اخترنا لكم شعر نبطي وفصيح

‏عسى المطر يغسل قلوب المخاليق
من همّها من غمّها من كدرها

ويمطر على اللي فالقبور المغاليق*
من مزنةٍ يسبق بردها رعدها

.....

‏هاذي هي الدنيا بها الهم والضيق
محدن بها مرتاح لو زاد ماله

والله جعلها فتنةً للمخاليق
حَكْمَهْ من المعبود جلّ جلاله

ويالعبد قدامك حسابٍ وتدقيق
والموت كلٍ بالنهايه ...مأ له

واللي يبي له في حياته توافيق
يتبع طريق الحق ويطيب فاله

.....

سراب الاعذار مايقطع ضما الوارد
في عينه الارض جردا والسما زرقا

ردودك البارده واسلوبك البارد
كنها توريني المنهاج والفرقا

واعذارك الواهيه من ذهنك الشارد
اغصان هجر عليها ناحت الورقا

من دون طيحة غلاك حروب ومطارد
والعين ماطاح منها ما قدر ييرقا

.....

‏من منطلق من لا عرف معدن الناس
‏الوقت كافل لك يبيّن بعضها

‏لاتصير حساس ٍ ولو كنت حساس
‏بعض البشر جرح المشاعر غرضها

.....

‏خلك كبير وخل عنك الملامات
‏لاتشغلك ناسٍ تعيش بـ جهلها

‏عين الصغير تشيل هم الصغيرات
‏وعين الكبير تشيل دنيا بأهلها

.....

‏لها بعيـني شان كله على شان
‏حسنن لبَسها لبْسها للقلايد

‏ما الله خلق في زينها مثلها انسان
‏اللي عليها يخضعن الشرايد

‏قلـبي لها بيتٍ وموطن وعنوان
‏وانا لها بالحب صايد وقايد

.....

‏لحدٍ يعاتبنا ويشره علينا
‏ويفتح على روحه من الريع بيبان

‏ما عاد دون حلوقنا الا يدينا
‏ما الله خلقنا نرضي فلان وفلان

.....

‏يعمّ الهُدوء ويستثير السُكون الصوت
‏وأنا بين صوت العقل واحساسي الجايش

‏ما ضيَّعني وذوَّقني الموت قبل أموت
‏الا عقلي المتحرّص وقلبي الطايش

‏أشوف الحياة جْنازةٍ في بطن تابوت
‏لكنّي رغم كل الصعوبات متعايش

‏ترا ما أصعب من الموت واللي خلاف الموت
‏إلّا الفترة اللي لا أنت ميّت ولا عايش

.....

‏تبهذل القلب من نكبات الايامي
‏ماهوب نكبات حب وعشق مجنونه

‏من كثر ما ينصدم من بعض الاقلامي
‏أللي تخون الضمير وتعمي عيونه

.....

شاعرك مجنون بك لجْلك يقومها قيامه
‏سلمي له يالعيون الناعسات النرجسيه

‏انتي اصلاً بالجمال اليوسفي عندك علامه
‏حايزة كل الجمال اليوسفي يا هالبنيّه

.....