اخترنا لكم شعر نبطي وفصيح

إن مزحنا لجل تخفيف الطعون
إبتلشنا بالصدور الضايقه

وإن سكتنا ما مزحنا يزعلون
ما عرفنا كيف نرضي الذايقه

.....

ما عاد هي لحيّة مساري وتذكار
‎يوم اكتشفت ان الليالي سريعه

إليا متى اغطي ذنوبي بالاعذار
‎وإليا متى رد القطيعه قطيعه

نسابق العالم برحله ومشوار
‎ونردد اللي باعك اليوم بيعه

نعيش بالدنيا من ادوار لـ ادوار
‎وما نتّعض الا لاجات الفجيعه

في وقتنا وصل المقّفي من العار
‎نكبر وننسى من حقوق الشريعه

من الطبيعه يقلب الجو بغبار
‎لكن يدوم اغبار وين الطبيعه

لو يستمر الليل من دون الانوار
‎بنسمي ايام السنه باسم ضيعه

ولو يمسك الجاهل مشوره وينشار
‎بتشوف له بين الوجيه الوضيعه

الصيف لو طوّل مع جوه الحار
‎اكيد بيصدّه شتاه وربيعه

واللي لزم نفسه على وقت الاسحار
‎عدّه بعد ربي حفظ له وديعه

.....

اذا زعلك صاحبك واوجعك بعلومه
‏تحمله واطيب افعاله تذكرها

‏انشد مجرب وانا بعطيك معلومه
‏الحر ما يجحد العشره وينكرها

.....

يقولون لا ضاقت عليك الوسيعة غن
وانا اقول لا ضاقت عليك اتجه لله
ٰ
ليا ضاق صدرك ما يداويه شعر وفن
يداويه ذكر اللي بيديه الفرج كله

.....

‏ما مرتني الذكرى القديمه مرور اكرام
أحس بوجعها ينتشر داخل أعماقي

.....

‏عقب انكشف وجه الحقيقه شمنا
يكفي من دروس الخيانه حصه

كنا نحسب ان الزمن ظالمنا
واثر الزمن ماله دخل فالقصه

.....

‏أحبك كثـر ما جـاد السحـاب وهـّل هتـانـه
‏وأحبك كثـر ما بـاح الشعر واستعذبك بوحـه

‏يا أوفى الناس واغلى ما وهبني الرب سبحانه
‏دعيـت الله وأبواب السما بالخيـر مفتوحـه

.....

تجمل يا مال العافيه دام راسك حي
ترا زينه وجيه النشاما فعاليها

.....

تولعتَ بك ولعة هل الطير للمقناص
ياعين العدِيم اللي على كف صقاره

.....

البرد جانا والحطب ماشريناه
ولا عاد فالدولاب كوتً يدفي

حتى لو يدفيني اللبس م ابغاه
أوضح الموضوع والا يكفي

.....