اخترنا لكم شعر نبطي وفصيح

‏رح وأمانه بلغ الدنيا سلامي
‏والمشاعر قلها فرصه سعيده

‏يا حياتي وابتدا الحفل الختامي
‏والخطأ كني اعيده لجل اجيده

.....

‏اطعن بحد العيون السود من قدّك
‏إن كان لك دين خلّ العين تستافي
‏
‏تاخذك الايام وتوديك وتردك
‏يخونك الوقت وتعود على الوافي

.....

‏لولا ضروف الزمن والهـمّ والغربـه
‏والحب والعاطفـه والشكّ والغيـره

‏ما كان رف الشعور وحام به سربه
‏وأسترسل الشاعر وغنّـا بتعبيـره

.....

‏القوافي والمواقف والرجال اصنافي
‏والرجال اسماعها وقلوبها حساسه

‏والتجارب مدرسه والشرح شرحٍ وافي
‏والزمان استاذ وظروف الحياه دراسه

.....

‏لا صار الغياب مجريّ الناعسات السود
‏تصير الضلوع الناحله مسرح اجرامي

‏لو إن لـ الحزن و مجاهد الذاكره مردود
‏ بعد كل غصة شوق الأقيك قدامي

‏من المؤسف انك لا انت غايب ولا موجود
‏و من المخذل انك تحسب غيابك إلزامي

‏لا زادت مشاريهي على دورك المفقود
‏يوقف بدالك قلبي بـ مهنة محامي

.....

‏له في وجيه العابرين وفـ الممر
‏طيفٍ يعاملني مثل ما آعامله

‏لو ما كمَل به نصف دين ولا عمر
‏لا زلت آداري خاطره وآجامله

‏في كل ليلة طاب لي فيها السمر
‏كنّه يشكّلها بـ روس آنامله

‏إن ما طغى نوره على نور القمر
‏عطاني المشهد بـ صورة كاملة

.....

‏من صوتك الخادر اليا عيونك الخدرا
‏اضيع وادعي عساي ان ضعت ما القاني

‏ومن عينك الواسعه لـ الشفه الحمرا
‏ما فيه كلمه ولا نظره تعداني

‏ومن شامة الخد حتى الشامة الأخرى
‏اموت و احيا واموت بـ كل وجداني

‏اعمق من الشعر والاحلام والذكرى
‏واصدق من الكره في نظرات عدواني

.....

‏ماني ضعيف إيمان لكني انسان
‏تجرحني الكلمة ويقتلني الظن

‏قصة مشاعر خلفها الف خذلان
‏عاشت وكبرت مثل مايكبر السن

‏انا ضحية صمت في ظلم الأزمان
‏صابر واقول الجاي يارب احسن

‏ياكثر شرهاتي علئ ماضي كان
‏وياكبر هقواتي على احلام ماجن

.....

ليه تسمع للعواذل دون أدنى دليل
‏وانت في عالم غرامي مثل كوكب زحل

‏صرت من حلمٍ حقيقي لحلمٍ مستحيل
‏اعترف به بس ماله على الواقع محل

‏قو قلبك لاتردد على باب الرحيل
‏لا انت اول من شريته ولا آخر من رحل

......

‏والعمر مهما يطول بتقضي سنينه
‏وأول ما يشهد على نفسك جوارحها

‏يا الله بـقلبٍ سليم ونيةٍ زينه
‏تفتح لنا أبواب ما نقدر نفتّحها

امين