق ابنه العاق
والوصل غايه والقصايد وسيله

اشتاق وادري منت راجع لو اشتاق
غير العوض في الذكريات الجميله

.....

‏اللي خلق في مشاعرنا من البعد خوف
خلق لنا نعمة النسيّان في غيرها

تموت الأحلام دايم في يدين الظروف
وتعيش الآمال وتواصل مشاويرها

في ليلةٍ تاهت الخطوه وطال الوقوف
هي نفسها الليله اللي شرها خيرها

جيت ومعي قلبٍ يحب ويحن ويروف
ورحت ومعي قلبٍ أقسى من معّاذيرها

.....