اخترنا لكم شعر نبطي وفصيح

خوك ذخر أبوك لاتجرح أخوك
وشلون تجرح واحدن فيه دمك

أخوك لامنه تعزوا على ابوك
وشلون أخوك اللي من ابوك وأمك

خل العتب بابه مقفل ومصكوك
إياك تزعل لا أنتحى الصوت يمك

مافيه ورده ماعلى غصنها شوك
أخذ الورود وشوكها لايمك

.....

فكر بحالك وانتبه في خطاياك
حاسب ضميرك لاتمادى بعيبك

الموت ماتقدر ترده اليا جاك
وماقدر المولى لزومٍ يصيبك

خلك على اللي يرفع الراس ممشاك
وتواضعك للناس من زود طيبك

واحذر من التقصير في حق مولاك
وابعد عن اللي فيه شيٍ يعيبك

.....

يالله يالي لك عبادك يصلون
نطلبك سترك والعفو والعافيه

أنت الكريم الي له الناس يدعون
وأنت المجيب الي تجيب الداعيه

عز الله إني من عطاياك مديون
والنفس في روضة نعيمك ساليه

قلبٍ مشى بالذكر ماهوب محزون
لو كان يسكن في الجبال الخاليه

فتى الجوف

ليتك تفاجئنــي بصــــوت اتصالك
عشان اسج من التعب والتعب غير

على الأقل لـــو قلت وشلون حالك
أقول طيب حتى لــــو ماني بخير

.....

الي يلبي يوم ينداء له الصوت
اذا سمعت انداه جيته ملبي

ما فارقه حتي تجي ساعة الموت
وقوم بتجديد الوفاء عند ربي

فتى الجوف

‏نساير الدنيا على كف الاقدار
‏ساعه تسايرنا وساعه عنيده

‏هذا الزمن ماضي وبالفعل دوار
‏وربك يقدرنا على ما يريده
‏
فتى الجوف

ما عاد له داعي تجيني ولا جيك
‏ما دام رحت وخاطرك طاب مني

‏يا صاحبي قلبي ترى اليوم ناسيك
‏خاب الرجا منك وخيبت ظني

‏غدرت قلبٍ كان بالحيل يغليك
‏غرّك كلامي العذب مع صغر سني

‏كنت أحسبك سيفي إذا ضقت أناديك
‏أثر البلا سيفي هو اللي طعني

فتى الجوف

إن كان قلبك بالمودة خفق لي
اصحى تعاملني مثل باقي الناس

مابيك تاخذني على قد عقلي
خذني على قد المشاعر والإحـسـاس

.....

حدّث خَيالك عمّن أنتَ تهواهُ
عسى بطيفٍ من الأحلامِ تَلقاهُ

وأظلّ أرسُمُ بالخيالِ عَوالمي
ما حِيلةُ المضطرِّ غيرُ خَيالِه

.....

ما كُلُّ ضمآن بكأسٍ يرتوي
قد يظمأُ الإنسانُ للإنسانِ

طيبة جليل