اخترنا لكم شعر نبطي وفصيح

‏كفرت بالغش وخيانات الاصحاب
‏وامنت بان الحب شرع وسكينه

‏صدق المشاعر تنعرف بين الاحباب
‏لامن دمح لك من تحبه ضغينه

.....

‏انا وريث الشوق يا مالك الشوق
‏محد ٍ ورث مع شوقي إلا جنابك

‏قسمتها ما بين مبسمك والموق
‏وما بين عروة بابي وقفل بابك

.....

سَيبقى حُسنُ صُنعكَ حين تَفنى
وَيُدفنُ حسنُ وجهكَ فِي الرِّمالِ

.....

‏الخاطر اللي على سود الليالي صبور
‏يسري به الفكر ويحسب الاوادم سرت

‏احيان نمشي مع العالم بليا شعور
‏والناس عن ما تكن صدورنا مادرت

‏كم حاجةٍ في معاليق الضماير تدور
‏ اقوم واخلي المجلس لامنها طرت

.....

‏يقول بن جدلان رحمة الله عليه :
‏وهو صادق..

‏هذا الزمن لا عاد تشره على الناس
‏ولا تعاتب كل ما شفت زلّه

‏كثر التشره والعتب يوجع الراس
‏من جاز لك جز له ومن شان خلّه

‏تغاضي يا عيــوني والسنين قصـار
‏ما دام الوقت لا انصفني ولا انصفته

‏أحب اللـي مضى لي واكره التكـرار
‏واشـوف اللي يخـوّفني ولا خفــته

‏غريب شعـور والواقع غريب اطوار
‏كـثر ما كنت راضي كــثر ما عفــته

‏يا كـثر اللي تحاشيـته يصير وصـار
‏ويا كـثر اللـي تمنّيــته ولا شفــته

.....

جروح الغياب وذكريات الوداع تبين
‏علاماتها ،،، ورسومها مني ومنّك

‏وانا عارف انها تشبه السيف ابو حدين
‏ليا كان حنّيته من القطع ما حنّك

‏ألا يا زمانٍ ،،، غيّب اشواق نور العين
‏متى احسن معك ظني وتحسن معي ظنّك

.....

‏يا سراب الأماني في زمان العذاب
‏ماتت احلامنا من سبّتك ظاميه

‏كيف تروى وميرادك هماج وعتاب
‏والمشاكل غدت نيرانها حاميه

‏ما تطفي لهايبها مزون السحاب
‏القلوب اصبحت باسبابها داميه

‏لوّ ادوّن مآسيها بصفحة كتاب
‏كان سويت منها قصه دراميه

‏يا سراب الأماني أدري انك سراب
‏وان ما لك ، ولا لك سيرةً ساميه

‏من يقع في سرابك طاح حظه وشاب
‏وافتقر ،، لو انّ عنده ثروةً ناميه

‏ذي حقيقتك جايت في زمان العذاب
‏وماتت احلام باسبابك وهي ظاميه

.....

‏ليتك تجي مع المطر واحتفل فيك
‏حيثه هو اللى يحيي الشوق فيني

‏ اقبل علي بسرعتك وافتح يديك
‏وانا عليك بقبل وبفتح يديني

‏ لا تحرجك نظرات من هم حواليك
‏حتى الهواء ما بيه بينك وبيني

.....

‏أنا الموطن وأنا الحاكم وأنا جيشي وأنا الجلّاد.
‏أنا من حارب جروحٍ تقطّع في شرايينيّ

‏أنا كل القصيد إللي إنكتب في قول أهل الضاد
‏وأنا إللي دايم أصوات النصر تشدّ وتغنينيّ

‏أنا الوجهه أنا المنفى أنا الواحد أنا الأحشاد
‏أنا كل شيٍ في كوني ولا به شيٍ يلوينيّ

.....