اخترنا لكم شعر نبطي وفصيح

حسبتك لا عطيتك دم قلبي تحفظ المعروف،
‏ما حَسْب انك بتنكر موقفي ويضيع معروفي

‏اثارك ساقط الهقوه ولابك خير ياالملقوف
‏ومن يصنع معاريفه بمثلك ،، صار ملقوفي

.....

‏عيت تروح الذكريات القديمة
‏اللي تجدد مع مرور السنوات

‏صورة ورى صورة وذكرى أليمه
‏خلتني أراجع جميع .. الملفات

.....

‏ومن شتات الوقت،،تلقاني حزامك
‏وإلتمس معنى المحبة من خفوقي

‏ياخوي القلب آسرني أهتمامك
‏وأنت من بد البشر شفّي وذوقي

.....

ريّحوا بال الظنون وقفّلوا باب الملامة
‏العرب ماعاد تدري من تحب ومن تعادي

.....

‏قودني يا منوة القلب لو ماني ضرير
‏وودني لدروبك اللي تبيها ودّني

‏خذ يديني في يدينك مثل طفلٍ غرير
‏وحطّني في وسط صدرك وعقبه هِدّني

.....

‏طبعك جميل وتسرق اقلوبنا سرق
‏غالي على قلبي وبالحيل غالي

‏تفرق عن العالم من الغرب لشرق
‏وفيك الجمال اليوسفي نخب عالي

‏تاج الجمال بطلتك ماخذه طرق
‏وانا اشهد انك بالحلا زود حالي

‏اسكن معاليق الحشاء وحرقه حرق
‏ وجعل السعاده فال قلبك وفالي

.....

من توكل على الله ما تعرقل مساره
لو جميع العوايق تعترض له يفوز

لا توجه لدربن ما يتيه افتكاره
له تهون الصعاب وتنفتح له كنوز

ومن تبع غير ذلك عاقبته الخساره
لو يحصن شؤونه فايقات الحروز

التوكل يخلي صاحبه بالصدارة
ما نقل هم شح ولا نقل هم عوز

.....

أوقفي لا عدمتك فوق معنى المحال
ودوسي بكل قوة هامة المستحيل

لا تقولين مقدر حاولي باحتمال
بالأمل والتفائل كل يأسن يزيل

التحدي الحقيقي فل صم الجبال
والتردد يخلي صاحبه كالفتيل

القصايد قلايد فوق صدر الجمال
مثل دم النشاما فوق در الأصيل

.....

أنا ليامن صد عني رفيقي
له ألتمس عذر الرفيق لرفيقه

وان صادفه مكروه صدري يضيقي
وما عشت كان اني تركته بضيقه

اصير له بالضيق عضدن حقيقي
مثل الشقيق اللي يعاضد شقيقه

واليا تمادى وابتعد عن طريقي
الله يسهل خطوته في طريقه

ليا جا مجاله قلت نعم الصديقي
ما أعذربه لو ذقت مرُ الحقيقة

.....

الصراحة لو تقول الناس راحه
في زمان اليوم ما صارت مريحه

كم صريحٍ عرقلو سكة نجاحه
كل ذنْبه دايم أقوال صريحه

والصراحه دامها صارت فضاحه
إحفرو ل موضح الكلمه ضريحه

.....